Ina laḡani Gima Kohorona ena atikol idauidau o duahidia, a? Mani ini henanadai ba haerelaidia:

“Lalomui ba hamatamata” anina be dahaka? (Roma 12:2)

Anina na eda mauri ai kara namodia haida mo baita kara na dia heḡereḡere. To, namona na eda lalohadai bona kara baita haerodia namonamo, unu amo baita diba ededia be baita haidaudia, Dirava ena taravatu heḡereḡerena baita mauri totona.—w23.01, rau 8-9.

Tanobada ai e varamu ḡaudia ta itamu neganai edena dala ai lalohadai maorona baita hahedinaraia?

Ita na ta uramu tanobada ai e varamu ḡaudia ese Baibul ena peroveta herevadia e haḡuḡurumu daladia baita diba. To bae vara ḡaudia na basita herevalai kava badina asita uramu baita gwauraia ḡauna ta ese kongrigeisin ena lalotamona karana baine hadikaia. Namona na eda herevahereva lalodiai, Iehova ena orea ese e halasimu pablikeisin ai e ato ḡaudia baita herevalai. (1 Kor. 1:10)—w23.02, rau 16.

Iesu ena bapatiso bona ena hahediba edia bapatiso be ede e idau toma?

Iesu na Dirava ena gwauhamata besena lalonai e vara dainai, ena mauri Iehova enai baine gwauhamatalaia na asi anina. Danu ia na ḡoevadae tauna dainai, baine helalo-kerehai na asi anina.—w23.03, rau 5.

Edena dala ai haida baita durudia hebou ai bae haere totona?

Namona na iseda haere baita hakwadoḡidia, unu amo momo bae haere diba. Danu point momo basita herevalai. Unu amo point haida na ma haida ese bae herevalai.—w23.04, rau 23.

Isaia 35:8 ese e gwauraia “Dala Helaḡana” be dahaka?

Una dala na Iuda taudia ese Babulono e rakatania bona Ierusalem e lou lao dalana e laulaulaia. Hari ina negai “Dala Helaḡana” be ede bamona? Laḡani 1919 do lasi ai, laḡani 100 momo lalodiai, Dirava garina e gariva tataudia ese ḡaukara mai anidia e kara, heḡereḡere idia ese Baibul e trensleit bona e printidia. Dirava ena taunimanima na una “Dala Helaḡana” ai dounu e rakamu. Unu amo Basileia ese be havaramu hahenamodia be moalelaimu.—w23.05, rau 15-19.

Hereva Lada-isidia karoa 9 ese e herevalai hahinedia rarua amo dahaka ta dibamu?

Hereva Lada-isidia ese e hahedinaraiamu “kavakava hahinena” ena boiboi e abia daemu taudia na “mase ena dobu gabudia” be laomu, a “aonega” korikori hahinena ena boiboi e abia daemu taudia be “lalo-parara dalana” ai be rakamu bona be maurimu. (Her. 9:​1, 6, 13, 18)—w23.06, rau 22-24.

Edena dala ai Dirava ese Lot e kara henia dalana amo manau bona lalo maoromaoro e hahedinaraia?

Iehova ese Lot e hamaoroa Sodom baine rakatania bona ororo baine heau lao. To Lot ese Dirava e noia Soara hanuana bainela neganai, ena noinoi na e abia dae.—w23.07, rau 21.

Dahaka ba kara bema adavamu na ponografi e itamu?

Basio lalo una na oiemu kerere. Namona na emu hetura karana Dirava ida ba laloa bada bona Ia ese e durudia hahinedia sivaraidia na Baibul ai ba duahi bona ba lalodia dobu. Adavamu ba durua hedibaḡani bae havara ḡaudia o gabudia baine dadarai.—w23.08, rau 14-17.

Haida ese ta abi daemu ḡaudia bae henanadailai neganai, edena dala ai laloparara ese baine duruda baita manau?

Haere ta do asita heni lalonai, namona na iena lalohadai bona e lalo badamu ḡaudia baita lalopararalai. Unu amo mai manauda ida baita haere dibamu.—w23.09, rau 17.

Maria na heduru e tahu, una ese ita be dahaka e hadibadamu?

Maria na e diba ia na Mesia sinana ai bainela neganai, haida edia amo heduru e tahu. Gabriel bona Elisabeta ese Dirava ena Hereva amo Maria e hagoadaia. Ita danu tadikaka taihu edia amo heduru baita abi diba.—w23.10, rau 15.

Iehova be ededia dala ai eda ḡuriḡuri e haerelaimu?

Iehova na e gwauhamata eda ḡuriḡuri baine kamonaidia bona iena ura e laloamu. (Ier. 29:12) Ena be ita ta ta eda noinoi ḡaudia na heheḡereḡere, to Iehova ese dala idauidau ai e haerelaimu.—w23.11, rau 21-22.

Roma 5:2 ai “helaro, [NWT]” e herevalaia, dahaka dainai siri 4 ai ma e herevalaia lou?

Ta na Baibul amo sivarai namona e kamonaiamu neganai, e dibamu ia na tanobada paradaisona ai mauri hanaihanai be moalelaiamu. To hisihisi idauidau e davarimu, e haheaukalaidiamu bona Dirava ena lalonamo e mamiamu neganai, ena helaro na e goadamu, dia guna bamona.—w23.12, rau 12-13.