PHILIPPINES ai, kekeni rarua na Baguio Siti ai e ha loaloa. Idia ese public witnessing troli ta e itaia, to asie raka henia. Una troli badinai gini taihuna ladana Helen ese e kiri henida. Unu kekeni raruosi na e hanai, to Helen ena kiri toana na asie laloaboio.

Gabeai, taudia raruosi basi amo ruma e laova lalonai Kingdom Hall ta ai jw.org ena sain badana e itaia. Bena e helalotao, una sain na hari troli ai e itaia. Idia ruaosi na basi amo e diho bena Kingdom Hall ela. Unuseniai sediual ta e itaia kongrigeisin be ededia taim bona dina ai e heboumu.

Unu kekeni raruosi na hebou ela. Bona Kingdom Hall ai raka vareai neganai, daika e itaia? Helen! Idia ese taihu ena kiri toana na se laloaboio. Helen e vasi gwau, “Lau e raka henigu neganai, taina na gari. Natomava kerere ta na karaia.” To unu kekeni raruosi ese Helen e hamaoroa, idia ese ia na public witnessing troli badinai e itaia.

Unu kekeni raruosi ese hebou bona tadikaka taihu edia hebamo na e moalelaia. Hebou murinai haida e itadia Kingdom Hall e haḡoevaia neganai, e henanadai bema namo bae heduru diba. Kekeni raruosi padadiai ta be Philippines e rakatania, to ta be dounu e heboumu bona Baibul e stadilaiamu. Oibe, Helen ena kiri toana dainai ḡau namona ta e vara!