GENESE 22:6 ai e herevalaia sivaraina ese e hahedinaraiamu, Abraham na gabu daudauna ta ai boubou ḡauna ta baine heni totona, ia ese “boubou lahina audia e abi, natuna paḡana ai e ato kau, bona lahi bona kaia imana ai e abi; bena raruosi e raka hebou.”

Idaunega taudia ese lahi e karava dalana na Baibul ese se herevalaia. To toretore tauna ta na e gwa, reana Abraham bona Isaak ese edia laolao lalonai e abia kau lahina na sisina mo e arava. Una dainai, reana idia na lahi ikarana kohudia e abi kau.

To haida na e gwaumu, Baibul negadia ai lahi ikarana na mai hekwarahina. Una dainai, taunimanima na lahi bae kara totona dekedia taudia edia amo gida siahudia e abiva bena lahi e karava. Diba bada taudia momo na e gwaumu, Abraham na hodu ta e abia kau—reana una hodu imana na seini amo e karaia—ia lalonai na lahi gidadia e uda, unu na hanuaboi ai e kara lahidia amo e abi. (Isa. 30:14) Una dala amo edia laolao lalodia ai unu e abi kau gida siahudia bona au maraḡidia bae ḡaukaralai diba lahi bae karaia totona.