Ita na dia hebou badadiai bona maraḡidiai mo Iehova ta tomadiho heniamu, to siboda bona eda ruma bese ida negadiai danu ia ta tomadiho heniamu. Sibomu emu stadi ai eiava ruma bese tomadiho ai ba kara ḡaudia haida na ini:

• Kongrigeisin heboudia totodia ba heḡaeḡae. Heḡereḡere hebou anedia ba praktislai bona ruma bese taudia ba durudia haere ta bae heḡaeḡaelai.

• Baibul sivaraina ta ba duahia. Bona una sivarai ai e vara ḡauna ta laulauna eiava o dibaia ḡauna ta ba torea.

• Baibul ai e torea ḡuriḡurina ta ba stadilaia bona una ese oiemu ḡuriḡuri baine hanamoa daladia ba lalo.

• Vidio ta jw.org ai ba itaia bona ma haida ida ba herevalaia. Eiava una vidio amo o diba ḡaudia na ba toredia.

• Haroro ḡaukara totona ba heḡaeḡae, bona o heḡaeḡaelaia ḡauna na ba praktislaia.

• Iehova ese e kara ḡaudia ba ita, bena ba lalodia dobu eiava Iehova enai o dibaia ḡauna ba herevalaia hebou. a