Nega momo ta stadilaimu ḡaudia baita lalotao na mai hekwarahina. To, Iesu ese e hahedibalaiva ḡaudia ilalotaodia na haraḡa badina laulau herevadia e ḡaukaralaiva. Reana lalomu ai Iesu ese e gwaurai herevadia bo piksaia dibamu dainai, ilalotaona na haraḡa. Una heḡereḡerena, o stadilaimu ḡaudia bo lalohadailaimu neganai, ḡau momo bo lalo taomu. Una ba karaia dalana ta be dahaka? Emu stadi lalonai laulau ba tore (draw pictures).

Taunimanima momo na ḡau matamatana ta e dibaiamu bona laulauna e toreamu neganai, nega momo idia ese e dibaia ḡauna na e laloa taomu. Una dala namona ese e durudiamu hereva anidia bona point badadia bae lalopararalai. Idia ese e toremu laulaudia na dia auka. Danu, taunimanima badadia momo ese e davaria laulau itorena karana na dala namo hereana idia ese e diba ḡaudia bae lalotao totona.

Una dainai, emu stadi negana ma ta ai mani oi o dibaia ḡauna laulauna ba torea. Reana bo hoamu oi o diba ḡaudia momo na bo lalodia taomu!