Oibe, bema idia na dia badi maorona ta dainai ruma tamona ai bae noho bona matabodaḡa ihamomokanina ḡaudia bae vara, elda oreana ese hahemaoro komiti bae karaia diba.​—1 Kor. 6:18.

Elda oreana ese e vara ḡauna na bae haeroa namonamo, unu amo bae itaia hahemaoro komiti ta bae karaia eiava lasi. Heḡereḡere: Idia be e heura hehenimu, a? Idia be guna edia kara heheni daladia daidiai sisiba e abi, a? Dahaka badi dainai ruma tamona ai e noho hanuaboi ela bona daba? Idia ese una be e laloa hata, a? Dala ma ta bae abia hidi diba, a? Eiava ḡau ta e vara, reana hekwakwanai ta o dika ta e vara kava dainai ruma tamona ai e noho hanuaboi ela bona daba, a? (Koh. 9:11) Idia be edeseni ai e mahuta? Badi na idauidau dainai, elda taudia ese ḡau iboudiai bae haerodia namonamo.

Elda oreana ese ḡau iboudiai bae haerodia namonamo murinai, abi hidi bae kara una tau bona hahine ediai hahemaoro komiti bae karaia eiava lasi.