Gima Kohorona matamatadia o duahidia namonamomu, a? Mani ini henanadai ba haerelaidia:

Eda ane abi karana baita hanamoa totona baita kara ḡaudia hani be dahaka?

Baita gini namonamo bona eda ane bukana baita abia isi vairadai. Baita hahodi badabada. Ududa baita keho badabadamu neganai, ane baita abi badabada dibamu.​—w17.11, rau 5.

Israel ai roho mauri hanuadia ilao henidia gabudia bona daladia ese dahaka e hadibadamu?

Tano ta ta ai e abidia hidi roho mauri hanuadia na 6, bona ilao henidia daladia na nanamo. Tau ta na unu roho mauri hanuadia ta bainela haraḡa diba.​—w17.11, rau 14.

Dahaka dainai Dirava ese Iesu ena amo e heni mauri davana na harihari ḡauna hereadaena?

Eda ura ḡaudia e heni baita mauri totona, bona kara dika bona mase amo e ruhada. Dirava ese Adam besena na e ura henidia dainai, ita dounu kara dikadia ta karava negadia ai Iesu na ita daidia e heni.​—wp17-E.6, rau 6-7.

Edena dala ai Salamo 118:22 ese Iesu ena toreisi lou karana e herevalaia?

Iesu na Mesia dainai e dadaraia bona e hamasea. Ia na “daiguni nadina ai” bainela totona, baine toreisi lou.​—w17.12, rau 9-10.

Mesia be roboa ahuna e abia taudia edia bese amo e vara, a?

Nega haida natu roboana ena amo Iesu baine vara, to dia hanaihanai. David na dia Iese natuna roboana; to Mesia na David ena bese amo e vara.​—w17.12, rau 14-15.

Medikol dalana ai Baibul ena hahekau herevadia haida be dahaka?

Taravatu henunai, gorere idauidau e abi taudia na sibodia bae noho. Mase tauna enai bae dau kau taudia na bae digu. Taravatu ese taunimanima bae murimuri gabuna maorona e herevalaia. Vara matamata merona na dina namba 8 ai bae peritomea, rarana e goadamu neganai.​—wp18-E.1, rau 7.

Dahaka dainai Kristen tauna sibona baine helalokau heni na maoro?

Baibul ese e hagoadadamu dekeda taudia baita lalokau henidia siboda ta helalokaumu heḡereḡerena. (Mar. 12:31) Tatau ese “adavadia bae lalokau henidia, sibodia tau-anidia e lalokau henimu heḡereḡerena.” (Efe. 5:28) Momokani, sibo helalokau heni karana ese hekwakwanai baine havaraia diba.​—w18.01, rau 23.

Lauma dalana ai baita goada daladia haida be dahaka?

Dirava ena Hereva baita stadilaia, baita lalodia dobu, bona ta dibamu ḡaudia baita badina. Danu, kudouda bona darada ai lauma helaḡa ena hahekau dalana baita badinaia, bona mai moaleda ida ma haida edia heduru baita abi dae.​—w18.02, rau 26.

Dahaka dainai hisiu toadia e tahumu taudia bona vairai bae vara ḡaudia e gwauraimu taudia edia amo vaira negana na basita diba?

Badi na idauidau, to badi badana na Baibul ese unu kara ruaosi na e gwauraidia dika.​—wp18-E.2, rau 4-5.

Ta ese aniani hebou totona e boiridamu neganai, ena boiboi iabi daena karana be ede baita laloa toma?

Bema ta ena boiboi ta abia daemu neganai, eda hereva baita hamomokania na namo. (Sal. 15:4) Badi asi anidia ai eda lalohadai baita haidaua na dia namo. Ita e boirida tauna na e hekwarahi aniani e heḡaeḡaelai.​—w18.03, rau 18.

E abidia hidi taudia be Timoteo ena amo dahaka bae diba?

Timoteo ese taunimanima na e lalodia badava bona haroro ḡaukara e atoa gunava. Ia na hesiai ḡaukara helaḡana ai e ḡaukara goadava bona e dibava ḡaudia e badinava. Ia na sibona e hahedibava bona Iehova ena lauma helaḡa enai e tabekauva. Elda taudia bona ma haida ese ena kara bae tohotohoa diba.​—w18.04, rau 13-14.