Taunimanima Edia Henanadai
Salamo 12:7 ai, ina hereva “oi ese idia na bo gimadiamu” be siri 5 ai “e hahisidiamu taudia” e gwauraidia, eiava siri 6 ai “Iehova ena hereva” e gwauraia?
Salamo 12:7 badina siridia ese e hahedinaraiamu una na taunimanima e herevalaidia.
Salamo 12:1-4 ai ina hereva: “Kamonai taudia na taunimanima natudia bogaraḡidia amo vada e puki oho” baita duahiamu. Bona Salamo 12:5-7 ai, na e gwaumu:
“Iehova na e tomu,
‘Ogoḡami tauna ena ḡau e dadihaimu dainai,
bona asi ena tauna e ḡanaḡanamu dainai,
lau na baina tore-isi, e ura heniamu mauri-gabuna ai baina atoa.’
Iehova ena hereva na ḡoḡoevadae;
silver na tano ai ihavevelaina lahina ai nega hahitu e haḡoevaiamu na heto.
Iehova e, oi ese idia na bo gimadiamu;
Oi ese idia ta ta na bo gimadia hanaihanaimu.”
Siri 5 ese e hahedinaraia e hisihisimu taudia na Dirava ese be hamauridiamu.
Siri 6 ai danu e gwa, “Iehova ena hereva na ḡoḡoevadae,” e haḡoevaia silver na heto. Kristen taudia ese Iehova ena hereva na unu e laloa tomamu.—Sal. 18:30; 119:140.
Siri 7 ai na e gwa: “Iehova e, oi ese idia na bo gimadiamu; oi ese idia ta ta na hanaihanai bo gimadiamu.” Una hereva “idia” be daidia e gwauraidiamu?
Siri 6 ai na e gwa, “Iehova ena hereva” bona siri 7 ai e gwa, “bo gimadiamu,” una dainai haida na e laloamu “idia” na Dirava ena hereva e gwauraiamu. Ena be Dirava inaina ese Baibul e taravatua bona e ura bae hadikaia, to Dirava ese na e gimaia.—Isa. 40:8; 1 Pet. 1:25.
To, siri 5 ese e hahedinaraiamu heḡereḡerena, Iehova ese taunimanima danu e gimadiamu. Iehova ese “hisihisi taudia” bona e “daḡedaḡe” henidiamu taudia na e durudiava, bona dounu be durudiamu.—Iobu 36:15; Sal. 6:4; 31:1, 2; 54:7; 145:20.
Una dainai siri 7 ai ina hereva “idia” be daidia e gwauraidiamu?
Una na taunimanima e herevalaidiamu, badina siridia ese e hahedinaraia heḡereḡerena.
Salamo 12:1, 2 ese e hahedinaraiamu “kamonai taudia” na e koidia, bona Iehova na baine toreisi unu koikoi taudia baine hahemaoro henidia. Unu hereva amo ita na ta dibamu Dirava na ena taunimanima daidiai ḡau ta baine karaia, badina iena hereva na momokani eiava ḡoḡoeva.
Una dainai siri 7 na e gwaumu, Iehova ese “idia” anina na kara dika taudia ese e hahisidiamu taudia na baine gimadia.
Ina hereva “idia” na baita abidadama henia diba Heberu Toretoredia ai e ḡaukaralai. Greek Septuagint Baibul ena siri 7 ai, ina hereva “ita” na nega rua e ḡaukaralaia, una na kamonai taudia e gwauraidia, idia na e hahisidia bona e daḡedaḡe henidia taudia. Danu siri 7 ese e hahedinaraiamu Dirava ese kamonai taudia “ta ta” na “ina uru” eiava koikoi bona kara dika e abi daemu taudia amo baine gimadia. (Sal. 12:7, 8) Heberu Revarevadia na Aramia gado ai e hahanaia neganai, siri 7 matamana kahanai ina hereva “idia” e ḡaukaralaia, bona e gwa: “Oi LOHIABADA, ese kara maoromaoro taudia na bo gimadiamu, uru dikana amo idia na bo gimadia hanaihanaimu.” Unu hahemomokani ḡaudia ese e hahedinaraimu, Salamo 12:7 ai ina hereva “idia” na dia Dirava ena hereva e herevalaia.
Una dainai, una siri ese “kamonai taudia” na e durudiamu bae abia dae Dirava na idia daidiai kara ta be karaiamu.
