Dirava ese Iesu ena mauri idavalaina boubouna amo eda kara dika baine gwautao diba. Ma dala ta na lasi. (Efe. 1:7) To Iesu ese ena mauri do se bouboulaia neganai, Baibul na e gwa: “Kara dika gunadia vada eme hegwau tao, Dirava ena haheauka dainai.” (Roma 3:25) Una nega ai, Iehova be edena dala ai dika e gwautaova? Bona dounu hahemaoro maoromaoro karana e hahedinaraia?

Iehova na e gwauhamata “natuna” ta baine heni. Iena amo abidadama taudia baine hamauridia. Una gwauhamata e karaia neganai, Iehova matanai una na heḡereḡere mauri idavalaina boubouna na vada e heni. (Gen. 3:15; 22:​18, NWT) Dirava na dibana ena nega korikori ai Natuna vara edeana na mai ena ura ida ena mauri baine bouboulaia. (Gal. 4:4; Heb. 10:​7-10) Iesu tanobada ai neganai, Iehova ese maoro e henia kara dika baine gwautao. Iesu na unu e kara toma badina dibana gabeai be henimu boubou ḡauna dainai abidadama taudia edia dika na be gwautao dibamu.—Mat. 9:​2-6.