NEGA ta ai Iesu na eto: “Ḡau ihenina be namo bada, ḡau iabina be namo maraḡi.” (Kara 20:35) Iehova ihetura henina karana ai una hereva na mai anina bada. Dahaka dainai? Iehova ese ita ihamoaleda totona harihari ḡaudia momo vada e henida, to eda moale baita habadaia dalana ta bina: Eda harihari ḡauna ta Iehova baita henia. Iehova baita henia harihari ḡauna be dahaka? Hereva Lada-isidia 3:9 na e gwaumu: “Emu kohu amo Iehova ba hanamoa.” Eda “kohu” anina na eda nega, diba, goada, bona moni. Unu kohu amo tomadiho momokanina iduruna ḡaukaradia baita karamu negadiai, anina na ita ese harihari ḡauna ta na Iehova ta heniamu, bona unu baita kara tomamu neganai baita moalemu.

Eda kohu bona moni be edena dala ai Iehova baita henia diba? Aposetolo Paulo ese Korinto taudia e hamaorodia, edia kontribiusen na ‘taidia taidia bae ato tabe.’ (1 Kor. 16:2) Bema oi na o uramu emu gabu ai kontribiusen ba heni daladia haida ma ba diba, dahaka ba kara diba? Mani henu mauana ba itaia.

Intanet amo kontribiusen isiai lao karana eiava online donations na tano haida mo be ḡaukaralaimu. To, kontribiusen ba siai diba daladia ma haida na emai donations websait ba duahi diba. Tano haida ai, ina websait ai nega momo taunimanima ese kontribiusen dainai e henimu henanadai edia haere na bo duahi dibamu.