“Nega haida na lalometaumu negadiai, JW Broadcasting^® ai ane idauidau amo Iehova ese lau e hagoadagumu.”—Lorraine, U.S.A.

Dirava ihanamolaina anedia na Kristen taudia edia tomadiho kahana ta. (Kol. 3:16) Bema unu ane herevadia bo lalodia taomu, una ese be durumumu emu ane bukana, fon eiava tablet na lasi neganai, ane bo abi dibamu. Ane haida ba lalotao totona, henu ai e hetore heduru daladia haida mani ba tohodia.

• Ane herevadia (lyrics) ba duahidia namonamo, unu amo anidia ba lalopararalaidia. Bema ḡau ta anina bo lalopararalaiamu, bo laloatao haraḡamu. Iseda ane iboudiai, orijinol anedia bona maraḡidia edia ane danu, edia lyrics na jw.org ai e atodia. Library kahana ba taoa, bena baola Music.

• Pepa ta ai ane herevadia ba toredia. Unu bo kara tomamu neganai, ane herevadia na bo lalodia taomu.—Deu. 17:18.

• Ba praktis. Ane herevadia ba duahi eiava ane bavabi loulou.

• Emu helalotao karana ba tohoa. Ane herevadia ba gwaurai to pepa na basio itaia, unu amo ba diba oi be ane herevadia o lalotaomu eiava lasi.