Sibomu emu stadi ba moalelaia totona dahaka ba kara? Mani ini dala haida ba badina:

• Gabu maorona bavabia hidi. Namona na bo ḡaukaralaiamu gauna na clean bona diari. Teibolo o desk ta ba ḡaukaralaia, eiava gabu lahiana ta ai ba helai.

• Gabu asi tauna ta ba tahua. Iesu na baine ḡuriḡuri totona “daba do se kinia” ai gabu asi reḡereḡena ta ela. (Mar. 1:35) Bema o uramu ba stadi gabuna na dounu mai tauna, namona na emu stadi negana na emu famli eiava ruma taudia ba hadibadia unu amo emu stadi karana na basie hadikaia.

• Emu stadi na ḡau ta ese basine hadikaia. Bema oi na emu fon eiava tablet amo o stadimu, namona na silent eiava airplane mode ai bavatoa. Bona bema o stadimu lalonai, ba karaia ḡauna ta na lalomu ai e daemu, namona na ba torea tao, unu amo o laloamu ḡauna na gabeai ba karaia diba. Bema o stadilaiamu ḡauna ba laloa dobu na auka, ba laḡa-ani sisina diba.