Iehova Ena Hebogahisi Karana Baita Tohotohoa
“Iehova; Iehova, hebogahisi bona harihari-bada Diravana.”—ESO. 34:6.
ANE: 18, 12
1. Iehova be edena dala ai Mose vairanai sibona e hegwaurai hedinarai, bona dahaka dainai una na mai anina bada?
NEGA ta, Dirava ese ladana bona ena kara na Mose vairanai e gwaurai hedinarai karana amo e hahedinaraia ia be daika. E gwauraidia guna karadia rua na hebogahisi bona hariharibada. (Esodo 34:5-7 ba duahi.) Iehova bema ura neganai ena siahu bona aonega bema gwauraidia guna. To, una negai Mose na Dirava ena heduru ai baine tabekau na mai anina bada dainai, Iehova ese unu kara rua amo e hahedinaraia ia na e ura dikadikamu ena hesiai taudia baine durudia. (Eso. 33:13) Ena be Dirava ena kara namodia na momo to unu kara ruaosi e gwaurai guna karana dainai o moalemu, a? Ina stadi ai, hebogahisi karana—haida edia hisihisi dainai baita bogadia hisi bona baita durudia dalana—baita herevalaiamu.
2, 3. (a) Dahaka ese e hahedinaraiamu taunimanima ese hebogahisi karana na bae hahedinaraia diba? (b) Dahaka dainai Baibul ese hebogahisi e herevalaia karana ba diba na namo?
2 Dirava ese taunimanima na ia heida-idana ai e karadia. Iehova na hebogahisi Diravana dainai, taunimanima ediai ma haida edia namo ilalona karana na mia. Dirava momokanina asie dibaia Gen. 1:27) Baibul ese hebogahisi karana e hahedinaraia taudia momo sivaraidia e herevalai. Mani Solomon ena negai ariara hahinedia rarua ese natu ta e heailaia sivaraina aita laloa. Solomon ese baine tohodia totona e haheḡani, una natu na bae utua parara, una neganai sinana korikori ena hebogahisi karana e hedinarai. Hebogahisi karana ese e doria dainai, e noinoi una natu na hari hahine ta baine henia. (1 Han. 3:23-27) Eiava mani Farao natuna, Mose e hamauria hahinena, aita laloa. Ena be mai dibana e davaria beibina na Heberu taudia natudia bona baine hamasea na namo, to “ia ese e bogaia hisi” bona natuna ai e halaoa.—Eso. 2:5, 6.
taudia ese danu nega momo hebogahisi karana na e hahedinaraiamu. (3 Dahaka dainai hebogahisi karana baita herevalaia na namo? Badina Baibul na e gwaumu Iehova baita tohotohoa. (Efe. 5:1) Ena be Dirava ese e karada neganai hebogahisi na baita hahedinaraia diba, to ita na Adam besena bona dia ḡoevadae dainai siboda eda namo ta tahumu. Nega haida siboda eda ura baita karaia eiava haida baita durudia iabi hidina na auka. Haida na e hekwarahimu una bae karaia, badina asi dibadia edena negai hebogahisi bae hahedinaraia bona edena negai basie hahedinaraia. Dahaka ese baine durumu diba hanaihanai hebogahisi karana ba hahedinaraia totona? Ḡau ginigunana na, nega bavato Iehova bona ma haida ese hebogahisi karana e hahedinaraia daladia ba lalo. Ḡau iharuana na, Dirava ese hebogahisi e hahedinaraia dalana ba tohotohoa bona ena hahenamo ba lalo.
IEHOVA—HEBOGAHISI KARANA E HAHEDINARAIA ḠOEVAḠOEVA TAUNA
4. (a) Dahaka dainai Iehova ese aneru e siaidia Sodoma ela? (b) Lot bona natuna sivaraidia amo dahaka ta dibamu?
4 Baibul ai Iehova ese hebogahisi e hahedinaraia sivaraidia momo na mai dibada. Mani Dirava ese Lot e kara henia dalana aita laloa. Una kara maoromaoro tauna na Sodoma bona Gomora taudia edia kara dikadia daidiai “e hesiku.” Una dainai, Dirava na e gwa unu kara dika taudia bae mase na namo. (2 Pet. 2:7, 8) Dirava ese aneru e siaidia Lot bae hamauria. Idia ese Lot bona ena ruma bese e hamaorodia hanua amo bae heau. Lot e halahe neganai, “[aneru] raruosi ese ia imana bona adavana imana bona natuna ulatodia raruosi imadia e abi, hanua murimurinai e hakaudia lasi; badina be Iehova ese e bogaia hisi.” (Gen. 19:16) Una sivarai ese e hahedinaraiamu, Iehova ese ena abidadama taudia edia hekwakwanai na e lalopararalaidiamu, ani?—Isa. 63:7-9; Iak. 5:11; 2 Pet. 2:9.
5. Edena dala ai 1 Ioane 3:17 ese e durudamu hebogahisi karana baita hahedinaraia totona?
5 Iehova na hebogahisi karana mo se hahedinaraia, to ena taunimanima ese hebogahisi bae hahedinaraia badina danu e hadibadia. Mani Israel tauna ese abitorehai tauna ena dabua baine abia taravatuna a laloa. (Esodo 22:26, 27 ba duahi.) Reana kudou-auka tauna na be uramu una abitorehai e henimu neganai, abitorehai tauna ena dabua, mahuta ai e hetarulaiamu dabuana, baine abia. To, Iehova ese ena taunimanima na se hadibadia unu bae kara toma. Namona na bae hebogahisi. Una taravatu ena hahekau herevana tame diba dainai, ita e doridamu hebogahisi karana baita hahedinaraia, a? Ita be ta uramu tadikakada baine hisihisi eiava baita durua, a?—Kol. 3:12; Iak. 2:15, 16; 1 Ioane 3:17 ba duahia.
6. Iehova ese Israel taudia e durudia loulouva karana amo dahaka ta dibamu?
6 Iehova ese Israel taudia na e bogadia hisiva, ena be idia na e kara dika. Baibul na e gwa: “Iehova, senedia edia Dirava, ese 2 Sis. 36:15) Una dainai e helalo-kerehai bona Dirava ena lalonamo e abi taudia be unu ta bogadia hisi tomamu, a? Iehova na se uramu hahemaoro negana ai ta baine mase. (2 Pet. 3:9) Una dainai, Dirava ese kara dika do se haorea neganai, namona na Iena hebogahisi sivaraina na dounu baita harorolaia.
hereva na ena gwaukau taudia ududia amo e siai havara-havara, badina be ia ese ena taunimanima bona ena noho gabuna e bogadia hisi.” (7, 8. Dahaka dainai ruma bese ta na e abia dae Iehova ese e bogadia hisi?
7 Dirava ena hebogahisi karana e mamia taudia sivaraidia na momo. Mani laḡanina 12 merona, Milan, ena ruma bese ediai e vara ḡauna aita laloa. Una na laḡani 1990 lalodiai inai heheni karana e vara negana ai. Milan, tadina merona, tamana sinana, bona Witnes taudia ma haida na Bosnia ai basi amo ela Serbia. Idia na hebouhebou ta e laova, unuseni ai Milan tamana sinana na bae bapatiso. To boda ai, soldia ese una ruma bese na basi amo e hadihodia badina idia na idau bese taudia, to tadikaka haida be e siaidia. Dina rua e dogodia tao murinai, soldia edia ofesa na redio amo biaguna e nanadaia dahaka baine kara. Ia na idia vairadiai e gini dainai, biaguna ena haere na idia ese danu e kamonai, eto, “A laohaidia ba pididia!”
8 Ofesa ese ena soldia e hereva henidiava lalonai, tatau rarua na una ruma bese dekedia ela bena e hadibadia idia na Witnes taudia. Idia na basi ai e gui taudia ma haida edia amo e vara ḡauna e kamonai. Unu tatau raruosi ese Milan tadina ida e hamaorodia edia motuka ai bae gui boda bae hanaia totona, badina maraḡidia edia pepa na asie sekediava. Bona Milan tamana sinana e hamaorodia boda hetoana kahana bae raka lao bena unuseniai bae hedavari. Milan na asi dibana una hereva dainai baine kiri eiava baine tai. Tamana sinana na e henanadai, “O laloamu ai be itamaimu neganai be kahumai negemu, a?” To, e raka e laova neganai soldia ese na asie itadia. Una ruma bese na kahanai e hedavari. Idia na hebouhebou gabuna ela, bona e diba momokani Iehova ese edia ḡuriḡuri na e haerelaia. Baibul amo ta dibamu nega haida Iehova ese ena hesiai taudia na maoromaoro se gimadiamu. (Kara 7:58-60) To, Milan ese ena hemami na ini e gwauraia toma: “Lau egu ai una na vaitani aneru ese soldia matadia e hakepulu bona Iehova ese e hamaurimai.”—Sal. 97:10.
9. Iesu ese hutuma be ede e kara henidia toma? (Rau 8 ai laulau ba itaia.)
9 Iesu ena amo diba baita abi diba. Ia na hutuma e itadia neganai e hebogahisi, badina idia na “taudia e boera, bona e karoho, mamoe asi ireḡudia na heheto.” Una dainai dahaka e kara? Ia ese “e hadibadia” matama. (Mat. 9:36; Mareko 6:34 ba duahia.) Ia na dia Farisea taudia heḡereḡeredia, idia na asie urava ogoḡami taudia bae durudia. (Mat. 12:9-14; 23:4; Ioa. 7:49) Oi be Iesu heḡereḡerena, o ura dikadikamu lauma dalanai e hitolomu taudia ba durudia, a?
10, 11. Dahaka ese e hahedinaraiamu hebogahisi karadia haida na dia mamaoro? Ba herevalaia.
10 To baita gwa diba hebogahisi na mai ihahedinaraina negadia. Tame herevalai Baibul sivaraidia ai Dirava na nega maorodia ai hebogahisi karana e hahedinaraia. To, King Saulo na e gwau-edeede ena be e laloava ia e karaia karana na hebogahisi karana. Ia ese Dirava ena taunimanima e inai henidiava tauna, Agag, e hamauria, bona animal namodia na se aladia. Una dainai, Iehova ese Saulo na e dadaraia Israel basine lohiaia. (1 Sam. 15:3, 9, 15) Iehova na hahemaoro maoromaoro Tauna. Ia ese taunimanima kudoudia na e itamu, bona mai dibana ededia negai hebogahisi karana baita hahedinaraia na maoro. (Rohe-ahu. 2:17; Ese. 5:11) Kahirakahira Ia asie badinaiamu taudia iboudiai na be hahemaoro henidiamu. (2 Tes. 1:6-10) Una negai kara dika taudia na basine bogadia hisimu. To, be haorediamu karana amo Dirava ena hebogahisi kara maoromaoro taudia ediai be hahedinaraiamu.
11 Una ese e hahedinaraiamu, ita na asi eda maoro baita gwa daidia be bae mase eiava daidia be bae mauri. To hari, namona na dala idauidau ai taunimanima baita durudia. Una dainai ededia dala ai tadikakada ediai hebogahisi korikorina baita hahedinaraia? Mani dala haida aita herevalai.
HEBOGAHISI BAITA HAHEDINARAIA NEGADIA MAORODIA
12. Ma haida ta kara henidiamu neganai edena dala ai hebogahisi karana baita hahedinaraia diba?
12 Dina ta ta ai baita heduru. Dekeda taudia bona Kristen tadikakadia ibogadia hisi karana na Iesu e tohotohoamu taudia edia kara badana ta. (Ioa. 13:34, 35; 1 Pet. 3:8) Hebogahisi anina ta na, “baita hisihisi hebou.” Hebogahisi tauna na ma haida edia hisihisi e itamu neganai, e durudiamu. Dala baita tahu unu baita kara toma! Heḡereḡere, ta baita durua diba ena ruma ḡaukaradia baita kara, eiava stoa baitala, ani?—Mat. 7:12.
Ma haida ba durudia karana amo hebogahisi ba hahedinaraia (Paragraf 12 ba itaia)
13. Disasta negadia ai Dirava ena taunimanima be edena kara namona e hahedinaraiamu?
13 Dika negadia ai baita heduru. Momo ese disasta dainai e hisihisimu taudia na e bogadia hisimu dainai e durudiamu. Momo na mai dibadia unu bamona negadia ai Iehova ena taunimanima na e hedurumu. (1 Pet. 2:17) Japan taihuna ta e nohova gabuna na laḡani 2011 ai e vara tano laga bona sunami ese e hadikaia. Una taihu na e gwa, Japan bona tano ma haida amo volentia taudia momo na ela, bona e dika ḡaudia e hanamodia lou karana ese e “hagoadaia.” Ini e gwa toma: “Una ekspiriens dainai na diba Iehova ese lau na e lalogu badamu. Bona Witnes taudia ese tadikakadia na e lalodia badamu. Tanobada heḡeḡemadai tadikaka bona taihu momo na ai daimai ai e ḡuriḡurimu.”
14. Edena dala ai gorere taudia bona burukadia ba durudia diba?
14 Gorere bona buruka taudia baita durudia. Adam ena kara dika dainai hisihisi e davarimu taudia ta itadiamu neganai, ta hebogahisimu. Ta ura dikadikamu gorere bona buruka na bae ore. Una dainai ta ḡuriḡurimu Dirava ena Basileia bainema. To hari, namona na gorere bona buruka taudia baita durudia. Toretore tauna ta ese sinana burukana, Alzheimer gorerena e abia hahinena, e herevalaia. Dina ta, iena dabua na e hamiroa. Bona e urava baine haḡoevaia neganai, iduara ai pidipidi reḡena e kamonai. Una na Witnes taihudia rarua, idia na hanaihanai una hahine e vadivadiava. Unu taihu ese e nanadaia bema bae durua diba. Ia na e haere, e gwa: “Ina na mai hemaraina to namo ba durugu.” Unu taihu ese e durua ena dabua bona gabu e haḡoevaia. Idia ese ena ti e karaia bena ia ida e helai bona e herevahereva. Una hahine natuna na e moale bada herea. Ia na eto: “Witnes taudia na hanamodiamu badina e harorolaiamu herevana na e badinaiamu.” Gorere taudia bona burukadia o bogadia hisimu dainai, o uramu ba durudia, a?—Fili. 2:3, 4.
15. Eda haroro ḡaukara ese ededia dala e kehomu?
15 Lauma dalanai taunimanima baita durudia. Taunimanima edia hekwakwanai bona lalohekwarahi dainai ta uramu lauma dalanai baita durudia. Una baita karaia dalana namona na, Dirava bona iena Basileia ese taunimanima baine durudia dalana baita hadibadia. Dala ma ta na, baita durudia bena Dirava ena taravatu ibadinadia karana ena namo bae lalopararalaia. (Isa. 48:17, 18) Emu hesiai ḡaukara ese Iehova e hanamoamu bona ma haida ediai emu hebogahisi karana e hahedinaraiamu dainai, una ḡaukara ba habadaia diba, a?—1 Tim. 2:3, 4.
HEBOGAHISI KARANA ESE OI DANU BAINE DURUMU!
16. Hebogahisi tauna be edena dala ai namo baine davari diba?
16 Kwara goreredia edia dokta na e gwaumu, hebogahisi karana baita hahedinaraiamu neganai, basita gorere momomu, baita moalemu, bona eda hetura karana ma haida ida na be namomu. E hisihisimu taudia bo durudiamu neganai, bo moalemu, lalohadai maorodia bo abimu, basio lalomu oi na sibomu o nohomu, bona lalohadai kereredia na basio abimu. Oibe, hebogahisi karana bo hahedinaraiamu neganai, be durumumu. (Efe. 4:31, 32) Mai edia lalokau ida e uramu bae heduru Kristen taudia ese lalomamina namona e abiamu, badina idia ese Baibul ena hahekau herevadia e badinamu. Unu e kara tomamu taudia na tama o sina namodia ai e laomu, headava taudia namodia ai e laomu, bona tura namona ai e laomu. Hebogahisi taudia na hekwakwanai negadiai, ma haida ese bae durudia diba.—Mataio 5:7; Luka 6:38 ba duahi.
17. Dahaka dainai o uramu hebogahisi karana ba hahedinaraia?
17 Hebogahisi karana baita hahedinaraia badina na dia namo ta davarimu mo dainai. To una kara baita hahedinaraia badina badana na ta uramu Iehova Dirava, lalokau bona hebogahisi Badina, baita tohotohoa bona baita imodaia. (Her. 14:31) Ia ese haheitalai hereadaena e hahedinaraia. Una dainai, namona na Ia baita tohotohoa—tadikakada baita lalokau henidia bona dekeda taudia ida baita noho hebou namonamo totona, hebogahisi karana baita hahedinaraia.—Gal. 6:10; 1 Ioa. 4:16.