Baibul ese ini henanadai baine haerelai dalana mani aita itadia.

Aposetolo Edia Kara 24:15 ese e hadibadamu “mase taudia do bae tore isi lou, kara maoromaoro taudia bona asi edia kara maoromaoro taudia danu.” Kara maoromaoro taudia be Dirava e badinaia ela bona e mase dainai, idia ladadia na Dirava ese mauri bukana ai e toredia. (Mal. 3:16) Asi edia kara maoromaoro taudia be Dirava asie badinaia ela bona e mase dainai, idia ladadia na Dirava ese mauri bukana ai se toredia.

Aposetolo Edia Kara 24:15 ese e herevalaidia grup ruaosi (kara maoromaoro taudia bona asi edia kara maoromaoro taudia) na Ioane 5:28, 29 [NWT] ese e herevalaidia danu. Unuseniai, Iesu eto: “Kara namodia e karava taudia na mauri tore-isina bae abia, bona kara dika rohorohodia e karava taudia na hahemaoro tore-isina bae abia.” Kara maoromaoro taudia be ḡau namodia e kara ela bona e mase. Idia na mauri tore-isina bae abia badina idia ladadia na doini mauri bukana ai e hetore. To, asi edia kara maoromaoro taudia be kara dika rohorohodia e karava ela bona e mase. Idia na hahemaoro tore-isina bae abia. Dirava ese idia ladadia na mauri bukana ai do se toredia, bona idia na hahemaoro negana ta lalonai be nohomu bamona. Una nega lalonai idia ese Iehova bae dibaia bona bae badinaia neganai, Dirava ese idia ladadia na mauri bukana ai baine toredia diba.

Tanobada matamatana ai Dirava na taravatu matamatadia be halasimu, bona Apokalupo 20:12, 13 ese e hahedinaraiamu, mase amo bae tore isi lou taudia iboudiai ese unu taravatu, scroll o “buka iboudiai lalodiai e hetore ḡaudia” bae badina be namo. Unu taravatu basie badina taudia na Iehova ese baine hamasedia.​—Isa. 65:20.

Daniel 12:2 ena peroveta herevana na e gwa, unu mase taudia na mahuta amo bae noga neganai, “haida mauri hanaihanai enai, ma haida hemarai bona hedadarai hanaihanai enai.” Una siri ese mase amo bae tore isi lou taudia ahudia ginigabena na e hahedinaraia, ḡaudia bini, “mauri hanaihanai” ahuna, bona “hemarai bona hedadarai hanaihanai” ahuna. Una dainai, laḡani 1,000 dokonai, haida be bae mauri hanaihanai, bona ma haida be bae mase hanaihanai.​—Apok. 20:15; 21:3, 4.

Mani ina haheitalai aita laloa. Mase amo bae tore isi lou taudia edia grup ruaosi na foreigners o nao taudia ida baita haheḡereḡeredia​—unu nao taudia na e ura country matamata ta baela bena bae hanoho. Kara maoromaoro taudia be work visa eiava resident visa bae abi nao taudia ida baita heḡereḡeredia​—visa unuhetodia e abimu nao taudia na gavamani ese gwaumaoro (freedom) henidiamu ḡau momo bae kara diba. To, asi edia kara maoromaoro taudia be temporary visa eiava visitor’s visa bae abi nao taudia ida baita heḡereḡeredia. Nao taudia unu bamodia ese gavamani ena taravatu iboudiai bae abidia dae bona bae badinadia neganai, idia na country matamatana ai bae noho hanaihanai. Una heḡereḡerena, asi edia kara maoromaoro taudia ese Iehova ena taravatu iboudiai bae badinadia neganai, idia na Paradaiso ai bae noho hanaihanai. Bona herevana nao taudia ese edena visa bae abia, to haida be gavamani ese gabeai country matamata ai bae noho hanaihanai (citizenship) ahuna baine henidia diba, a ma haida be reana gavamani ese baine luludia (deport) diba. Momokani, taravatu bae badinadia taudia be country matamata ai bae noho hanaihanai diba. Una heḡereḡerena, mase amo bae tore isi lou taudia iboudiai ese Dirava bae abidadama henia bona ena taravatu iboudiai bae badinadia neganai, idia na tanobada matamatana ai bae mauri hanaihanai diba.

Vaia, Iehova na hebogahisi Diravana, to danu, ia na kara maoromaoro bona hahemaoro Diravana. (Deu. 32:4; Sal. 33:5) Ia ese ena lalokau be hahedinaraiamu dalana binai: Ia ese kara maoromaoro taudia bona asi edia kara maoromaoro taudia na mase amo be hatoredia isi loumu. Bona ia na be uramu ena taravatu na idia iboudiai ese bae badinadia. Ia bae lalokau henia bona ena taravatu iboudiai bae ura henidia taudia sibodia mo na tanobada matamatana ai bae noho.