Tama sina edia maduna badana na natudia ediai Iehova bae herevalaia. (Efe. 6:4) Tama sina idurudia totona, Iehova ena orea ese atikol, vidio bona ane idauidau e halasimu. Edena dala ai unu ba ḡaukaralai natumui ba hadibadia?

• Baola jw.org. Una website ai natu idurudia ḡaudia na momo, heḡereḡere vidio bona bae toretorelai worksheet pepadia idauidau. a Unu ba davaridia totona, search kahanai “Children” eiava “Teenagers” ba taipia.

• Natumu baine durua ḡauna ta bavabia hidi. Ina kaha “Children” henunai natumu baine durua vidio, ane eiava worksheet pepana ta bavabia hidi natumu ba durua totona. Unu ba davaridia totona, search kahanai “Family Worship Projects” ba taipia.

• Nega bavato natumu ba bamodia. Natumu na basio rakatania sibona vidio baine itaia eiava worksheet pepadia ai baine toretore. To, nega bavato ia ida ba herevahereva bona ba durua ena hetura karana Iehova ida baine hagoadaia.