Ta uramu baita stadi neganai siboda baita henanadai, ‘Lau be na uramu dahaka baina diba?’ To danu namona na baita helalotao, Iehova be e uramu dahaka baine hadibada. Bona, edena dala ta stadimu lalonai, Iehova ese baine hadibada ḡauna baita lalopararalaia?

Aonega iabina totona ba ḡuriḡuri. Iehova ba noia hari e uramu oi ba dibaia ḡauna be dahaka ba lalopararalaia totona. (Iak. 1:5) Guna o abia dibana ai mo basio tabekau.—Her. 3:​5, 6.

Dala ba keho Baibul ese oi baine durumu. “Dirava ena hereva na e maurimu.” (Heb. 4:12) Una dainai Baibul ta duahiamu neganai, ḡau matamatana ta be hadibadamu bona dala idauidau ai be durudamu. To una baine vara totona, namona na baita abia dae Baibul ese ita baine hadibada na mai anina bada.

Iehova ese ihadibada totona e ḡaukaralaimu ḡaudia iboudiai daidiai baita tenkiu henia. Ia ese e henimu lauma anianidia na “aria namo-hereana” ta bamona. (Isa. 25:6) Una aria ai e ato anianina ta basio reaia. Unu amo Dirava ena Hereva ese be durumumu bona istadilaina na bo moalelaiamu.