Nega momo ruma bese lalodiai dika e varamu sivaraidia ta kamonaimu. To dahaka dainai ruma bese haida be ma e moalemu?

• Laḡani 1990 ela 2015 padadiai, United States ai, taunimanima laḡanidia 50 e hanai taudia edia hekoho o divos nambana na nega rua amo e bada, to taunimanima laḡanidia 65 e hanai taudia edia hekoho o divos nambana na nega toi amo e bada.

• Tama sina haida na e daradaramu: Diba bada taudia haida na e gwaumu, ‘Nega iboudiai natumu ba imodaia be namo’, to diba bada taudia ma haida be e gwaumu, ‘Natumu iduruna daladia ai mai lalokaumu ida ba matahakani henia.’

• Eregabe taudia na e badamu o taunimanima badadia ai e laomu, to asie moalemu, badina ḡaukara ta ikarana dalana na asi dibadia.

To, hereva momokanina binai . . .

• Headava na moale ḡauna bona baine mia hanaihanai ḡauna.

• Mai lalokau ida natu imata-hakani henina dalana na tama sina ese bae dibaia diba.

• Eregabe taudia be bada be laomu neganai, idia ese ḡaukara ta ikarana dalana bae dibaia diba.

Edena dalai? Ina Noga! magasin ese ruma bese bae moale daladia idauidau 12 be herevalaidiamu.