HEADAVA TAUDIA
4: Dika Ba Gwautao
ANINA BE DAHAKA?
Dika ba gwautao anina na kerere bona una kerere dainai baine vara badu karana ba lalodia boio. Dika ba gwautao anina na dia kerere ba hamaraḡia eiava ba laloa ḡau ta na se vara.
BAIBUL ENA SISBA: “Ba haheauka heheni. Ta ese bamona baine habadelaia negana ai, emui dika ba hegwau tao heheni.”—Kolose 3:13.
“Ta bo lalokau heniamu neganai, ena kerere na basio lalodiamu, to ia be taunimanima ede bamona ai e uramu bainela karana hari bo laloa badamu.”—Aaron.
DAHAKA DAINAI MAI ANINA BADA?
Bema adavamu na dounu bo badu henia noho badu henia nohomu, tauani bona hemami dalanai sibomu bo hahedikamu, bona emu headava danu bo hadikaia dibamu.
“Nega ta adavagu ese e sori henigu badina lalogu na e hahisia bada. Iena dika baina gwauatao na e auka. Ena be gabeai iena dika na gwauatao, to asina moale badina asina gwauatao haraḡa. Una ese emai hetura karana na taina e hadikaia.”—Julia.
DAHAKA BA KARAIA DIBA?
SIBOMU BA HENANADAI
Bema gabeai adavamu ena hereva ta o kara ta ese lalomu baine hahisia, sibomu ba henanadai:
-
‘Lau be na badu kavamu, a?’
-
‘Una kerere be bada dainai adavagu ese baine sori henigu na namo, eiava una na baina laloaboio diba ḡauna ta, a?’
ADAVAMU IDA BA HEREVALAI ḠAUDIA
-
Ede daudauna ta narimu gabeai dika ta gwautao hehenimu?
-
Dahaka baita karaia diba, unu amo dika baita gwautao haraḡa?
HEDURU HEREVADIA
-
E habadumumu neganai, lalohadai kereredia adavamu enai na basio abi.
-
Adavamu ena kara ba laloaboio, ba helalotao “ita iboudai ta hekwakwanai louloumu.”—Iakobo 3:2.
“Bema kerere na tau bona hahine ediai, igwautaona na haraḡa, to bema tamona ena kerere, igwautaona na auka. Sori herevana iabi daena bona dika igwautaona na manau karana.”—Kimberly.
BAIBUL ENA SISIBA: “Ba herohemaino haraḡa.”—Mataio 5:25.
Bema adavamu na dounu bo badu henia noho badu henia nohomu, tauani bona hemami dalanai sibomu bo hahedikamu, bona emu headava danu bo hadikaia dibamu
