“Doe danu bae vara.”​—MAREKO 13:8.

● Niger ai, tau ta na e heau ela Quaratadji hanuana ai e nohova. Una tau varavarana, bona varabouna danu doe amo hitolo bada e vara dainai e noholaiva hanuadia e heautani, Quaratadji ela. To una tau na tano ai sibona geda latanai hekure. Dahaka dainai? Hanua lohiana, Sidi na e gwa: “Ia ese [ena ruma bese] na basine ubudia dibamu bona ia na e hemaraimu idia baine itadia.”

E VARA MOMOKANI ḠAUDIA ESE DAHAKA E HAHEDINARAIAMU? Dina ta ta ai, tanobada heḡeḡemadai, taunimanima hitu amo, taunimanima tamona mo ana aniani na dia heḡereḡere. Sub-Saharan Africa ai, taunimanima toi toi amo, tamona na hitolo ai e nohomu. Mani ina a laloa: Ruma bese ta lalonai na tama ta, sina ta, bona beibi ta. Bema taunimanima rarua adia aniani na heḡereḡere, o laloamu daika be da be hitoloamu? Tama? Sina? Eiava beibi? Dina ta ta ai, ruma bese iboudiai ese abi hidi unu bamodia bae kara na namo.

TAUNIMANIMA MOMO BE DAHAKA E GWAUMU? Tanobada ese e havaramu anianidia na heḡereḡere taunimanima iboudiai bae ubulaidia totona. Taunimanima ese tanobada ai e miamu ḡaudia bae nari namonamo na namo.

EDIA HEREVA BE MAORO, A? Momokani, biru taudia ese aniani momo e hadomu bona e siai laomu, dia guna heḡereḡerena. Una na dala namona, taunimanima edia gavamani na tanobada ese e havaramu anianidia na bae hari, unu amo taunimanima na basie hitolo. Ena be laḡani momo lalodiai unu e kara toho tomamu, to asie kwalimumu.

OI BE DAHAKA O LALOAMU? Mareko 13:8 ena hereva e ḡuḡurumu, a? Ena be teknologi na e hanamodia louloumu, to tanobada heḡeḡemadai doe e varamu dainai taunimanima e hitolomu, a?

Nega momo tano laga bona doe daidiai hekwakwanai idauidau e varamu, bona unu na dina gabediai toadia.

[Blurb on page 5]

“Natu toi toi amo ta ta na pneumonia, hekukuri bona gorere ma haida amo basiema masemu bema idia na bema aniani namonamomu.”​—ANN M. VENEMAN, FORMER EXECUTIVE DIRECTOR OF THE THE UN CHILDREN’S FUND.

[Picture Credit Line on page 5]

© Paul Lowe/Panos Pictures