KPO 4
O O Tóó Dɔ Sétɔ̃̀ Mɔ̀—Lɛ̀ E Kɛ Kília Mɛ́ E Kɛ?
Ádã̀ wà Íì òó gbaa Wálà wè kɛɛ, lɛ́ a kɛ lɛ́ o gaa. Zɛ́nɛ́sè 3:6, 23, NW
Íì e e tóó dɔ mɛ̀nɛɛ mɔ̀ e yili ɓɛɛɛ ɓèlè. Lɛ e kɛ kília a dò nɔ Ádã̀ lɛɛ lɛ à bɛ̃̀ɛ a ɓèlèa.
Lɛ̀ɛ́ gbaa kɛsɛ́ kɛ ó kɛ kíli. Sɔ̃̀ɔ̃ yɔɔ lɛ wá kɛ kília. A mɔ́ɔ̀-wɔ̃̀-mɔ̀ɔ, Wálà e o lúó gbaa o pà lɛ́ e kɛ Pálédáà káa mɔ̀.
Kɛ̀ɓe e kɛ gágà wà là nɔ́ɔ̀ɓé nì o mɔ̀. Lɛ̀ e kɛ gbaa, o kòlò kɛ wáà gà. Lɛ̀ o gáa, òó gbaa ló lɛ̀ gbɛɛ mɔ̀.
Ye mi áà gaa lɛ́ɛ̀ kã sɛ́lɛ́ yi. 1 Kɔ̀léĩ́tĩ̀ã̀ 15:47, 48
Pɛ́ e kɛ lɛ́ kɔa gaa, lɛ e kélɛ̀ kɔa séĩ́-séĩ́ kɔa Ádã̀ wà Íì wà nɔ́ɔ̀ ka. Míá wáà gaa òó lɛ gɛ̃̀, òó wɔ̃́ ma, ɛ̃́ɛ̃́ òó pɛ dò gbɛɛ kɛ gbaa. Lɛ nɔ́ lɛ̀ pɛlɛ o yibà.—Zɔ̃̀ɔ̃́ 11:11-14.
Zìhóvà lɛ̀ɛ́ gbaa mia kɛɛ kɛ o ga. Lúó wá gbaa gbèĩ kɛ Wálà é mia wɛ̀lɛ̀ ga kɛ̀lɛ̀. Yé wáà o tóó dɔ Wálà mɔ̀ɔ, óò lo kɛ̀ɓe wɔ́lɔ́-wɔ́lɔ́ sɔ̀lɔ̀ ɓóò.
Ii Loa Naa Bɛ̃ɛ̃ ka Leĩ
WƆ̃ KPANAZƐ NI LƐ BAABO A ZƆ̃Ɔ̃Ɔ
Zodɔamɔ Kpɛɛ Lɛ Lɛ Ɓe Mia Waa Gaa Wɛĩ?
Baaboa a gee kelɛ luo lɛ nupiaa mia oo lo wɛlɛ ga kɛlɛ lɛ zi nɔ Lazalɛ e wɛlɛa ga kɛlɛɛ lɛ ɓe.
WƆ̃ KPANAZƐ NI LƐ BAABO A ZƆ̃Ɔ̃Ɔ
Mɛ Wala A Mɔɔ a To Ɓo Lɛ Wàa Lɛ Tĩa Ɓe?
Mia bunuzɛ oo wɛĩlɔɔ kɛ mɛ e kɛ lɛ kpoulaa paa lɛ lɔnyɛamɔ wa wàa ka ɓɛ. Baaboa lɛɛ a yiɓoa kpeĩ lɛ e mia zo daa nɔ.
