PƐ MƐDÃPIA 01
Zi Kpɛɛ Lɛ Baaboa E Bɛi Gbũua I Mɔ?
Kpokpo ɓoa mia seĩ oo wɛĩlɔɔ kɛ e gbɛ̃a kɛɓe, wàa, wa ga, ɛ̃ɛ̃ tooliezaa mɔ. Zeniia, koo ko yɛlɛtaa wɔ̃ ni lɛ e lo gbũu ko mɔ ko kɛɓe kɛ, ɛ̃ɛ̃ ko kɔpiemia o kɛ gelizɛɛ yi luo seĩ ka. Mia bunuzɛ oo gɛ̃ kelɛ Baaboa lɛɛ́ gbumɔ nɔ nɔ kɛɛ e wa wɛĩlɔɔ kpanazɛ ni lɛ a gbɛ̃ɛ lɛ kɛɓe mɔɔ yiɓo, kɛɛ lɛɛ o liewe dɔ zi o bɛi kɛɓe kɛɛ a kaa mɔ zeĩ. Ɓaa i yɛlɛtaaa Baaboa lɛɛ bɛi gbũu mi do lɛ ɓa dɔɔ mɔ?
1. Wɛĩlɔɔ ni kpɛɛ lɛ Baaboa e a yiɓo?
Baaboa lɛɛ wɛĩlɔɔ kpanazɛ ni o kea yiɓo: Zi kpɛɛ lɛ kɛɓe gã e gbɛ̃a? Mɛɛ e kɛ lɛ kɔa zee? Mɛ e kɛ lɛ mia lɛ oó wɔ̃ nɔɔfe yidɔɔ o wàa ɓele? Mɛɛ e kɛ ye mi aa gaa ka? Ye mɔu mia seĩ o naa zoyage kaa, mɛ e kɛ lɛ gele lɛ ɓe? Zi kpɛɛ lɛ kpoulaa e lo kɛɛa tooliezaa? Baaboa lɛɛ gbũ ko mɔ kɛ ko wɛĩlɔɔ ni o kea yiɓoa naa, ɛ̃ɛ̃ mia lɛɛkɔɛi bunuzɛ waa gɛ̃ kelɛ a yiɓoa nia lɛɛ mia zo ya o ge kpokpo ɓo.
2. Zi kpɛɛ lɛ Baaboa e bɛi gbũua ko mɔ ko kɛ gelizɛ luo seĩ ka ko kɛɓe yi?
Baaboa lɛɛ liewe kpeĩ dɔ ko lɛɛ. A gɔ̃a gɛ̃, lɛɛ pɛzɔ̃ɔ mia wa o kɔpiemia o lɛɛ o kɛ kpokpo ɓo gelizɛ. Lɛɛ wɔ̃ ko bɛia kɛɛ ye ko zo aa da zizaa ɛ̃ɛ̃ zi ko bɛi ko yɛɓo kɛɛa geli kaa zɔ̃ɔ ko lɛɛ. Ii lo pɛ lɛ Baabo a zɔ̃ɔ e gbɛ̃a a wũlawe ni o kea mɔɔ mɛdãa e daá wɔ̃ bunuzɛ ba, ye kɔaa kɛ kii e kea mɛdãpia ko kie baa ka. Ii bɛi wee a mɔ kelɛ “pɛ seĩ lɛ a bɛ̃ɛ lɛ [Baabo] yia . . . lɛ sɛ ko wɛĩ.”—2 Temɔte 3:16.
Kii e kea ye wa Baaboa dɔlɔyi ka. Kɛɛ, lɛɛ i fãawaa kɛ i Baaboa mɛnyɛ i die lɛɛ. A mɔɔ wɔ̃ mɔɔ, koo naa i Baabo wekpo ni lɛ o ɓɔɔ lɛ pɛ mɛdãpia ni o kea mɔɔ gee ɛ̃ɛ̃ ɓa gɔ̃ pɛ ɓaa mɛdãpiaa mɔ.
A PIE FOO
Zi lɛ Baaboa aa gbũa mia mɔ, zi i bɛi a geee a ka, ɛ̃ɛ̃ pɛ e kɛ lɛ lɛ sɛ i gbumɔ sɔlɔɓo kɛ i a yimaa gɛ̃.
3. Baaboa lɛɛ zi zɔ̃ɔ ko lɛɛ
Baaboa lɛ kelɛ tie lɛ e lɛfɔnɔ kpokpo ɓoa lɛ ɓe. Baaboa lɛɛ gbũ ko mɔ kɛ ko wɔ̃ kɛ gikã kpeĩ ka, ɛ̃ɛ̃ kɛ ko zi lɛ wɔ̃ e lo kɛɛa tooliezaaa dɔ.
Ko Sãã 119:105 gee, ɛ̃ɛ̃ kɛ ko wɛĩlɔɔ ni o kea yiɓo:
-
Zi kpɛɛ lɛ sãã kii lɛ e kea bɛ̃ɛ-mi e Baaboa gɛ̃ a ka?
-
Zi kpɛɛ lɛ i Baaboa gɛ̃ a ka?
4. Baaboa lɛɛ ko wɛĩlɔɔ ni yiɓo
Lee doo a yidɔ kelɛ Baaboa aa wɛĩlɔɔ ni lɛ o a fɔ̃a-fɔ̃a kɛɓo kɛɛ bunuzɛ piea yiɓo. Ko VILOA gɛ̃, ɛ̃ɛ̃ kɛ ko wɛĩlɔɔ ni lɛ o to a piea yiɓo.
-
Viloa yia, mɛɛ wɛĩlɔɔ ni lɛ o kɛ leea kɛlɛ?
-
Zi kpɛɛ lɛ Baabo mɛdãa e gbũa leea mɔ?
Baaboa lɛɛ ko fãawaa kɛ ko wɛĩlɔɔ bunuzɛ kɛ. Ko Mafiu 7:7 gee, ɛ̃ɛ̃ kɛ ko wɔ̃ gee e gbɛ̃a wɔ̃ e kea mɔ:
-
Wɛĩlɔɔ ni kpɛɛ lɛ o i kɛlɛ lɛ Baaboa e bɛi a yiɓoo?
5. Ii bɛi Baaboa geee nyɔnɔ sii
Mia bunuzɛ oo Baaboa geee nyɔnɔ si ɛ̃ɛ̃ lɛ gbũpia o mɔ. Ko VILOA gɛ̃, ɛ̃ɛ̃ kɛ ko wɛĩlɔɔ ni lɛ o to a piea yiɓo.
-
Viloa yia, zi kpɛɛ lɛ mia dɛɛ o kii geee gɛ̃ a ka?
-
Ye bɛ̃ɛ lɛ oó naa kii geee kaa, mɛ e kɛ lɛ o naa Baaboa geee ka?
Baaboa lɛɛ pɛzɔ̃ɔ ko lɛɛ, lɛɛ ko nɛɛnɛɛ, ɛ̃ɛ̃ lɛɛ zokɛpɛmɔ nɔ ko lɛɛ. Ko Woloma 15:4 gee, ɛ̃ɛ̃ kɛ ko wɛĩlɔɔ e kea yiɓo:
-
Kea ko nɛɛnɛɛ we wa zokɛpɛmɔ wɔ̃ lɛ Baabo a geea lɛɛ i zo si?
6. Mia ye o toa oo bɛi gbũu ko mɔ kɛ ko Baaboa yima
E kã Baaboa gee o doo ka mɔɔ, mia bunuzɛ oo gee, lɛɛ gbumɔ nɔ ye waa Baaboa gee o kie baa ka. Ko Apɔsɔlɔ 8:26-31 gee, ɛ̃ɛ̃ kɛ ko wɛĩlɔɔ e kea yiɓo:
-
Zi kpɛɛ lɛ kɔa bɛi Baaboa yimaa a ka? (A lonipia 30, 31 gɛ̃.)
Itiopia gɔ̃ɔ a naa gbumɔ ka kɛɛ e wɔ̃ e kɛ a geepiaa yima. Pɛnɛɛ, mia bunuzɛ oo gbumɔ sɔlɔɓo ye wa mia ni waa kɛ Baaboa mɛdãpia o kie baa ka
MIA DO OO GEE: “Baaboa mɛdãa lɛ luo kaa-tãã ka.”
-
Ii loa geee kpɛ? Mɛɛ wɔ̃ wɛĩ?
WƆ̃Ɔ WŨ
Baaboa lɛɛ ko liewe dɔ wɔ̃ ni lɛ o lo gbũu ko mɔ ko kɛɓe yia ka, lɛɛ wɛĩlɔɔ kpanazɛ ni yiɓo, lɛɛ mia nɛɛnɛɛ ɛ̃ɛ̃ aa zokɛpɛmɔ nɔ mia lɛɛ.
Zovuo Wɔ̃
-
Liewe kpɛɛ lɛ kɔa bɛi a gɛ̃ɛ Baaboa yi?
-
Wɛĩlɔɔ ni kpɛɛ lɛ Baaboa a yiɓo?
-
Mɛ i loa naa ɓa mɛdã Baaboa yi?
I NYIƐ KPƆ
Zi Baaboa e liewe kpeĩ dɔa kɔa lɛɛ pɛnɛɛ gɛ̃.
“Pɛ Baabo A Zɔ̃ɔɔ—Gikã Lɛ A Teapia Wa Ɓea” (Wɔ̃lagɛ̃kamaa Nɔ. 1 2018)
I zi lɛ Baaboa e gbũa gɔ̃ doo lɛ zokũtãã lɛɛ́ gbaa kɛ a kɛlɛ, e wɛlɛ a kɛ nɛfu ka luo mɔɔ gɛ̃.
Liewe lɛ Baaboa a dɔ e gbɛ̃a mia wa o kɔpiemia wa kɛɓe mɔɔ mɛnyɛ.
“Wɔ̃ 12 Lɛ E Gbũ Kɔpiemia Mɔ O Kɛ O Kieba Geli Kaa” (Ya Nyiɛ! Nɔ. 2 2018)
Zi lɛ Baaboa e mi kpokpo lɛ kpoulaa laa kɛlɛɛ zɔ̃ɔa e seĩ-seĩ kaa gɛ̃.
