PƐ MƐDÃPIA 02
Baaboa Laa Gee Tooliezaa Lɛɛ Lo Kɛɛ Sɛ
Wɔ̃ nyɔɔ doo do lɛɛ ɓɔ mia la kpoula lɛ seĩ mɔ. Laa kɛ to mia waa ya yeĩzɛ, o le aa dũ, ɛ̃ɛ̃ waa wàa ɓele. Kea wɔ̃ do aa kɛ do i ka, ɓaa i yɛlɛtaa kili? Luo gbũu kaa i wàa ɓelepia, ɓii i kɔũkɔũ ɛ̃ɛ̃ i lɔkɛami do aa ga leĩ. Ii bɛi i yɛlɛtaa, ‘e kɛa kɛɓe lɛɛ lo kɛɛ sɛɛ?’ Baaboa lɛɛ wɛĩlɔɔ e kilia yiɓo mia zo da zi pie.
1. Wɔ̃ yie yie kpɛɛ lɛ Baabo a gee lɛɛ lo kɛɛ tooliezaa?
Baaboa lɛɛ́ gbaa nɔ pɛ e kɛ lɛ kpoulaa paa lɛ wɔ̃ nyɔɔ kaa gee. Kɛɛ, wɔ̃laũ yiea lɛ e kelɛ, wɔ̃ nyɔɔ nia lɛ nɔ luo kpuu pie, ɛ̃ɛ̃ luo wa gbaa gbeĩ kɛ e nyɛ. Wedɔwe ni o Baabo yia, oo “zodɔamɔ nɔ ko lɛɛ tooliezaa wɛĩ.” (Zɛlemaya 29:11, 12 gee.) Wedɔwe ni o kilia, oo gbũ ko mɔ kɛ ko die wɔ̃ ni lɛ o ɓɔ ko laa yi, kɛ ko to ko dɔlɔmɔ, ɛ̃ɛ̃ kɛ ko geli sɔlɔɓo toakili ka.
2. Mɛɛ wɔ̃ lɛ Baabo a gee lɛɛ lo kɛɛ tooliezaa?
Baabo laa gee kelɛ tooliezaaa, “ga nɔɔfe lɛɛ́ lo gbaa kɛɛ ɓe. Ya yeĩzɛ, ɛ̃ɛ̃ gboowe, e bɛi wàa gbɛɛ do nɔɔfe lɛɛ́ lo gbaa kɛɛ ɓe.” (Wɛlɛvelesɔ̃ 21:4 gee.) Wɔ̃ ni lɛ a kɛ to mia waa wàa ɓele pɛnɛɛ—kelɛ mia kɛ yeĩzɛ, fulu kɛɛ, yaa, ɛ̃ɛ̃ ga ni kaa—oó lo gbaa kɛɛ ɓe. Baaboa ee wedɔ kelɛ miagbunu oo lo kɛɓe kɛɛ geli ka, toakili ka Paledaa kpoula zee.
3. Zi kpɛɛ lɛ i bɛi a yidɔa wana ka kelɛ wɔ̃ ni lɛ Baabo a geea lɛɛ lo kɛɛ?
Mia bunuzɛ oo naa wɔ̃ yie yie e kɛ, kɛɛ oó gɛ̃ wana ka kelɛ e kɛa wɔ̃ o zo laa mɔɔ lɛɛ lo kɛɛɛ. Kɛɛ wɔ̃ ni lɛ Baabo a geea lɛɛ lo kɛɛ kpokpo ɓo. Koo bɛi ko zo dɔɔ wɔ̃ lɛ Baabo a geea mɔ ye kɔaa kɛ a ‘yi naapiaa’ ka. (Apɔsɔlɔ 17:11) Ye ɓaa kɛ Baaboa mɛdãpiaa, bɛi lɛɛ lo kɛɛ i mɔ kɛ i wɔ̃ lɛ ɓa naa ɓa kɛɛ si i die lɛɛ, e kɛa ii bɛi wɔ̃ lɛ Baabo a gee e gbɛ̃a tooliezaa mɔɔ sii wana kaa ka.
A PIE FOO
Ko wɔ̃ ni lɛ Baaboa a gee lɛɛ lo kɛɛ tooliezaaa mɛnyɛ. Zi zokɛpɛmɔ lɛ Baabo a nɔɔ, lɛ gbũpiaa mia mɔ pɛnɛɛ gɛ̃.
4. Baaboa ee wedɔ ko lɛɛ kelɛ koo bɛi kɛɓe kɛɛ toakili ka lɛ koó lo wàa nɔɔfe ɓelea
I wɔ̃ ni lɛ Baabo a gee lɛɛ lo kɛɛ gɛ̃. Wedɔwe nia ye kpɛɛ lɛ e i zo si kpokpo ɓo? Ɛɛ̃ mɛɛ wɔ̃ wɛĩ?
Ko Baabo wekpo ni lɛ wedɔwe nia gbɛ̃ɛ laa mɔɔ gee, ɛ̃ɛ̃ kɛ ko wɛĩlɔɔ ni o kea yiɓo:
-
Ɓaa i yɛlɛtaaa, Baabo wekpo nia lɛɛ bɛi gbũu i mɔ? Oo bɛi gbumɔ nɔɔ i kɔpiemia ɛ̃ɛ̃ i ɓɛĩ mia lɛɛ?
I die gɛ̃ ye kpoula aa kɛ kea yi:
|
KPOULA LƐ MI NƆƆFE LƐƐ́ LO . . . |
KPOULA LƐ MIA SEĨ O LO . . . |
|---|---|
|
|
|
|
|
|
|
|
|
|
5. Baabo laa gee tooliezaa lɛɛ lo kɛɛ sɛ
Mia bunuzɛ zodaa lɛ zizaa ɛ̃ɛ̃ wɔ̃ aa o wàa ɓii wɔ̃ e kɛ o sɔnɔpiea wɛĩ. Mia do oo dɔ gaga kɛ o wɔ̃ mɛvɔɔ e kɛ sɛ. Wedɔwe ni lɛ o Baabo yi kelɛ wɔ̃ mɛ lɛɛ lo vɔɔ e yie kaa, zi lɛ gbũpiaa mia mɔɔ gɛ̃. Ko VILOA gɛ̃, ɛ̃ɛ̃ kɛ ko wɛĩlɔɔ ni lɛ o to a piea yiɓo.
-
Viloa yia, fulu wɔ̃ kpɛɛ lɛ e Walafika wàa?
-
Ye bɛ̃ɛ lɛ fulu wɔ̃ lɛ e a gɛ̃ɛ lɛɛ́ gbaa go tããa, zi kpɛɛ lɛ Baaboa e gbũa mɔ?
Wedɔwe lɛ e Baabo yi e gbɛ̃a tooliezaa mɔɔ, lɛɛ bɛi gbũu ko mɔ ko gele gɔ̃ zodazizaa ka, ɛ̃ɛ̃ kɛ ko die e yie ka wɔ̃ ni lɛ o ɓɔ ko laa yi. Ko Pɔlɔvɛɛ 17:22 wa Woloma 12:12 gee, ɛ̃ɛ̃ kɛ ko wɛĩlɔɔ ni o kea yiɓo:
-
Kea wɔ̃ lɛ Baabo a gee e gbɛ̃a tooliezaa mɔɔ, lɛɛ bɛi ɓa kɛɓe mɛvɔɔ e yie ka dɛɛ kaa mɔ? Mɛɛ wɔ̃ wɛĩ?
MIA DO OO GEE: “Wɔ̃ Baabo a gee lɛɛ lo kɛɛ tooliezaaa ye wa kpokpo ɓo wana ka.”
-
Mɛ e kɛ lɛ—lɛ kpanazɛ kɛ i pɛ e a kɛ wana kaa mɛnyɛ?
WƆ̃Ɔ WŨ
Wedɔwe ni lɛ o Baabo yia, lɛɛ gbũ ko mɔ kɛ ko die yidã wɔ̃ nɔɔfe yi, ɛ̃ɛ̃ lɛɛ zodɔamɔ nɔ ko lɛɛ tooliezaa wɛĩ.
Zovuo Wɔ̃
-
Mɛ e kɛ lɛ—lɛ sɛ kɛ ko wedɔwe ni lɛ o Baaboa yia mɔɔ-wɔ̃ yidɔ?
-
Mɛɛ wɔ̃ lɛ Baabo a gee e gbɛ̃a tooliezaa mɔ?
-
Zi kpɛɛ lɛ zodɔamɔ kɛ i kɛlɛ tooliezaa wɛĩa e bɛi gbũua i mɔ dɛɛ ka?
I NYIƐ KPƆ
I zi zodɔamɔ e bɛi gbũua i mɔ ye yidã wɔ̃ aa ɓɔ i laa gɛ̃.
“Zokɛpɛmɔ—Mɛɛ Zaa Lɛ I Bɛia Gɛ̃ Yi?” (Ya Nyiɛ!, Duo 22, 2004)
Zi zokɛpɛmɔ e bɛi gbũua mia lɛ yaa gaga lɛ o kɛpiaa mɔɔ gɛ̃.
“Mia Lɛ Yaa Gaga Lɛ O Kɛpiaa—Kea Baaboa Lɛɛ Bɛi Gbũu O Mɔ?” (Lɛ jw.org la)
Ye ɓaa tã-vilo e kea gɛ̃ɛ, i yɛlɛtaa zi lɛ ka i kɔpiemia ka lo kɛɛa gelizɛ Paledaa lɛ e lo kɛɛ tooliezaaa yia ka.
Zi lɛ mia laweɓomi doo zi kɛɓe mɛ e vɔɔ a ka, lɛ e a mɛdã kelɛ tooliezaa lɛɛ lo kɛɛ sɛɛ wɔ̃ gee.
“Mḿ M Yɛlɛtaa Gbaa Kelɛ Mm Bɛi Wɔ̃ Mɛvɔɔ Kpoula Zee” (Wɔ̃lagɛ̃kamaa, Gbaalɛɛ 1, 2013)
