PƐ MƐDÃPIA 04
Deĩ Lɛ E Wala Ka?
Miagbunu wa kɛɓe yia, waa gbini wala gbɛɛ gbɛɛ lɛɛ. Kɛɛ, Baaboa laa zɔ̃ɔ kelɛ Wala wana zɛ doo lɛ nɔ lɛ ɓea, “lɛ kpanazɛ e diea wala-vɔ ye o toa la.” (2 Kanekɔ 2:5) Lɛ e deĩ ka? Ɛɛ̃ mɛ a kɛ kpanazɛ e diea wala-vɔ ye o to, lɛ mia o gbini o lɛɛ la? Pɛ mɛdãpia e kea yia, i wɔ̃ lɛ Wala e kea, a naa ɓa dɔ e gbɛ̃a a mɔɔ mɛdã.
1. Wala tɔ lɛ deĩ, ɛ̃ɛ̃ mɛɛ a zɔ̃ɔ kelɛ laa naa ko a dɔ?
Wala lɛɛ e die zɔ̃ɔ ko lɛɛ Baaboa yi. Laa gee: “Ma lɛ m Zihova kaa. M tɔ lɛ.” (Aazaya 42:5, 8 gee.) Hiibulu tɔ lɛ wa laniɛ weea “Zihovaa” yiɓoa lɛ e kelɛ “Lɛɛ Wɔ̃ Kɛ Aa Kɛ.” Zihova laa naa ko a tɔɔ dɔ. (Ɛselɔ 3:15) Zi kpɛɛ lɛ ko sia wana ka? A tɔ e kilia bɛ̃ɛ̃ɛ lɛ Baaboa yi, a diee lɛ 7,000 yi! a Tɔ lɛ e Zihova kaa, lɛ “Wala wana zɛ lɛ e lɛi wa kpoulaa kɛɛ” tɔ ka.—Ditɔlɔnɔme 4:39.
2. Mɛɛ wɔ̃ lɛ Baaboa a zɔ̃ɔ ko lɛɛ e gbɛ̃a Zihova mɔ?
Baaboa laa gee e kã wala-vɔ seĩ lɛ mia o gbini o lɛɛ mɔɔ, Zihova lɛ nɔ lɛ Wala wana zɛ kaa. Mɛɛ wɔ̃ wɛĩ? A yiɓoa lɛ bunuzɛo. Kɛɛ, Zihova lɛ yikɛgaa seĩ laa kɛlɛɛ, ɛ̃ɛ̃ a doo kpãã lɛ “lɛ Pɛ Seĩ Wũlami ka kpoula lɛ seĩ mɔɔ.” (Sãã 83:18 gee.) Baaboa laa gee, lɛ “Mi Yikɛgaa Seĩ Laa Kɛlɛɛ” ka, a yi lɛ e kelɛ bɛi laa mɔ e wɔ̃ nɔɔfe lɛ a naa a kɛɛ kɛ. A ye lɛ e “pɛ seĩ kɛɛ”—lɛi wa tãã ɛ̃ɛ̃ pɛ ɓeee seĩ lɛ e kpoulaa. (Wɛlɛvelesɔ̃ 4:8, 11) Zihova wá lɛ mi lɛ ɓe, a ɓeee laa yi teele, ɛ̃ɛ̃ lɛɛ lo kɛɛ ɓe toakili ka.—Sãã 90:2.
A PIE FOO
Ko pɛ e kɛ lɛ Wala tɔ doo kpããa, lɛ gbɛɛ a sikɔ nia piea mɛnyɛ. Koo lo zi lɛ ee tɔɔ, wa pɛ e kɛ lɛ a zɔ̃ɔ i lɛɛ mɛdãa.
3. Wala sikɔ lɛ gbɛɛ gbɛɛ, kɛɛ a tɔɔ lɛ nɔ doo
Kɛ ko zi mi sikɔ laa gbɛɛ a tɔ piea gɛ̃ɛ, ko VILOA gɛ̃, ɛ̃ɛ̃ kɛ ko wɛĩlɔɔ lɛ e to a piea yiɓo.
-
Mɛɛ e mi sikɔ, lɛ e kelɛ “Daami’a,” kɛ gbɛɛ a tɔ pie?
Baaboa laa gee mia oo gbini wala-vɔ wa mia daamia gbɛɛ gbɛɛ lɛɛ. Ko Sãã 136:1-3 gee, ɛ̃ɛ̃ kɛ ko wɛĩlɔɔ e kea yiɓo:
-
Deĩ lɛ e Wala kpanazɛ ka e diea wala-vɔ seĩ la?
4. Zihova laa naa ɓa tɔ dɔ ɛ̃ɛ̃ ɓaa gee
Mɛɛ a zɔ̃ɔ i lɛɛ kelɛ laa naa ɓa tɔ dɔ? Ko VILOA gɛ̃, ɛ̃ɛ̃ kɛ ko wɛĩlɔɔ ni lɛ o to a piea yiɓo.
-
Ɓaa i yɛlɛtaaa, Zihova laa naa mia o a tɔ dɔ? Mɛɛ wɔ̃ wɛĩ?
Zihova laa naa mia o a tɔ gee. Ko Woloma 10:13 gee, ɛ̃ɛ̃ kɛ ko wɛĩlɔɔ ni o kea yiɓo:
-
Mɛɛ e Wala tɔ lɛ e Zihova kaa geee kɛ kpanazɛ?
-
Zi kpɛɛ lɛ ii yɛlɛtaa ka ye i tɔ aa to mi do yɛlɛ pie aa i suo kɛ a kaa ka?
-
Zi kpɛɛ lɛ Zihova a gɛ̃a ye kɔaa kɛ a tɔ geepiaa ka?
5. Zihova laa naa i nyɔɔ a ka kɔɛ
Lee doo lɛ e go Kĩãbodia lɛ o si Sotɛ̃ɛ, a gee weea kelɛ wɔ̃ mɛdã e gbɛ̃a Wala tɔ mɔɔ, “e gbũa mɔ kpokpo ɓo la kɛɓe yi.” Ko VILOA gɛ̃, ɛ̃ɛ̃ kɛ ko wɛĩlɔɔ lɛ e to a piea yiɓo.
-
Viloa yia, pɛ mɛdã e gbɛ̃a Wala tɔ mɔɔ, zi kpɛɛ lɛ e gbũa Sotɛ̃ mɔ?
Kɛ ka mi do ka tĩa ɓɛɛla kɛɛ, ii a mɔɔ mi tɔ dɔ beĩzɛ. Ko Zĩĩ 4:8a gee, ɛ̃ɛ̃ kɛ ko wɛĩlɔɔ ni o kea yiɓo:
-
Mɛɛ wɔ̃ lɛ Zihova a naa ɓa kɛ?
-
Zi kpɛɛ lɛ ɓa Wala tɔ dɔɔ ɛ̃ɛ̃ ɓaa geea e bɛi gbũua i mɔ kɛ i nyɔɔ a ka kɔɛ?
MIA DO OO GEE: “Wala lɛ nɔ doo, ɓa tɔ gee bɛ̃ɛ̃ zi nɔɔfe kaa ye wa wɔ̃ do ka.”
-
Kea ɓaa si wana ka kelɛ Zihova lɛ Wala tɔ ka?
-
Zi kpɛɛ lɛ i bɛi a yiɓooa kelɛ Zihova laa naa ko a tɔɔ gee?
WƆ̃Ɔ WŨ
Zihova lɛ e Wala wana zɛ doo kpããa tɔ kaa. Laa naa ko a tɔ e kilia dɔ ɛ̃ɛ̃ kɔaa gee kɛ ko nyɔɔ a ka kɔɛ.
Zovuo Wɔ̃
-
Zi kpɛɛ lɛ Zihova lɛ a ka gbɛɛ wala-vɔ lɛ mia o gbini o lɛɛ pie?
-
Mɛ e kɛ lɛ ko Wala tɔ gee?
-
Mɛɛ a zɔ̃ɔ kelɛ Wala laa naa ko nyɔɔ a ka kɔɛ?
I NYIƐ KPƆ
I wɔ̃ kpola sɔɔli lɛ a zɔ̃ɔ ko lɛɛ kelɛ Wala lɛ ɓea mɛnyɛ.
Mɛ e kɛ lɛ lɛ sɛ ko gɛ̃ wana ka kelɛ Wala lɛ ɓe teele.
Pɛ e kɛ lɛ laa mɔ ko Wala tɔ gee e kɛ bɛ̃ɛ̃ lɛ, zi o kɛ a geepia ka mɔɔ, koó a dɔɔ mɛdã.
Kea zi ko Wala si a kaa lɛ wɔ̃ ka? Pɛ e kɛ lɛ ko gee a tɔ diea lɛ nɔ dooa gɛ̃.
a Kɛ ko wɔ̃ bunuzɛ lɛ a gbɛ̃ɛ̃ lɛ Wala tɔɔ yiɓoa mɔ, wa pɛ e kɛ lɛ a ɓoo lɛ Baabo laniɛ zɛ bunuzɛ yia dɔɔ, ko Appendix A4 lɛ e New World Translation of the Holy Scriptures yia gɛ̃.
