PƐ MƐDÃPIA 15
Deĩ Lɛ E Zizɛ Ka?
Zizɛ lɛ mia kpanazɛ lɛ o kɛ mɔɔ doomi ka. Mia bunuzɛ oo Zizɛ tɔ dɔ, kɛɛ oó wɔ̃ bunuzɛ dɔ e gbɛ̃a a mɔ, ɛ̃ɛ̃ wa gikã lɛ gbɛɛ e gbɛ̃a mi kpokpo lɛ e Zizɛ kaa mɔ. Mɛɛ wɔ̃ lɛ Baabo a gee e gbɛ̃a mɔ?
1. Deĩ Lɛ E Zizɛ Ka?
Zizɛ lɛ gɛɛ mɛgagazɛ ka lɛi sɛlɛ yi. Zihova a kɛ beĩzɛ kɛ e tĩa pɛ nɔɔfe kɛɛ. A mɔɔ wɔ̃ mɔɔ, “a ye lɛ e nɛ lie kaa.” (Kɔlɔsĩã 1:15) Baaboa laa gee Zizɛ lɛ e Wala Gbe doo nɔ e kɛ a kɛlɛɛ kaa, ɓii Zizɛ doo lɛ nɔ Zihova dietĩ a kɛɛ. (Zɔ̃ɔ̃ 3:16) Zizɛ wa e Daa Zihova o yɛɓo kɛ o kie ba, e gbũ a mɔ o pɔɔ ye e toa kɛ. (Pɔlɔvɛɛ 8:30 gee.) Zizɛ wa e Daa Zihova o fĩa lɛ sɛ teele. A ye lɛ e “Weea” kaa, lɛɛ dɔ e Daa le la, aa La wevɔ weea wa wɔ̃ lɛ laa mɔ mia o kɛɛ gee.—Zɔ̃ɔ̃ 1:14.
2. Mɛ Zizɛ a mɔɔ nu ɓo kpoula?
Kɛɛ 2,000 pɛzɛ aa die lɛ Zihova e kpalewɔ̃ kɛ mɔɔ ka. Zihova e la gɛɛ pulua da yɛɓo pie. E Zizɛ la kɛɓe si lɛĩ sɛlɛ yi a da lee nɛfu lɛ la gɔ̃ wɔ̃ yidɔɔ lɛɛ́ gbaa kɛ a ka, lɛ o si Melea ge. Lɛ zi a kɛa ka lɛ o Zizɛ ye migbunu kaa lɛ. (Luu 1:34, 35 gee.) Zihova e Zizɛ vɔ kpoula kɛ e kɛ Mɛsaya ɛ̃ɛ̃ Kɛlɛi lɛ ee wedɔ mɔ a kaa ka, kɛ e mia gbunu la. a Wɔ̃ seĩ lɛ Baabo a gee mɔ e gbɛ̃a Mɛsayaa mɔɔ e kɛ Zizɛ la kɛɓe yi, ɛ̃ɛ̃ e gbũ mia mɔ kɛ o a dɔ “Kɛlɛi lɛ e Wala ɓeea gbe kaa” ka.—Mafiu 16:16.
3. Mɛɛ zaa lɛ Zizɛ lɛ yi dɛɛ kaa mɔ?
Lɛ Zizɛ e gaa, Zihova a wɛlɛgakɛlɛ gɛɛ ka, ɛ̃ɛ̃ e lo e mɛi lɛi sɛlɛ yi. A lɛmɔɔ, “Wala e pɛ seĩ waa Kɛlɛi gã wi.” (Ifisɔ̃ 1:22) Dɛɛ ka gbaa Zizɛ lɛ pɛ seĩ wũlami gbuo ka, Zihova lɛ nɔ yikɛgaa laa kɛlɛ e dia Zizɛ laa.
A PIE FOO
Wɔ̃ bunuzɛ mɛdã e gbɛ̃a mi kpokpo lɛ e Zizɛ kaa mɔ ɛ̃ɛ̃ pɛ a kɛ kpanazɛ kɛ ko pɛ mɛdã e gbɛ̃a mɔɔ gɛ̃.
4. Zizɛ wá Wala lɛ Yikɛgaa Seĩ Laa Kɛlɛɛ ka
Ye bɛ̃ɛ̃ lɛ Baaboa a gee kelɛ Zizɛ lɛ gɛɛ mɛgagazɛ ka lɛi sɛlɛ yia, lɛɛ Wala lɛ e a Daa Zihova kaa we kɛ. Mɛ e kɛ lɛ ko gee kili? Ko VILOA gɛ̃, kɛ ko zi lɛ Zizɛ lɛ a ka gbɛɛ Wala lɛ Yikɛgaa Seĩ Laa Kɛlɛɛ piea gɛ̃.
Baabo wekpo nia oo gbũ ko mɔ kɛɛ ko zi Zizɛ wa Wala fĩa lɛ a kaa yima. Ko a gee doo doo, ɛ̃ɛ̃ kɛ ko wɛĩlɔɔ ni lɛ o toa piea yiɓo:
Ko Luu 1:30-32 gee.
-
Zi kpɛɛ lɛ Wala la vɔmi doo, e zi lɛ Zizɛ wa Zihova Wala lɛ e Pɛ Seĩ Laa, fĩa lɛ a kaa wɔ̃ kelekele a ka?
Ko Mafiu 3:16, 17 gee.
-
Lɛ o kɛ Zizɛ batai kɛpiaa, we lɛ e go lɛia a gee kpɛ?
-
Ɓaa i yɛlɛtaaa deĩ lewe lɛ?
Ko Zɔ̃ɔ̃ 14:28 gee.
-
Deĩ lɛ lɛ zii ɛ̃ɛ̃ lɛ yikɛgaa laa kɛlɛ e diea e ɓɛĩ la? Nɛdaa lɛee, ɛ̃ɛ̃ a gbea lɛ?
-
Zizɛ e Zihova si e Daa, mɛ wɔ̃ lɛ a zɔ̃ɔ ko lɛɛ?
Ko Zɔ̃ɔ̃ 12:49 gee.
-
Kea Zizɛ ee yɛlɛtaa kelɛ wa e Daa o mi nɔ dooa ka? Zi kpɛɛ lɛ ii yɛlɛtaa ka?
5. Zizɛ a zɔ̃ɔ kelɛ a ye lɛ lɛ Mɛsayaa ka
Wɔ̃ lɛ Baabo a gee mɔɔ bunuzɛ lɛɛ gbũ mia mɔ kɛ o mi e kɛ Mɛsayaa kaa dɔ, mi lɛ Wala aa si kɛ e miagbunu laa. Ko VILOA gɛ̃, kɛ ko wɔ̃ lɛ Baabo a gee mɔ lɛ a pie wɔ̃ e kɛ Zizɛ la kɛɓe yia gɛ̃.
Ko wɔ̃ ni lɛ wa gee mɔ lɛ o Baaboa yia gee, ɛ̃ɛ̃ kɛ ko wɛĩlɔɔ ni lɛ o to a piea yiɓo:
Ko Maaka 5:2 gee, kɛ ko lɛ lɛ wa gee oo lo Mɛsaya yee yia gɛ̃. b
-
Kɛa ɓoa o Zizɛ ye lɛ e kilia mɔ?—Mafiu 2:1.
Ko Sãã 34:20 wa Zɛkelaya 12:10 gee, kɛ ko wɔ̃ lɛ Baaboa gee mɔ e gbɛ̃a Mɛsaya ga wɔ̃ mɔɔ dɔ.
-
Kea wɔ̃ ni lɛ wa gee mɔɔ e kɛ?—Zɔ̃ɔ̃ 19:33-37.
-
Ii i yɛlɛtaa kelɛ bɛi e kɛ Zizɛ mɔ kɛ e wɔ̃ nia kɛ kɛɛ e kɛ wana ka?
-
Mɛɛ wɔ̃ ni o kea a zɔ̃ɔ i lɛɛ e gbɛ̃a Zizɛ mɔ?
6. Koo gbumɔ sɔlɔɓo ye kɔaa pɛ mɛdã e gbɛ̃a Zizɛ mɔɔ ka
Baaboa laa gee lɛ kpanazɛ kpokpo ɓo kɛ ko pɛ mɛdã e gbɛ̃a Zizɛ mɔ ɛ̃ɛ̃ yɛɓo lɛ Wala a naa a kɛɛ mɔ. Ko Zɔ̃ɔ̃ 14:6; 17:3 gee, ɛ̃ɛ̃ kɛ ko wɛĩlɔɔ e kea yiɓo:
-
Mɛ e kɛ lɛ lɛ kpanazɛ kpokpo ɓo kɛ ko pɛ mɛdã e gbɛ̃a Zizɛ mɔ?
Zizɛ e zi leɓo kɛ mia o kɛ Wala ɓɛɛ ka. E wana wɔ̃ zɔ̃ɔ mia lɛɛ e gbɛ̃a Zihova mɔ, ɛ̃ɛ̃ a kololaa, koo bɛi kɛɓe wɔlɔwɔlɔ sɔlɔɓoo
MIA DO OO GEE: “Zihova la Kelavɔ oó Zizɛ wɔ̃ si wana ka.”
-
Zi kpɛɛ lɛ i lo a daa kaa mɔ?
WƆ̃Ɔ WŨ
Zizɛ lɛ gɛɛ mɛgagazɛ ka. A ye lɛ e Wala gbe ɛ̃ɛ̃ Mɛsayaa kaa.
Zovuo Wɔ̃
-
Mɛ e kɛ lɛ o Zizɛ si “nɛ lie”?
-
Mɛɛ wɔ̃ lɛ Zizɛ a kɛ kɛɛ e to nupia kpoula?
-
Zi kpɛɛ lɛ ko yidɔa kelɛ Zizɛ lɛ e Mɛsayaa kaa?
I NYIƐ KPƆ
Wɔ̃ bunuzɛ mɛdã e gbɛ̃a yɛɓo lɛ Zizɛ a kɛ, lɛ a zɔ̃ɔ kelɛ lɛ Mɛsayaa kaa mɔ.
“Kea Wɔ̃ Baabo A Gee Mɔ E Gbɛ̃a Mɛsayaa Mɔɔ Laa Zɔ̃ɔ Kelɛ Zizɛ Lɛ E Kɛ Mɛsayaa Kaa?” (Lɛ jw.org la)
A gɛ̃ e kea Baaboa laa zɔ̃ɔ kelɛ Wala kɛ Zizɛ Daa kaa, lɛ nɔ lɛ zi miagbunu o kɛa nɛdaa kaa.
Ko pɛ e kɛ lɛ Mia-yaaka-kɛ-wala-doo-kaa wá Baaboa yia gɛ̃.
Ko zi lɛ lee doo la kɛɓe mɛi e vɔɔ a ka lɛ e wɔ̃ lɛ Baaboa a gee e gbɛ̃a Zizɛ la kɛɓe mɔɔ yinaa gee.
“Zuu Lee Doo E Pɛ E Kɛ Lɛ E La Zodɔamɔ Mɛnyɛɛ Gã Pɛɛ” (Ya Nyiɛ!, Gelemɛzɔ̃a 2013)
a Pɛ mɛdãpia 26 wa 27 lɛɛ lo wɔ̃ geee e gbɛ̃a pɛ e kɛ lɛ laa mɔ mia o laɓo sɔlɔɓo ɛ̃ɛ̃ zi lɛ Zizɛ e ko laaa mɔ.
b I Kii lɛ a bɛ̃ɛ̃ɛ lɛ a Lienyɛpia 2 yi, lɛ e luo lɛ wa gee Zizɛ lɛɛ lo nuua kpoulaa, gee nɔ a ka kpalea gɛ̃.
