PƐ MƐDÃPIA 16

Mɛɛ Wɔ̃ Lɛ Zizɛ A Kɛ Lɛ E Kɛ Kpoulaa Ka?

À DA YƐƁO PÍÉ

Mia bunuzɛ oo Zizɛ gɛ̃ tĩa nɛfu dɛɛ ka, Wala la dɔlelami gikãazɛ, ɛ̃ɛ̃ mi e nu nɔ kɛ e gaa ka. Kea koo bɛi wɔ̃ bunuzɛ mɛdãa e gbɛ̃a mɔ ye kɔaa zi e kɛɓe kɛa zeea mɛnyɛɛ ka? Pɛ mɛdãpia e kea yia, koo lo pɛ mɛdãa e gbɛ̃a wɔ̃ kpanazɛ kpokpo lɛ Zizɛ a kɛɛ wa zi e bɛi gbũa ko mɔɔ do gɛ̃.

1. Yɛɓo kpɛɛ lɛ e kɛ kpanazɛ Zizɛ lɛɛ?

Yɛɓo lɛ e kɛ kpanazɛ kpokpo ɓo Zizɛ lɛɛ lɛ e kelɛ, “e wɔ̃laũ yie lɛ a gbɛ̃ɛ̃ lɛ Wala la Tomialaa mɔɔ gee.” (Luu 4:43 gee.) Wɔ̃laũ yie a geea lɛ e kelɛ Wala lɛɛ lo tomiala ɛ̃ɛ̃ gomɛnɛ mɔɔ wɔ̃ ya e kie le, lɛ e lo wɔ̃ e ɓɔ miagbunu laa seĩ yibɛia. a Zizɛ e wɔ̃laũ yie e kea gee fãawaa ka kɛɛ yaaka legbũ pie.—Mafiu 9:35.

2. Mɛɛ Zizɛ a mɔɔ kpale wɔ̃ɔ kɛ ɓo?

Baaboa e “wɔ̃ kpalezɛ, ɛ̃ɛ̃ a lepaazɛ e bɛi wɔ̃ gɔ̃a ni, e bɛi wɔ̃ gɔ̃a ni lɛ Wala e dɔ [Zizɛ] yi, lɛ a kɛɛ” bunuzɛ wɔ̃ kelekele. (Apɔsɔlɔ 2:22) Wala e yikɛgaa nɔ Zizɛ lɛɛ kɛ e fãã mɛgagazɛ dɔ tãã, e mia wáa bunuzɛ legba, e mia kɔũkɔũ la ɛ̃ɛ̃ kɛ e mia waa gaa wɛlɛ ga kɛlɛ. (Mafiu 8:23-27; 14:15-21; Maa 6:56; Luu 7:11-17) Kpalewɔ̃ ni lɛ Zizɛ a kɛɛ a zɔ̃ɔ seĩ-seĩ kelɛ Wala lɛ e a vɔɔ. Kpalewɔ̃ nia laa zɔ̃ɔ zeĩ kelɛ yikɛgaa lɛ Zihova kɛlɛ kɛ e wɔ̃ ni lɛ o ɓɔ ko laa ɓo tãã.

3. Mɛɛ wɔ̃ lɛ ko bɛi a mɛdãa zi Zizɛ e kɛɓe kɛaa mɔ?

Zizɛ e Zihova zoda wɔ̃ kɛ zi nɔɔfe ka. (Zɔ̃ɔ̃ 8:29 gee.) Ye bɛ̃ɛ̃ lɛ mia o niɛ Zizɛ lɛɛ, e wɔ̃ lɛ a Daa a gee a kɛɛ kɛ e toakili a ga luo e ɓɔ. A zɔ̃ɔ kelɛ bɛi lɛ miagbunu mɔ o gbini Wala lɛɛ o kɛ bɛ̃ɛ̃ luo gaa yia ka. Zizɛ a gee, “maa wɔ̃ gɔ̃a zɔ̃ɔ ka lɛɛ, kɛ ka wɔ̃ lɛ nɔ ma kɛ ka lɛɛ kɛ.”—Zɔ̃ɔ̃ 13:15.

A PIE FOO

Zi lɛ Zizɛ e wɔ̃laũ yiea gee a ka ɛ̃ɛ̃ lɛ e kpalewɔ̃ kɛ a kaa gɛ̃.

4. Zizɛ e wɔ̃laũ yiea gee

Zizɛ e taa munu zi gbekeni pie, aa wɔ̃laũ yiea gee mia gbaala gbuozɛ lɛɛ. Ko Luu 8:1 gee, ɛ̃ɛ̃ kɛ ko wɛĩlɔɔ ni o kea yiɓo:

Kea Zizɛ e Wala Lewe gee nɔ mia o nu a pie kɛ oo too dɔ a mɔɔ lɛɛ?
Zi kpɛɛ lɛ Zizɛ e fãawaa kɛa kɛ e mia naa?

Wala a gee mɔ kelɛ Mɛsayaa lɛɛ lo wɔ̃laũ yiea gee. Ko Aazaya 61:1, 2 gee, ɛ̃ɛ̃ kɛ ko wɛĩlɔɔ ni o kea yiɓo:

Zi kpɛɛ lɛ Zizɛ e wɔ̃ lɛ Baabo a gee mɔɔ kɛa wana ka?
Ɓaa i yɛlɛtaa laa mɔ mia o ɓe pɛnɛɛ o wɔ̃laũ yiea ma?

5. Zizɛ e wana wɔ̃ lɛ lɛ kpanazɛ kpokpo ɓoa zɔ̃ɔ

E kã wɔ̃laũ yie lɛ a gbɛ̃ɛ̃ lɛ Wala la Tomiala mɔɔ geee mɔɔ, Zizɛ e wɔ̃ lɛ e bɛi gbũu ko mɔɔ zɔ̃ɔ. Wɔ̃ ni lɛ Zizɛ a gee mɔ tɔũ wĩĩ lɛ mia o dɔɔ gɔ̃a do gɛ̃. Ko Mafiu 6:14, 34 wa 7:12 gee, ɛ̃ɛ̃ kɛ ko wɛĩlɔɔ ni o kea yiɓo:

Liewe kpɛɛ lɛ Zizɛ a dɔ a lonipia nia yi lɛ e bɛi gbũu ko mɔ?
Kea liewe ni o kea oo bɛi gbũu mia mɔ pɛnɛɛ?

6. Zizɛ e kpalewɔ̃ kɛ

Zihova e yikɛgaa nɔ Zizɛ lɛɛ kɛ e kpalewɔ̃ bunuzɛ kɛ. Kɛ ko gɔ̃a doo gɛ̃ɛ, ko Maa 5:25-34 gee ɛ̃ɛ̃ ko Viloa gɛ̃, kɛ ko wɛĩlɔɔ ni lɛ o to a piea yiɓo.

VILO: Lee Lɛ E Kɛ Kɔũkɔũa Aa La (5:10)

Viloa yia, mɛɛ wɔ̃ lɛ lee kɔũkɔũa a gɛ̃ wana ka?
Mɛɛ wɔ̃ lɛ e i zo si e gbɛ̃a kpalewɔ̃ e kea mɔ?

Ko Zɔ̃ɔ̃ 5:36 gee, ɛ̃ɛ̃ kɛ ko wɛĩlɔɔ e kea yiɓo:

Zi kpɛɛ lɛ Zizɛ la kpalewɔ̃ kɛɛ e kelawe gee e gbɛ̃a mɔ?

Ɓaa yidɔ?

Wɔ̃ ko dɔ e gbɛ̃a Zizɛ mɔɔ ku gbuozɛ lɛɛ go Baabo kii yiisɛ ni o kea yi: Mafiu, Maa, Luu wa Zɔ̃ɔ̃. Kiia bɛ̃ɛ̃ mia wa wɔ̃ wa gee e gbɛ̃a Zizɛ mɔɔ e kɛ wɔ̃ gbɛɛ gbɛɛ ka seĩ. Ye kɔaa kii yiisɛ ni o kilia seĩ geea, koo zi lɛ Zizɛ la Kɛɓe e kɛa kpokpo ɓoa gɛ̃.

MAFIU

lɛ ee zi wɔ̃laũ yie kiia bɛ̃ɛ̃ beĩzɛɛ. Ee wee nɛɛ kpokpo ɓo Zizɛ la pɛ zɔ̃ɔ kɔɔ la, kpokpo ɓoa pɛ Zizɛ a zɔ̃ɔ e gbɛ̃a Wala la Tomialaa mɔɔ.
MAA

zi wɔ̃laũ yie kii a bɛ̃ɛ̃ lɛ kpuu kpokpo ɓo. Kɛɛ wɔ̃ yie yie ni lɛ Zizɛ a kɛɛ ku gbuozɛ lɛ a yi.
LUU

e zi lɛ sɛnɛɓoo e kɛa kpanazɛ Zizɛ lɛɛ wa zi lɛ e loa vɔ gɛ̃ a kaa wɔ̃ gee kpokpo ɓo.
ZƆ̃Ɔ̃

e wɔ̃ lɛ Zizɛ a gee e ɓɛɛ mia kpokpo wa mia ye o toa lɛɛ wɔ̃ gee die ɓo, ɛ̃ɛ̃ lɛɛ gbũ ko mɔ ko mi kpokpo lɛ e kɛ Zizɛ kaa dɔ.