PƐ MƐDÃPIA 22
Zi Kpɛɛ Lɛ I Bɛi Wɔ̃laũ Yiea Geea Mia Lɛɛ?
Ye ɓaa kɛ wana wɔ̃ lɛ e Baabo yia mɛdãpiaa, ii bɛi i yɛlɛtaa, ‘Laa mɔ mia seĩ o wɔ̃ e kea dɔ!’ Wana ka, laa mɔ mia seĩ o a dɔ! E kɛ bɛ̃ɛ̃ kilia, tuo lɛɛ bɛi kɛɛ i la kɛ i wɔ̃ ɓaa mɛdãa gee mia ye o toa lɛɛ. Ko wɔ̃ gee e gbɛ̃a zi i bɛi zogaala siia, ɛ̃ɛ̃ kɛ i gbɛ̃ ɓaa wɔ̃laũ yie lɛ e Baabo yia gee geli ka mia ye o toa lɛɛ mɔ.
1. Zi kpɛɛ lɛ i bɛi wɔ̃ lɛ ɓaa mɛdãa geea mia lɛ i o dɔɔ lɛɛ?
Zizɛ la toapiemia wa gee: “Wɔ̃ lɛ kɔaa gɛ̃ ɛ̃ɛ̃ lɛ kɔaa wɔ̃ maa koó bɛi tea a wɔ̃ geee mɔ.” (Apɔsɔlɔ 4:20) Wa lɔkɛ pɛ Zizɛ a zɔ̃ɔ̃ o lɛɛ ka die ɓo, a mɔɔ wɔ̃ mɔɔ, wa naa o gee mia seĩ lɛɛ. Ɓi bɛ̃ɛ̃, ii i yɛlɛtaa nɔ kili? E kɛa lɛ kilia, i zi naa kɛ i wɔ̃ ɓaa mɛdãa gee ɓɛlɛya ka i mia ni wa i ɓɛĩ ni lɛɛ.—Ko Kɔlɔsĩã 4:6 gee.
Zi gbɛɛ gbɛɛ lɛ i bɛia gã gbɛ̃ɛ̃ a kaa
-
Ye ka i mia ni kaa kɛ dɔɔ dɔpiaa, i wɔ̃ lɛ Baabo a geea lɛ do zɔ̃ɔ̃ o lɛɛ weea kelɛ: “M wɔ̃ kpanazɛ do mɛdã lɔɔ e kea yi.”
-
Ii bɛi Baaboa lɛ e bɛi gbũu mia mɔɔ zɔ̃ɔ̃ i ɓɛĩ mi lɛ lɛ kɔũkɔũ, ɛ̃ɛ̃ lɛ a zodaa lɛ zizaa lɛɛ.
-
Ye i ɓɛĩ yɛɓo kɛmia waa i wɛĩlɔɔ kɛ “koma i piea?” I wɔ̃ lɛ ɓa mɛdã ɓa Baabo mɛdãpia, ɛ̃ɛ̃ pakiemɔ yia do gee o lɛɛ.
-
I jw.org wɔ̃kɛkɔ gɛ̃pia lɛmɔɔ, zɔ̃ɔ̃ i ɓɛĩ mia lɛɛ.
-
I mia do suo kɛ o nu ya ɓa Baabo mɛdãpia, ɛ̃ɛ̃ i zi lɛ o bɛi Baabo mɛdãa pɛ̃ɛ̃ a ka jw.org laa zɔ̃ɔ̃ o lɛɛ.
2. Mɛ e kɛ lɛ da nukielaa ba, kɛ ka lo wɔ̃laũ yiea geea sia, lɛ wɔ̃ kpeĩ ka kɛɛ ɓa kɛ?
Zizɛ la toapiemia o wɔ̃ kɛ e diea Wala lewe gee nɔ mia lɛ o o dɔɔ lɛɛ la. Zizɛ “E o vɔ e wɛlɛ lie o kie pie peelɛ peelɛ kɛ o lo pɛlɛ seĩ yi” o wɔ̃laũ yiea gee. (Luu 10:1) Wala lewe gee kɔ e kilia e zi kɛ ɓe kɛɛ mia bunuzɛ o wɔ̃laũ yiea ma. Wala lewe gee kɔ e kilia e la toapiemiaa kɛ gelizɛ nɔ kili. (Luu 10:17) Ɓi bɛ̃ɛ̃, ii bɛi daa nukielaa ba, kɛɛ ka lo wɔ̃laũ yiea geea si nɔ kili?
A PIE FOO
Zi lɛ i bɛi zogaala siia ɛ̃ɛ̃ i kɛ gelizɛ ye ɓaa kɛ wɔ̃laũ yiea geepiaa gɛ̃.
3. Zihova lɛɛ lo kɛɛ i pie
Mia lɛ o naa o wɔ̃laũ yiea geea do oo tuo zi mia o lo o wee daa kaa mɔɔ wɛĩ.
-
Kea ii tuo kɛ i wɔ̃ ɓaa mɛdãa gee mia lɛɛ? Mɛɛ wɔ̃ wɛĩ?
Ko VILOA gɛ̃, ɛ̃ɛ̃ kɛ ko wɛĩlɔɔ e to a piea yiɓo.
-
Zi kpɛɛ lɛ ko leege vɔ dɛɛ o kea o zogaala si a ka?
Ko Aazaya 41:10 gee, ɛ̃ɛ̃ kɛ ko wɛĩlɔɔ e kea yiɓo:
-
Ye ɓaa kɛ tuopia i Wala lewe geea, mɛ e kɛ lɛ laa mɔ i sɛnɛɓo?
Ɓaa yidɔ?
Zihova la Kelavɔ bunuzɛ o kɛa gɛ̃pia kelɛ bɛi lɛɛ́ lo kɛɛ o mɔ kɛ o wɔ̃laũ yiea gee mia ye o toa lɛɛ. A gɔ̃ã gɛ̃, Sɛɛge e e die gɛ̃ fiinyɛzɛ, ɛ̃ɛ̃ e kɛa mɔ gaga kɛ e wɔ̃ gee mia ye o toa lɛɛ. Kɛɛ e Baaboa mɛdã. A gee: “Ye bɛ̃ɛ̃ lɛ m kɛ tuopiaa, m gbɛ̃ maa wɔ̃ lɛ m kɛa mɛdãpiaa gee mia ye o toa lɛɛ. M le e pa, wɔ̃ gee mia lɛɛ e gbɛ̃a Baaboa mɔɔ, a kɛ ma yidɔ kelɛ mm bɛi wɔ̃ geee mia lɛɛ. A kɛ zeĩ m zodɔamɔ mɛ e kpala.”
4. Kɛ ɓɛlɛya zɛ
Ye ɓaa kɛ wɔ̃laũ yiea geepiaa, yekɛ i lɛ gɛ̃ nɔ wɔ̃ i loa geea mɔ, kɛɛ i lɛ gɛ̃ zi lɛ i loa geee a kaa mɔ. Ko 2 Temɔte 2:24 wa 1 Pilɛ 3:15 gee, ɛ̃ɛ̃ kɛ ko wɛĩlɔɔ ni o kea yiɓo:
-
Zi kpɛɛ lɛ i bɛi a lonipia ni o kea daa yɛɓo pie ye ɓaa kɛ wɔ̃ geepia mia lɛɛ e gbɛ̃a Baaboa mɔɔ ka?
-
I mia ni do, ɛ̃ɛ̃ i ɓɛĩ mia oó lo leĩ wee i wee mɔ. Mɛɛ i bɛia kɛɛ? Mɛɛ ye waa mɔ ɓa kɛ?
-
Mɛ a kɛ sɛ i gikã wɛĩlɔɔ kɛ e diea wɔ̃ nɛɛ mi mɔ la?
5. Wɔ̃laũ yiea geee lɛɛ nu geli ka
Zihova e wɔ̃laũ yie gee yɛɓoa nɔ Zizɛ lɛɛ. Zi kpɛɛ lɛ Zizɛ e yɛɓo e kilia gɛ̃a ka? Ko Zɔ̃ɔ̃ 4:34 gee, ɛ̃ɛ̃ kɛ ko wɛĩlɔɔ ni o kea yiɓo:
-
Leɓele yie ɓele lɛɛ gbũ ko mɔ ɛ̃ɛ̃ aa ko kɛ gelizɛ. Mɛ e kɛ lɛ Zizɛ e Wala naa ka wɔ̃ kɛɛ wa wɔ̃laũ yiea geee gɔ̃ leɓele ɓele mɔ?
-
Ɓaa i yɛlɛtaaa, zi kpɛɛ lɛ wɔ̃laũ yiea geee e bɛi i kɛɛa gelizɛ?
Liewe
-
Lɔɔgbĩĩ pakiemɔ yia, zi gbɛɛ gbɛɛ naa kɛɛ ka mia ka dɔɔ dɔ.
-
Wɔ̃ gee ɓa pɛzɔ̃ɔ̃ mi lɛɛ e gbɛ̃a zi lɛ i bɛi kɛɛa pɛ mɛdã mi ka lɔɔgbĩĩ pakiemɔ yia mɔ. Yɛɓo lɛ o ya pɛ mɛdã mia kɔ laa, lɛɛ gbũ o mɔ kɛ o o die pɛkɛ kɛɛ o wɔ̃ lɛ waa mɛdãpiaa gee mia lɛɛ.
-
I “Mia Do Oo Gee” ɛ̃ɛ̃ “Mi Do Lɛɛ Bɛi Wɛĩlɔɔ Kɛɛ” lɛmɔɔ gɛ̃. Lɛɛ lo gbũu i mɔ i i die pɛkɛ ɛ̃ɛ̃ kɛ i wɛĩlɔɔ ni lɛ mia o kɛ teelea yiɓo.
MI DO LƐƐ BƐI WƐĨLƆƆ KƐƐ: “Koma i pie?”
-
Zi kpɛɛ lɛ i bɛi luo e kea siia kɛ i wɔ̃ ɓaa dã ɓa Baabo mɛdãpiaa gee a mɔɔ mi lɛɛ?
WƆ̃Ɔ WŨ
Lɛɛ ko kɛ gelizɛ ye kɔaa wɔ̃laũ yiea gee mia lɛɛ ka, ɛ̃ɛ̃ lɛɛ bɛi kɛɛ lɔɔlɔɔ ɓa gee mia lɛɛ e diea zi lɛ i i yɛlɛtaa kaa la.
Zovuo Wɔ̃
-
Mɛ e kɛ lɛ ko wɔ̃laũ yiea gee mia lɛɛ?
-
Zi kpɛɛ lɛ i bɛi a kɛɛa ɓɛlɛya ka?
-
Zi kpɛɛ lɛ i bɛi zogaala siia kɛ i wɔ̃laũ yiea gee mia lɛɛ?
I NYIƐ KPƆ
Zi lɔɔlɔɔ kpola yiisɛ lɛ i bɛi jw.org lɛmɔ zɔ̃ɔ̃ mia lɛɛ kiia daa yɛɓo pie kɛ i wɔ̃laũ yiea geea gɛ̃.
Wɔ̃kɛzi yiisɛ lɛ e bɛi gbũu i mɔ kɛ i wɔ̃laũ yiea geea.
“Kea Ka Die Pɛkɛɛ Lɛ Ka Mia Sɔlɔɓo?” (Wɔ̃lagɛ̃kamaa, Dɔu 2020)
Wɔ̃ gɔ̃ã lɛ e Baabo yia, zi e zogaala nɔa ko lɛɛ kɛɛ ko wɔ̃laũ yiea gee, ko kɛ bɛ̃ɛ̃ nɛfu kaa gɛ̃.
I mia ni lɛ oó pɛ mɛdã nɛi e gbɛ̃a Zihova mɔɔ, zi i bɛi Baaboa zɔ̃ɔ̃a o lɛɛ gɛ̃.
“I Pɛzɔ̃ɔ̃ I Mia Ni Lɛ Oó Wana Wɔ̃ɔ Si Nɛa Lɛɛ O Zo Si Zi Pie” (Wɔ̃lagɛ̃kamaa, Vuusie 15, 2014)
