Baaboa laa zɔ̃ɔ̃ kelɛ mia ɓeee wa kɛɓe lɛ kpuu ɛ̃ɛ̃ a paa lɛ wɔ̃ nyɔɔ gɛ̃ɛ ka.’ (Zoo 14:1) Kea kɛɓe e kea lɛ Wala a naa ka ko kɛɛ? E kɛa ye waa kaa, kɛɛ mɛɛ wɔ̃ lɛ aa ya e ge ko wɛĩ? Kea lɛɛ lo nɔ kɛɛ? A yiɓoa ni lɛ o ko nɛɛnɛɛ gɛ̃ Baaboa yi.

1. Kɛɓe suu kpɛɛ lɛ Zihova a naa ka ko wɛĩ?

Zihova laa naa ko kɛɓe yie kpokpo kɛ. Ye e mia beĩzɛ, Adã wa Ii o kɛɛ, e o yala ɓo taapɔɔkɔɛi liazɛ lɛ e kɛ Idɛ̃, lɛ e ke Paledaa kaa mɔ. “Lɛ e kɛɛ Wala e lua kpɔ o mɔ, ɛ̃ɛ̃ a gee o lɛɛ: ‘Ka nɛ ye ka ku e kɛ gbuo, ka kpoulaa pa ɛ̃ɛ̃ e kɛ ka wi.’” (Zɛnɛse 1:​28) Zihova a naa o nɛ ye, o kpoula kɛ e kɛ Paledaa ka ɛ̃ɛ̃ o o zokɛ wii vɔɔ pie. Wɔ̃ a ya e gea lɛ e kelɛ mia seĩ o kɛ keleŋkeleŋ geli ka toakili ka.

Ye bɛ̃ɛ̃ lɛ ko wá kɛɓe kɛpia kili pɛnɛɛ, a wɔ̃ Wala a ya e gea mɛ lɛɛ́ vɔɔ nɛi. (Aazaya 46:​10, 11) Laa naa mia o o too dɔa mɔɔ o kɛɓe kɛ toakili ka fɛĩgbɛ yi.​—Wɛlɛvelesɔ̃ 21:​3, 4 gee.

2. Zi kpɛɛ lɛ ko bɛi kɛɓe lɛ a yi laa mɔɔ kɛɛa dɛɛ ka?

Zihova e ko kɛ, e ‘wɔ̃ lɛ a naa a kaa kɛlɔ’ da ko zo pie, pɛ e kɛ lɛ ko naa ko a dɔ ɛ̃ɛ̃ ko gbini a lɛɛ lɛ. (Mafiu 5:6 gee.) Laa naa ko ye ni ko fĩã e kɛ sɛ kpokpo ɓo, “ko to a yiikɔ nia pie, ko lɔkɛ a ka,” ɛ̃ɛ̃ ko gbini a lɛɛ “ko zo seĩ ka.” (Ditɔlɔnɔme 10:​12; Sãã 25:​14) Ye kɔaa kɛ kilia, koo bɛi kɛɛ gelizɛ kpokpo ɓo ye bɛ̃ɛ̃ lɛ wɔ̃ nyɔɔ e ɓɔ ko laa ka. Gbini Zihova lɛɛ laa kɛ ko kɛɓe yi aa kɛa mɔ kpokpo ɓo, ɓii ko kɛɓe lɛ a naa a kaa kɛpia.

 4. Wɔ̃ Zihova a ya e gea mɛ lɛɛ́ vɔɔ nɛi

Ko Sãã 37:​11, 29 wa Aazaya 55:​11 gee, ɛ̃ɛ̃ kɛ ko wɛĩlɔɔ e kea yiɓo:

• Zi kpɛɛ lɛ ko yidɔa kɛlɛ wɔ̃ Zihova a ya e ge ko wɛĩa mɛ lɛɛ́ vɔɔ nɛi?

5. Gbini Zihova lɛɛ laa kɛ ko kɛɓe yi aa kɛa mɔ kpokpo ɓo

 WƆ̃Ɔ WŨ

Zihova laa naa ko kɛɓe kɛ fɛĩgbɛ yi toakili ka kpoula zee. Ye kɔaa gbini a lɛɛ ko zo seĩ kaa, ko kɛɓe yi kpokpo laa mɔ​—e kɛ bɛ̃ɛ̃ dɛɛ ka kaa ka.

Zovuo Wɔ̃

• Mɛɛ wɔ̃ lɛ Zihova a ya e ge beĩzɛ Adã wa Ii o wɛĩ?

• Zi kpɛɛ lɛ kɔa yidɔa kelɛ wɔ̃ lɛ Wala a ya e ge miagbunu wɛĩa mɛ lɛɛ́ vɔɔ nɛi?

• Zi kpɛɛ lɛ i bɛi kɛɓe lɛ a yi laa mɔ kpokpo ɓoa gɛ̃ɛ a ka?