Ye wɔ̃ yɔɔ do kpokpo aa kɛɛ, mia o wɛĩlɔɔ kɛ teele: “Mɛ e kɛ lɛ wɔ̃ e kea e kɛ?” Ko gelii lɛ kɛɛ Baaboa e wɛĩlɔɔ e kilia yiɓo e seĩ seĩ ka!

1. Zi kpɛɛ lɛ Setɔ̃ a kɛa lɛ kɛwɔ̃ yɔɔ kɛɛ e nua kpoula zee?

Setɔ̃ lɛ e Dɛɓo kaa, e Wala we to. Setɔ̃ a naa la yikɛgaa e kɛ mia la, a mɔ wɔ̃ mɔɔ, e mia beĩzɛ, Adã wa Ii o bekɛɓo, o da a pie Wala we too ka. Setɔ̃ e wɔ̃ e kea kɛ lɛ e nɛ kɛ Ii lɛɛ ka. (Zɛnɛse 3:​1-5) Setɔ̃ a kɛ Ii a gɛ̃ kelɛ Zihova laá naa e wɔ̃ yie kpokpo sɔlɔɓo. A zɔ̃ɔ̃ kelɛ ye mia waa Wala we toa, oo bɛi kɛɓe kɛɛ geli ka. Setɔ̃ e nɛ beĩzɛɛ kɛ Ii lɛɛ kelɛ kpokpo ɓoa lɛɛ́ lo gaa. A mɔ wɔ̃ mɔɔ Baaboa laa gee Setɔ̃ “lɛ nɛ kɛmi ka ɛ̃ɛ̃ lɛ nɛ seĩ daa ka.”​—Zɔ̃ɔ̃ 8:​44.

2. Mɛɛ wɔ̃ lɛ Adã wa Ii wa kũ o zɔ̃ɔ̃ ka o kɛ?

Zihova kɔ leɓoo e kɛa Adã wa Ii o lɛɛ. A gee oo bɛi yili lɛ e kɛ taapɔɔkɔɛi Idɛ̃a ɓɛɛ ɓele, kɛɛ a doo zɔ̃ɔ̃ o lɛɛ yekɛ o ɓele. (Zɛnɛse 2:​15-17) Kɛɛ o dɔ gaa o yilia ɓɛɛ ɓele fuu le. Ii “e gbɛ̃ gbaa aa yilia ɓɛɛ ɓo aa ɓele.” Lɛ e kɛɛ, Adã bɛ̃ɛ̃ “e gbɛ̃ aa ɓɛɛ ɓele” nɔ kili. (Zɛnɛse 3:6) O peelɛɛ o Wala we to. Ɓii niɓo lɛɛ́ gbaa kɛ Adã wa Ii o yia, e kɛ a mɔ o wɔ̃ lɛ lɛ kpeĩa kɛ. Ɓii wa yɔ o ge o Wala we toa, o kɛwɔ̃ yɔɔ kɛ ɛ̃ɛ̃ o o kɔ ɓo Wala la liesimiaka wi. Wɔ̃ wa kũ o zɔ̃ɔ̃ kaa, e nu wàa kpokpo ka o mɔ.​—Zɛnɛse 3:​16-19.

3. Wɔ̃ lɛ Adã wa Ii wa yɔ o ge o kɛɛ, zi kpɛɛ lɛ a pie too lɛ a ka ko mɔ?

Lɛ Adã wa Ii o kɛwɔ̃ yɔɔ kɛɛ, o kɛ gbaa niɓo kɛmia ka, a mɔ wɔ̃ mɔɔ, o suulamia seĩ o kɛ niɓo kɛmia ka. Baabo a gee e gbɛ̃a Adã mɔ kelɛ: “Gɔ̃ doo lɛ a kɛ lɛ kɛwɔ̃ yɔɔ kɛɛ e nu kpoula zeea, ɛ̃ɛ̃ kɛwɔ̃ yɔɔ kɛɛ e kilia, e nu ga ka mia gbĩ mɔ, a mɔ wɔ̃ mɔɔ, ga e pɛ̃ɛ̃ mia seĩ yi, ɓii mia seĩ waa kɛwɔ̃ yɔɔ kɛ.”​—Woloma 5:​12.

Koo wàa ɓele wɔ̃ bunuzɛ wɛĩ. Luo gbũu kaa, koo wàa ɓele niɓo lɛ kɔa kɛɛ wɛĩ. Luo gbũu kaa, koo wàa ɓele mia gbɛɛ wa niɓo wɛĩ. Luo gbũu kaa, koo wàa ɓele ɓii ko kɛ lɛ yɔɔ mɔ luo yɔɔ kaa wɛĩ.​—Ikilisiase 9:​11 gee.

 A PIE FOO

4. Mi a kɛ lɛ ko wàa ɓelea

Mia bunuzɛ oo si wana ka kelɛ Wala lɛ kpoulaa laa kɛlɛɛ. Kea wana lɛ? Ko Viloa gɛ̃.

Ko Zĩĩ 1:​13 wa 1 Zɔ̃ɔ̃ 5:​19 gee, ɛ̃ɛ̃ kɛ ko wɛĩlɔɔ e kea yiɓo:

• Kea laa mɔ ko Wala gã kũ wàa wa kɛwɔ̃ yɔɔ wɛĩ?

5. Wɔ̃ lɛ aa go Setɔ̃ la liesi kpoula mia ka kololaa gɛ̃

1. Adã wa Ii o kɛ pulu niɓo nɔɔfe lɛɛ́ gbaa kɛ o yi lɛ o kɛ Paledaa ka. Kɛɛ o o too dɔ Setɔ̃ mɔ ɛ̃ɛ̃ o Zihova we to

2.   Lɛ o Zihova we toa, kpoulaa paa e kɛa gbaa kɛwɔ̃ yɔɔ kɛɛ wa wàa ɛ̃ɛ̃ ga ni ka

3. Zihova lɛɛ lo kɛwɔ̃ yɔɔ kɛɛ wa wàa ɛ̃ɛ̃ ga ni ɓoo tãã. Zeniia, mia oo lo kɛɛ pulu lɛ niɓo nɔɔfe lɛɛ́ lo kɛɛ o yi Paledaa kpoulaa

6. Zihova lɛɛ kpaa wàa ko ɓelea wɛĩ

Kea Wala lɛɛ kpaa wàa ko ɓelea wɛĩ? Wɔ̃ lɛ Kĩĩ Deɓe wa Apɔsɔlɔ Pɔɔ wa bɛ̃ɛ̃ mɔɔ gɛ̃. Ko Sãã 31:7 wa 1 Pilɛ 5:7 gee, ɛ̃ɛ̃ kɛ ko wɛĩlɔɔ e kea yiɓo:

• Zi kpɛɛ lɛ e i zo sia, kɛ ɓa yidɔ kelɛ Zihova lɛɛ kpaa wàa ko ɓelea wɛĩ?

 WƆ̃Ɔ WŨ

Setɔ̃ lɛ e Dɛɓo kaa wa mia beĩzɛɛ lɛ wa kɛ lɛ kɛwɔ̃ yɔɔ lɛ kpoula zeea. Zihova lɛɛ kpaa kpokpo ɓo wàa ko ɓelea wɛĩ, ɛ̃ɛ̃ luo wa gbaa gbeĩ kɛ e a ɓo tãã.

Zovuo Wɔ̃

• Nɛ kpɛɛ lɛ Setɔ̃ lɛ e Dɛɓo kaa a kɛ Ii lɛɛ?

• Zi kpɛɛ lɛ Adã wa Ii wa Wala we tooa a pie too lɛ a ka ko seĩ ko mɔ?

• Zi kpɛɛ lɛ ko yidɔa kelɛ Zihova lɛɛ kpaa wàa ko ɓelea wɛĩ?