PƐ MƐDÃPIA 27

Ga Lɛ Zizɛ A Ɓoa Zi Kpɛɛ Lɛ E Bɛi Gbũua Ko Mɔ?

À DA YƐƁO PÍÉ

Koo kɛwɔ̃ yɔɔ kɛ, kɔaa wàa ɓele, ɛ̃ɛ̃ kɔaa ga ɓii ko mia ni beĩzɛ, lɛ o kɛ Adã wa Ii kaa o Wala we to. a Kɛɛ ko le too wá luu, ko zo lɛ pɛ mɔ. Zihova aa zi kɛ ɓe kɛɛ ko la kɛwɔ̃ yɔɔ kɛɛ wa ga kɛlɛ a gbe Zizɛ Kɛlɛi kolola. Baaboa lɛɛ pɛzɔ̃ɔ̃ kelɛ, ga lɛ Zizɛ a ɓoa e mia wumɛɓo. Mia wumɛɓopɛ lɛ pɛ sɔ̃ɔ̃ lɛ o nɔ kɛɛ e mi ɓo gã yia ka. Pɛ sɔ̃ɔ̃ lɛ Zizɛ a nɔɔ e kɛ la kɛɓe lɛ niɓo nɔɔfe lɛɛ́ gbaa kɛ a yia ka. (Mafiu 20:28 gee.) Lɛ Zizɛ e la kɛɓe wɔlɔwɔlɔ lɛ e kɛ a mɔ a kɛ kpoula zeea nɔ e die zo kaa, e zi leɓo kɛɛ ko pɛ seĩ lɛ Adã wa Ii wa ginia sɔlɔɓo e mɛi. Zeniia Zizɛ a zɔ̃ɔ̃ kelɛ wa e Daa Zihova oo lɔkɛ ko ka. Pɛ mɛdãpia e kea lɛɛ lo gbũu ko mɔ kɛɛ ko ko kɔya kpokpo ɓo ga lɛ Zizɛ a ɓoa wi.

1. Ga lɛ Zizɛ a ɓoa zi kpɛɛ lɛ e bɛi gbũua ko mɔ pɛnɛɛ?

Ɓii niɓo lɛ ko yia, koo wɔ̃ bunuzɛ kɛ lɛ lɛɛ́ Zihova zodaa. E kɛ bɛ̃ɛ̃ kilia ye kɔaa da yeĩ yi kpokpo ɓo ko kɛwɔ̃ yɔɔ wɛĩ, ɛ̃ɛ̃ lɛ kɔaa kpe kã Zihova lɛɛ a gbe Zizɛ Kɛlɛi tɔ yi kɛ e die ko kɛwɔ̃ yɔɔ la, ɛ̃ɛ̃ lɛ kɔaa dɔ gaga yekɛ ko niɓo ni o kilia kɛ zeĩa, ko Zihova ni ko fĩã lɛɛ lo kɛ sɛ kpokpo ɓo. (1 Zɔ̃ɔ̃ 2:1) Baaboa laa gee: “Kɛlɛi die e ga ko mɔɔ wɔ̃ mɔ, e ga nɔ doo kɛwɔ̃ yɔɔ wɛĩ, gɔ̃ kpeĩ e kilia e ga mia lɛ o wá kpeĩa wɛĩ, kɛ e nu o ka Wala pie.”—1 Pilɛ 3:18.

2. Ga lɛ Zizɛ a ɓoa, zi kpɛɛ lɛ e bɛi gbũua ko mɔ lie zaa?

Zihova e Zizɛ vɔ kɛɛ e la kɛɓe lɛ niɓo nɔɔfe waa yia nɔ, “kɛɛ mi nɔɔfe lɛ e e zo dɔ a gbe e kilia mɔɔ kɛ e kɛɓe wɔlɔwɔlɔ sɔlɔɓo yekɛ e kɛ ga mi ka.” (Zɔ̃ɔ̃ 3:16) Zizɛ zuo wɔ̃ a kɛɛ wɛĩ, luo wá gbaa gbeĩ kɛ Zihova e wɔ̃ yɔɔ seĩ lɛ e go Adã la Wala we too kololaa nyɛ. A yi lɛ e kelɛ ye kɔaa ko zo dɔ Zizɛ mɔɔ, zi lɛɛ lo kɛɛ ɓe kɛɛ ko kɛɓe kɛ geli ka toakili ka paledaa kpoula!—Aazaya 65:21-23.

A PIE FOO

Pɛ e kɛ lɛ Zizɛ e la kɛɓe nɔɔ, wa zi e bɛi gbũua i mɔɔ yima kpokpo ɓo.

3. Ga lɛ Zizɛ a ɓoa e ko la kɛwɔ̃ yɔɔ wa ga kɛlɛ

Ko VILOA gɛ̃, ɛ̃ɛ̃ kɛ ko wɛĩlɔɔ e to a piea yiɓo.

VILO: Mɛɛ Zizɛ A Mɔɔ Ga Ɓo?—Kpo 1 (2:01)

Wɔ̃ yie kpɛɛ lɛ Adã a gini lɛ e Wala we toa ka?

Ko Woloma 5:12 gee, ɛ̃ɛ̃ kɛ ko wɛĩlɔɔ e kea yiɓo:

Kɛwɔ̃ yɔɔ lɛ Adã a kɛɛ, zi kpɛɛ lɛ a pie too laa ka i mɔ?

Ko Zɔ̃ɔ̃ 3:16 gee, ɛ̃ɛ̃ kɛ ko wɛĩlɔɔ e kea yiɓo:

Mɛɛ Zihova a mɔɔ e gbe vɔ ɓo kpoula?

Adã e kɛ gɔ̃ lɛ niɓo nɔɔfe lɛɛ́ gbaa kɛ a yia ka, e Wala we to, a mɔɔ wɔ̃ mɔɔ, kɛwɔ̃ yɔɔ kɛɛ wa ga e pɛ̃ɛ̃ mia seĩ yi
Zizɛ e kɛ gɔ̃ lɛ niɓo nɔɔfe lɛɛ gbaa kɛ a yia ka kɛɛ e Wala we kɛ, ɛ̃ɛ̃ e zi kɛ ɓe kɛ mia o kɛ kpeĩ ɛ̃ɛ̃ o kɛɓe wɔlɔwɔlɔ sɔlɔɓo

4. Mia seĩ oo bɛi gbumɔ sɔlɔɓoo ga lɛ Zizɛ a ɓoa kolola

Ko VILOA gɛ̃, ɛ̃ɛ̃ kɛ ko wɛĩlɔɔ e to a piea yiɓo.

VILO: Mɛɛ Zizɛ A Mɔɔ Ga Ɓo?—Kpo 2 (2:00)

Zi kpɛɛ lɛ mi doo zi ga e bɛi gbũua mia seĩ mɔ?

Ko 1 Temɔte 2:5, 6 gee, ɛ̃ɛ̃ kɛ ko wɛĩlɔɔ e kea yiɓo:

Niɓo nɔɔfe lɛɛ́ gbaa kɛ Adã yi, kɛɛ kɛwɔ̃ yɔɔ a kɛɛ lɛ a kɛ lɛ mia seĩ o gaa. Niɓo lɛɛ́ gbaa kɛ Zizɛ yi lɛ zi Adã e kɛ a ka beĩzɛɛ lɛ ɓe. A mɔɔ wɔ̃ mɔɔ, mɛɛ wɔ̃ lɛ bɛi e kɛ Zizɛ mɔ a kɛ?

5. Mia Wumɛɓopɛɛ lɛ Zihova la gbaapɛ ka i wɛĩ

Mia o Zihova ɓɛɛ kaa oo mia wumɛɓopɛɛ gɛ̃ gbaapɛ lɛ Zihova a nɔ o lɛɛ ka. Kɛ ko gɔ̃ã gɛ̃ɛ, ko Gɛlesia 2:20 gee, ɛ̃ɛ̃ kɛ ko wɛĩlɔɔ e kea yiɓo:

Zi kpɛɛ lɛ apɔsɔlɔ Pɔɔ a zɔ̃ɔ̃a kelɛ lɛɛ mia wumɛɓopɛɛ gɛ̃ gbaapɛ lɛ Wala a nɔa lɛɛ ka?

Lɛ Adã e kɛwɔ̃ yɔɔ kɛɛ, e nu ga ka wa e suulamia seĩ o gbĩ mɔ. Zihova ee gbe vɔ kɛ e ga kɛɛ ko kɛɓe wɔlɔwɔlɔ sɔlɔɓo.

Ye ɓaa kɛ a lonipia ni lɛ e toa piea geepiaa, i yɛlɛtaa zi Zihova zo e daa zizaa lɛ a gbe e kɛ wàa ɓelepiaa ka. Ko Zɔ̃ɔ̃ 19:1-7, 16-18 gee, ɛ̃ɛ̃ kɛ ko wɛĩlɔɔ e kea yiɓo: