PƐ MƐDÃPIA 28
A zɔ̃ɔ̃ kelɛ ii Zizɛ wa Zihova o zuo ɓo wa zɔ̃ɔ̃ ko lɛɛ wɛĩ
Zi kpɛɛ lɛ ii yɛlɛtaa ka ye i ɓɛɛ aa gbaapɛ kpanazɛ kpokpo nɔ i lɛɛ ka? Mm yidɔ lɛɛ lo i gelii kpokpo ɓo ɛ̃ɛ̃ ii lo a naa ɓa zɔ̃ɔ̃ kelɛ i kɔyaa lɛ gbaapɛ e kilia wi. Zihova wa Zizɛ o gbaapɛ kpanazɛ kpokpo nɔ ko lɛɛ. Mɛɛ e a ka, ɛ̃ɛ̃ zi kpɛɛ lɛ ko bɛi a zɔ̃ɔ̃a kelɛ koo o zuo ɓo gbaapɛ e kilia wɛĩ?
1. Zi kpɛɛ lɛ ko bɛi a zɔ̃ɔ̃a kelɛ koo Wala wa Kɛlɛi o zuo ɓo wɔ̃ wa kɛ koo lɛɛ wɛĩ?
Baaboa laa gee kelɛ “mi nɔɔfe lɛ e e zo dɔ [Zizɛ] mɔɔ” lɛɛ lo kɛɓe wɔlɔwɔlɔ sɔlɔɓoo. (Zɔ̃ɔ̃ 3:16) Zodɔ Zizɛ mɔ yi lɛ e mɛɛ ka? A diee lɛ Zizɛ wɔ̃ si wana kaa la. Zeniia, laa mɔ ko zɔ̃ɔ̃ kelɛ zodɔamɔ lɛ ko kɛlɛ wɔ̃ ko kũ ko zɔ̃ɔ̃ kaa wa wɔ̃ ni lɛ ko kɛɛ yi. (Zĩĩ 2:17) Ye kɔaa zɔ̃ɔ̃ kelɛ zodɔamɔ lɛ ko kelɛ wɔ̃ ko kɛ wa wɔ̃ ko geea yia, lɛɛ lo ɓɛɛla lɛ e ko Zizɛ wa e Daa ni ko fĩãa mɛ kɛɛ gaga.—Zɔ̃ɔ̃ 14:21 gee.
2. Luo kpanazɛ kpɛɛ lɛ ko zɔ̃ɔ̃a kelɛ koo Zihova wa Zizɛ o zuo ɓo wɔ̃ wa kɛ ko lɛɛ wɛĩ?
A nyɛŋɛipie kɛ e tĩã gaaa, Zizɛ e zi gbɛɛ lɛ la toapiemia o bɛi a zɔ̃ɔ̃a kelɛ o kɔyaa lɛ ga lɛ e lo a ɓoo o wɛĩa wia kɛzi zɔ̃ɔ̃ o lɛɛ. A gee la toapiemia lɛɛ o pa o kie mɔ luo kpanazɛ e kilia wɛĩ. Ye lɛ Baaboa a si “ko Daami zi Nyɛŋɛipie Leɓelea,” ɛ̃ɛ̃ oo si zeĩ Kɛlɛi Gatomiayɛlɛpie luo. (1 Kɔleĩtĩã 11:20) Zizɛ a naa la apɔsɔlɔ vɔ ɛ̃ɛ̃ la toapiemia seĩ zo e vuo wɔ̃ e kilia ka. Wɔ̃ e kea wɛĩa Zizɛ a gee: “Ka wɔ̃ e kea kɛ, kɛɛ ka zo e vuo m mɔɔ wɔ̃ ka.” (Luu 22:19) Ye ɓaa lo Kɛlɛi Gatomiayɛlɛpie mɔɔ pakiemɔ yia, ɓaa zɔ̃ɔ̃ kelɛ ii Zizɛ wa Zihova o zuo ɓo lɔkɛamɔ kpanazɛ lɛ wa zɔ̃ɔ̃ ko lɛɛ wɛĩ.
A PIE FOO
Zi bunuzɛ lɛ i bɛi a zɔ̃ɔ̃a kelɛ ii Zizɛ wa Zihova o zuo ɓo lɔkɛamɔ kpanazɛ lɛ wa zɔ̃ɔ̃ ko lɛɛ wɛĩa, ɛ̃ɛ̃ pɛ e Kɛlɛi Gatomiayɛlɛpie mɔɔ pakiemɔ kɛ kpanazɛ mɛdã.
3. Mɛɛ wɔ̃ lɛ ko bɛi a kɛɛ kɛ a zɔ̃ɔ̃ kelɛ koo o zuo ɓo
I yɛlɛtaa kelɛ i kɛ topia yii ba mido e i la. Kea i zo lɛɛ lo nɔ nii wɔ̃ mi e kilia a kɛ i lɛɛ ka? Maa ii lo zi naa kɛ ɓa zɔ̃ɔ̃ a mɔɔ mi lɛɛ kelɛ ɓaa zuo ɓo wɔ̃ a kɛ i lɛɛ wɛĩ?
Zihova la pɛ lɛ e kɛɓe e ko yia kaa. Ko 1 Zɔ̃ɔ̃ 4:8-10 gee, ɛ̃ɛ̃ kɛ ko wɛĩlɔɔ ni o kea yiɓo:
-
Mɛɛ e Zizɛ zi sala lɛ a ɓoa kɛ gbaapɛ kpanazɛ ka?
-
Zi kpɛɛ lɛ i i yɛlɛtaa ka e gbɛ̃a wɔ̃ lɛ Zihova wa Zizɛ wa kɛ i lɛɛ mɔ?
Zi kpɛɛ lɛ ko bɛi a zɔ̃ɔ̃a kelɛ koo Zihova wa Zizɛ o zuo ɓo wɔ̃ lɛ wa kɛ ko lɛɛ wɛĩ? Ko 2 Kɔleĩtĩã 5:15 wa 1 Zɔ̃ɔ̃ 4:11; 5:3 gee. Ye kɔaa nyɛ Baabo wekpo nia geee mɔ doo dooa, koo lo wɛĩlɔɔ e kea yiɓoo:
-
Lɛ zi Baabo wekpo nia wa gee a kaa, mɛɛ wɔ̃ lɛ ko bɛi a kɛɛ kɛ a zɔ̃ɔ̃ kelɛ koo Zihova wa Zizɛ o zuo ɓo?
4. Zizɛ piegɔ̃
Zi gbɛɛ lɛ ko bɛi a zɔ̃ɔ̃a kelɛ ko kɔyaa lɛ a wia, lɛ e kelɛ ko Zizɛ piegɔ̃. Ko Zɔ̃ɔ̃ 13:15 gee, ɛ̃ɛ̃ kɛ ko wɛĩlɔɔ e kea yiɓo:
-
Zi gbɛɛ gbɛɛ kpɛɛ lɛ i bɛi tooa Zizɛ gã kpaa yi kpokpo ɓo?
Zizɛ a lɔkɛ Wala Lewe ka, e wɔ̃laũ yiea gee, ɛ̃ɛ̃ e gbũ mia mɔ
5. Lo Kɛlɛi Gatomiayɛlɛpie mɔɔ pakiemɔɔ yi
Kɛ i wɔ̃ lɛ e kɛ Ko Daami zi Nyɛŋɛipie Leɓelea kɛluo beĩzɛ kaa gɛ̃ɛ, ko Luu 22:14, 19, 20 gee, kɛ ko wɛĩlɔɔ ni o kea yiɓo:
-
Mɛɛ wɔ̃ lɛ e kɛ Ko Daami zi Nyɛŋɛipie Leɓelea kɛluo ka?
-
Mɛɛ a gɔ̃ã lɛ belea wa yɔɔ ka?—A loonipia 19 wa 20 gɛ̃.
Zizɛ a naa la toapiemia zo e vuo o Daami zi Nyɛŋɛipie Leɓelea ka, luo lɛ e gaaa ka kɛɛ seĩ ka. A mɔ wɔ̃ mɔɔ, Zihova la Kelavɔ oo nu oo kie ba kɛɛ seĩ ka kɛɛ o zo e vuo Kɛlɛi ga wɔ̃ ka, lɛ zi a gee o kɛaa lɛ ɓe. Kɛ ko pɛ mɛdã pakiemɔ kpanazɛ e kea mɔɔ, ko VILOA gɛ̃, kɛ ko wɛĩlɔɔ e to a piea yiɓo.
-
Mɛɛ wɔ̃ lɛ e kɛ Kɛlɛi Gatomiayɛlɛpie mɔɔ pakiemɔɔ yi?
Belea wa yɔɔ o wɔ̃ gɔ̃ã ka. Belea lɛ Zizɛ gbĩkpala lɛ niɓo nɔɔfe wá a yi, lɛ a nɔ ko wɛĩa gɔ̃ã ka. Yɔɔ lɛ a lia gɔ̃ã ka
MIA DO OO GEE: “Wɔ̃ nɔ laa mɔ ɓa kɛ kɛɛ i laɓo sɔlɔɓoa lɛ e tɔ i Zizɛ wɔ̃ si wana ka.”
-
Zi kpɛɛ lɛ i bɛi Zɔ̃ɔ̃ 3:16 wa Zĩĩ 2:17 daa ka yɛɓo pie kɛɛ a zɔ̃ɔ̃ kelɛ laa mɔ mi e wɔ̃ bunuzɛ kɛ?
WƆ̃Ɔ WŨ
Koo zɔ̃ɔ̃ kelɛ koo Zizɛ zuo ɓo ye kɔaa ko zodɔ a mɔ ɛ̃ɛ̃ lɛ kɔaa kɛ lopia Kɛlɛi Gatomiayɛlɛpie mɔɔ pakiemɔ yia ka.
Zovuo Wɔ̃
-
Zodɔ Zizɛ mɔ yi lɛ e mɛɛ ka?
-
Zi kpɛɛ lɛ i lo a naa ɓa zɔ̃ɔ̃a kelɛ i kɔyaa lɛ wɔ̃ lɛ Zihova wa Zizɛ wa kɛ i lɛɛ wi?
-
Mɛɛ a kɛ kpanazɛ kɛ ko lo Kɛlɛi Gatomiayɛlɛpie mɔɔ pakiemɔɔ yi?
I NYIƐ KPƆ
Kea ga lɛ Zizɛ a ɓoa laa kɛ kɔaa mɛɛ wɔ̃ kɛ?
Pɛ bunuzɛ mɛdã e gbɛ̃a zodɔamɔ mɔ ɛ̃ɛ̃ zi lɛ ko bɛi a zɔ̃ɔ̃a mɔ.
“I I Zo Dɔ Zihova La Wedɔwe Nia Mɔ” (Wɔ̃lagɛ̃kamaa, Walawala 2016)
I zi lɛ lee doo la kɛɓe mɛ e vɔɔ a ka, lɛ e pɛ mɛdã e gbɛ̃a ga lɛ Kɛlɛi a ɓoa mɔɔ gɛ̃, “M La E Gbɛ̃ Gbaa A Ɓɔ, M Kɛ Mi Ka, ɛ̃ɛ̃ M Nu M Die Pie.”
“Baaboa Lɛɛ Mia Wa Kɛɓe Mɛvɔɔ” (Wɔ̃lagɛ̃kamaa, Kaakaa 1, 2011)
Pɛ e kɛ lɛ mia wɛlɛ ɓeĩ lɛ nɔ o ɓelea ɓele waa yɔɔ mi Kɛlɛi Gatomiayɛlɛpie luo kaa gɛ̃.
