PƐ MƐDÃPIA 33
Wɔ̃ Kpokpo Lɛ Tomialaa E Loa Kɛɛɛ
Wala la Tomialaa lɛ gbaa liesipia. Luo wa gbaa gbeĩ kɛ e wɔ̃ mɛvɔɔ e lagbuozɛ ka kpoula. Ko wɔ̃ yie yie ni lɛ ko nyiɛ laa gɛnɛ e kɛ Wala la Tomialaa wia do gɛ̃.
1. Zi kpɛɛ lɛ Wala la Tomialaa e lo nuua zoyage wa wɔ̃ pulu kɛɛ ka e mɛi kpoula?
Zizɛ lɛ e Wala la Tomialaa Liesimi kaa, lɛɛ lo kɛpɛ yɔɔ kɛmia wa gomɛnɛ seĩ yisie Amagɛdã gele luo ka. (Wɛlɛvelesɔ̃ 16:14, 16) Luoa kaa, wɔ̃ lɛ Baaboa a gee e kea pie wɔ̃ lɛɛ lo kɛɛ: “Luo aa to nɔ e ɓeĩ ka, ɛ̃ɛ̃ kɛpɛ yɔɔ kɛmia oó lo kɛɛ ɓe gbaa.” (Sãã 37:10) Tomialaa wia, Zizɛ lɛɛ lo a kɛɛ zoyage wa wɔ̃ pulu kɛɛ e kɛ kpoula lɛ seĩ mɔ.—Aazaya 11:4 gee.
2. Zi kpɛɛ lɛ kɛɓe e lo kɛɛa ye Wala naa ka wɔ̃ aa kɛ kpoulaa ka?
Wala la Tomialaa wia, “mia o kpeĩ Wala wɛlɛ mɔɔ, kpoulaa lɛɛ lo too wa pɛ ka, ɛ̃ɛ̃ oo lo kɛɓe kɛ yi toakili ka.” (Sãã 37:29) I yɛlɛtaa kelɛ, i kɛɓe kɛpia kpoula lɛ mia seĩ lɛ o yia o wɔ̃ kpeĩ kɛmia ka, oo lɔkɛ Zihova ka, ɛ̃ɛ̃ o kie ni kaa yi! Yaa lɛɛ́ lo mi nɔɔfe kɛɛ, ɛ̃ɛ̃ mia seĩ oo lo kɛɓe kɛɛ toakili ka.
3. Mɛɛ wɔ̃ lɛ Wala la Tomialaa e lo a kɛɛ ye kɛpɛ yɔɔ kɛmia yi aa siea ka?
Ye waa kɛpɛ yɔɔ kɛmia yisiea, Zizɛ lɛɛ lo liesii kpoulaa ka kɛɛ 1,000 pie. A luo kaa, Zizɛ wa mia 144,000 lɛ o lo kɛɛ liesipiaa, oo lo gbũu mia mɔ kpoula yekɛ niɓo nɔɔfe e kɛ o yi. Kɛɛ 1,000 lienyɛpiaa, kpoulaa lɛɛ lo kɛɛ Paledaa liazɛ kpokpo ka, mia o lo kɛɛ yia, oo lo kɛɛ gelizɛ ɓii oo Zihova we kɛɛ wɛĩ. Zizɛ lɛɛ lo la Tomialaa nɔɔ e mɛi e Daa Zihova lɛɛ. “Zihova tɔ lɛɛ lo kɛɛ tɔ lɛ lɛ mia seĩ lɛɛ tɔ yie kaa ka,” ɛ̃ɛ̃ lɛɛ́ kɛ do kili. (Mafiu 6:9, 10) Lɛɛ lo a zɔ̃ɔ̃ kelɛ Zihova lɛ mia wũlami kpeĩ lɛ e kpaa la mia ni wɛĩa ka. Ye aa kɛɛ, Zihova lɛɛ lo Setɔ̃ wa la gɛɛ yɔɔ vɔ yisie, ɛ̃ɛ̃ e daa mi nɔɔfe lɛ e lo a we tooa ba. (Wɛlɛvelesɔ̃ 20:7-10) Wɔ̃ yie yie lɛ Wala la Tomialaa e lo a kɛɛɛ, lɛɛ lo too ɓe toakili ka.
A PIE FOO
Ko pɛ e kɛ lɛ ko ko zo dɔ Zihova mɔ kelɛ wɔ̃ seĩ lɛ e e wedɔ a ka Baabo yia lɛɛ lo a kɛɛ Tomialaa wia gɛ̃.
4. Wala la Tomialaa lɛɛ lo miagbunu wa gomɛnɛɛ ɓo tãã
“Mia waa liesi mia ka o gĩĩ zi pie.” (Ikilisiase 8:9) Zihova la Tomialaa lɛɛ lo fulu wɔ̃ e kea ɓoo tãã.
Ko Danya 2:44 wa 2 Tɛsalonia 1:6-8 gee, ɛ̃ɛ̃ kɛ ko wɛĩlɔɔ ni o kea yiɓo:
-
Mɛɛ wɔ̃ lɛ Zihova wa E Gbe Zizɛ o lo a kɛɛ miagbunu wa gomɛnɛ seĩ ɛ̃ɛ̃ wa la mia ni o ka?
-
Wɔ̃ lɛ ɓaa mɛdã e gbɛ̃a Zihova wa Zizɛ o mɔɔ, zi kpɛɛ lɛ a zɔ̃ɔ̃a i lɛɛ kelɛ wɔ̃ lɛ o lo a kɛɛɛ fulu wɔ̃ nɔɔfe lɛɛ́ lo kɛɛ a yi?
5. Zizɛ lɛ Liesimi kpeĩ kpokpo ka
Ɓii Zizɛ lɛ Wala la Tomialaa Liesimi kaa, lɛɛ lo gbũu la mia ni mɔ zi bunu bunuzɛ ka kpoula. Ko VILOA gɛ̃, kɛ ko zi lɛ Zizɛ a zɔ̃ɔ̃a kelɛ laa naa e gbũ la mia ni mɔ, ɛ̃ɛ̃ Wala aa yikɛgaa nɔ a lɛɛ a kɛɛ gɛ̃.
Lɛ Zizɛ e kɛ kpoula zeea, wɔ̃ lɛ a kɛɛ e kɛ wɔ̃ kpokpo lɛ Tomialaa e loa kɛɛɛ gɔ̃ã ka. Wɔ̃ yie yie ni o kea, ye kpɛɛ lɛ i nyiɛ lɛ a gɛnɛ? Baabo wekpo ni lɛ o gbɛ̃ɛ̃ lɛ wɔ̃ yie yie nia mɔɔ gee.
|
LƐ ZIZƐ E KƐ KPOULAA, E . . . |
ZIZƐ LƐƐ LO TOO LƐI SƐLƐ YI, E . . . |
|---|---|
|
|
|
|
|
|
|
|
6. Wala la Tomiala lɛɛ lo tooliezaa kɛɛ sɛ kpokpo ɓo
Tomialaa lɛɛ lo wɔ̃ seĩ lɛ Zihova aa ya e ge miagbunu wɛĩa kɛɛ. Oo lo kɛɓe kɛɛ toakili ka Paledaa kpoula. Ko VILOA gɛ̃, kɛ ko zi lɛ Zihova lɛ yɛɓo kɛpia ka e gbe Zizɛ kɔ yi zaa, kɛɛ e wɔ̃ lɛ aa ya e ge a kɛɛ gɛ̃.
Ko Sãã 145:16 gee, ɛ̃ɛ̃ kɛ ko wɛĩlɔɔ e kea yiɓo:
-
Zi kpɛɛ lɛ e i zo sia kɛɛ ɓa yidɔ kelɛ, Zihova lɛɛ “lo pɛ ɓeee seĩ zoda wɔ̃ kɛɛ”?
MIA DO OO GEE: “Ye kɔa seĩ kɔaa yɛɓo kɛ e kie baa, kɔaa bɛi kpoula wɔ̃ yibɛii.”
-
Mɛɛ wɔ̃ lɛ Wala la Tomialaa e loa yibɛii, lɛ miagbunu zi gomɛnɛɛ lɛɛ́ bɛi a kɛɛ?
WƆ̃Ɔ WŨ
Wala la Tomialaa lɛɛ lo wɔ̃ lɛ aa ya e gea kɛɛ. Lɛɛ lo kpoulaa kɛɛ Paledaa ka lɛ seĩ mɔ ɛ̃ɛ̃ a paa lɛɛ lo kɛɛa mia lɛ o Zihova we kɛɛ ka toakili ka.
Zovuo Wɔ̃
-
Zi kpɛɛ lɛ Wala la Tomialaa e lo Zihova tɔ kɛɛa tɔ lɛ lɛ mia seĩ lɛɛ tɔ yie kaa ka?
-
Mɛ e kɛ lɛ ko si wana ka kelɛ Wala la Tomialaa lɛɛ lo wɔ̃ ni lɛ Baabo a geea kɛɛ?
-
Wɔ̃ ni lɛ Wala la Tomialaa e loa kɛɛ, ye kpɛɛ lɛ i nyiɛ laa gɛnɛ kpokpo ɓo?
I NYIƐ KPƆ
We lɛ e Amagɛdã kaa yinaa.
Wɔ̃ ni lɛ o lo kɛɛ luo lɛ Zizɛ a si “wɔ̃-nyɔɔ wɛlɛ-yɔɔ-zɛ” gɛ̃-luoa kaa mɛnyɛ.—Mafiu 24:21.
Zi lɛ kɛimia o bɛi o yɛlɛtaa ka wɔ̃ yie yie ni lɛ o lo kɛɛ Wala la Tomialaa wia yia gɛ̃.
“Wɛĩlɔɔ bunuzɛ e m fɔ̃ãfɔ̃ã kɛ ɓo.” Zi lɛ gele ya sɛlɛ liesimia mɔ mi doo e wɔ̃ lɛ e kɛ a yinaapiaa yima a kaa gɛ̃.
“Baaboa Lɛɛ Mia Wa Kɛɓe Mɛvɔɔ” (Wɔ̃lagɛ̃kamaa, Luelue 1, 2012)
