PƐ MƐDÃPIA 37

Mɛɛ Wɔ̃ Lɛ Baaboa A Gee E Gbɛ̃a Yɛɓo Kɛɛ wa Pɛlee Mɔ

À DA YƐƁO PÍÉ

Kea i le aa dũ do yɛɓo kɛɛ wa pɛlee mɔɔ wɔ̃ ka? Kɛ ko yɛɓo kɛ pɛ lɛ laa mɔ ko sɔlɔɓoa wɛĩ, ɛ̃ɛ̃ kɛ ko gbini Zihova lɛɛ a zoda zi piea, aa kɛɛ ye wa lɔɔlɔɔ. Baaboa e liewe lɛ e bɛi gbũu ko mɔɔ dɔ ko lɛɛ.

1. Mɛɛ wɔ̃ lɛ Baaboa a gee e gbɛ̃a yɛɓo kɛɛ mɔ?

Wala laa naa ko ko kɛ yɛɓo pɔpɔ ɓele. Baaboa laa gee kelɛ “pɛ gbɛɛ wa ɓe kɛɛ e kɛ mia lɛɛ sɛ e diea . . . yɛɓo gaaa kɛɛ waa pɔpɔ ɓele la.” (Ikilisiase 2:24) Zihova lɛɛ yɛɓo kɛ gaga. Ye kɔaa a piegɔ̃ yɛɓo kɛ fããwaa ka kaa, a ge lɛɛ li ɛ̃ɛ̃ ko die bɛ̃ɛ̃ ko ge lɛɛ li nɔ kili.

Yɛɓo kɛɛ lɛ kpanazɛ. Kɛɛ ye waa mɔ ko a wɔ̃ si kpanazɛ e diea gbini Zihova lɛɛ la. (Zɔ̃ɔ̃ 6:27) Ye kɔaa gbini Zihova lɛɛ wɔ̃ si wɔ̃ beĩzɛ ka ko kɛɓe yia, lɛɛ lo pɛ lɛ laa mɔ ko sɔlɔɓoa nɔɔ ko lɛɛ.

2. Zi kpɛɛ lɛ ko bɛi pɛlee wa gbini Wala lɛɛ wɔ̃ gɛ̃ɛ a ka?

Ye bɛ̃ɛ̃ lɛ Baaboa a gee kelɛ pɛlee lɛɛ gbũ ko mɔɔ, e ko liewe dɔ zeĩ kelɛ pɛlee doo kpãã lɛɛ́ bɛi ko kɛɛ gelizɛ. (Ikilisiase 7:12) A mɔ wɔ̃ mɔɔ, Baaboa e ko liewe dɔ kelɛ yekɛ pɛlee zi lɔkɛamɔ e die ko zo ka, “ka zo e da pɛ e ka kɛlɛɛ pie.” (Hiibulu 13:5 gee.) Ye ko zo aa da pɛ e ko kɛlɛɛ piea, ko zo lɛɛ́ lo daa zizaa kelɛ pɛ wa ko kɛlɛ kpãkpã. Koó lo ko kɔ waa kele lɛ a yi wa a mɔɔ yi. (Pɔlɔvɛɛ 22:7) Ɛɛ̃ koó lo ko kɔ daa gɔ̃pɛ gɔ̃ɔ ba pɛlee wɛĩ, ɛ̃ɛ̃ wɔ̃ ni lɛ mia o kɛ kɛɛ o kɛ kpanazɛ tietiea ba.

3. Zi kpɛɛ lɛ ko bɛi wɔ̃ yie kɛɛa pɛlee ka?

Zihova lɛ Wala lɛ e pɛ nɔ mia lɛɛ ka, ɛ̃ɛ̃ koo a piegɔ̃ ye kɔaa kɛ ‘pɛ-nɔ mia lɛɛ mia ka, ɛ̃ɛ̃ ko pɛkɛɛ aa kɛa kɛ ko mia gbɛɛ ni ko dɔ ko dɔpɔɔ yia ka.’ (1 Temɔte 6:18) Koo bɛi wɔ̃ yie kɛɛ pɛlee ka ye kɔaa pɛ ɓo ko kɔ le kɔaa nɔ nukielaa wɛĩ ɛ̃ɛ̃ ye kɔaa gbũ mia ye o toa mɔɔ ka, kpokpo ɓoa ko leege vɔ. Zihova nyiɛ gbɛ̃ɛ̃ wa kpokpo ɓo pɛ ko nɔɔ mɔ, kɛɛ pɛ ko mɔɔ a nɔ ɓoa. Ye kɔaa wɔ̃ yie kɛ zowɛlɛwɛlɛla kaa, ko ge lɛɛ loo li ɛ̃ɛ̃ koo lo Zihova zodaa.—Apɔsɔlɔ 20:35 gee.

A PIE FOO

Gbumɔ lɛ e go yɛlɛtaa kpeĩ kɛ i kɛlɛ e gbɛ̃a yɛɓo kɛɛ mɔ, wa i zoda pɛ e i kɛlɛɛ pie kololaa gɛ̃.

4. Ɓa yɛɓo kɛkɔɔ e Zihova tɔɓɔ

Laa mɔ ɓɛɛla lɛ e ko Zihova ni ko fĩãa pie e to zi ko yɛɓo kɛɛ gɛ̃ a kaa mɔ. Ko VILOA gɛ̃, ɛ̃ɛ̃ kɛ ko wɛĩlɔɔ ni lɛ o to a piea yiɓo.

VILO: Yɛɓo Kɛ I Zo Seĩ Ka Zihova Lɛɛ (4:39)

Viloa yia, mɛɛ wɔ̃ lɛ e i zo si e gbɛ̃a Zawolo zi yiikɔ ɛ̃ɛ̃ wɔ̃kɛkɔ mɔ la yɛɓo kɛpia?
Mɛɛ wɔ̃ lɛ e a kɛ kɛɛ e yɛɓo kɛ e kɛzi ka?

Ko Kɔlɔsĩã 3:23, 24 gee, ɛ̃ɛ̃ kɛ ko wɛĩlɔɔ e kea yiɓo:

Zi lɛ ko yɛɓo kɛɛ gɛ̃ a kaa, mɛ a kɛ kpanazɛ?

Yɛɓo kɛɛ lɛ kpanazɛ. Kɛɛ ye waa mɔ ko a wɔ̃ si kpanazɛ e diea ko gbini Zihova lɛɛ la

5. Ye ko zo aa da pɛ e ko kɛlɛɛ piea lɛɛ gbũ ko mɔ

Mia bunuzɛ oo naa o pɛlee gbuo sɔlɔɓo kɛ o kɛ kpanazɛ. Kɛɛ Baaboa laa kɛzi gbɛɛ zɔ̃ɔ̃ ko lɛɛ. Ko 1 Temɔte 6:6-8 gee, ɛ̃ɛ̃ kɛ ko wɛĩlɔɔ e kea yiɓo:

Mɛɛ wɔ̃ lɛ Baaboa e ko fããwaa ko kɛ?

Pɛ e gɔ̃ bɛ̃ɛ̃ kɛɛ ko kɛlɛ kpãkpãa, koo bɛi kɛɛ gelizɛ. Ko VILOA gɛ̃, ɛ̃ɛ̃ kɛ ko wɛĩlɔɔ e to a piea yiɓo.

VILO: Ka “Zo E Da Pɛ E Ka Kɛlɛɛ Pie” (3:20)

Mɛ e kɔpiemia o kɛa kɛ gelizɛ ye bɛ̃ɛ̃ lɛ pɛ wa o kɛlɛ kpãkpãa ka?

Kɛɛ, ye pɛ aa kɛ ko kɛlɛ gbuo to kɔaa lakpɔ naaa bɛ̃ɛ̃? Pɛ e a kɛ yɔɔ kpokpo ɓoa Zizɛ e pĩã vɔ e gbɛ̃a mɔ. Ko Luu 12:15-21 gee, ɛ̃ɛ̃ kɛ ko wɛĩlɔɔ e kea yiɓo:

Mɛɛ wɔ̃ lɛ ɓa mɛdã e gbɛ̃a pĩã lɛ Zizɛ a vɔɔ mɔ? —A lonipia 15 gɛ̃.

Ko Pɔlɔvɛɛ 10:22 wa 1 Temɔte 6:10 gee ɛ̃ɛ̃ ko gɔ̃ e kie mɔ. Ye aa kɛɛ, ko wɛĩlɔɔ ni o kea yiɓo:

Ɓaa i yɛlɛtaaa, mɛɛ wɔ̃ lɛ lɛ kpanazɛ kpokpo ɓo? Kea ka Zihova ka ɓɛɛla lɛee, maa pɛlee kɛ i kɛlɛ gbuo lɛ? Mɛɛ wɔ̃ wɛĩ?
Ye pɛlee wɔ̃ aa die mi zo kaa, mɛɛ wɔ̃ lɛ e goa kolola?

6. Zihova lɛɛ lo pɛ laa mɔ ko sɔlɔɓoa nɔɔ ko lɛɛ

Yɛɓo kɛɛ wa pɛlee mɔɔ wɔ̃ lɛɛ ko zodɔamɔ yidã. Ko VILOA gɛ̃, kɛ ko zi lɛ ko bɛi wɔ̃ kɛɛa dɔ, ye wɔ̃ suu nia aa ɓɔ ko laa ka, ɛ̃ɛ̃ kɛ ko wɛĩlɔɔ ni lɛ o toa piea yiɓo.