Lia lɛ kpanazɛ kpokpo ɓo. Ye ye wa ko yia, ko do nɔɔfe koó bɛi kɛɓe kɛɛ. Wala lɛ e ko kɛɛ, a mɔɔ wɔ̃ mɔɔ, a ye lɛ laa mɔ e zi lɛ laa mɔ ko lia wɔ̃ kɛ a kaa gee ko lɛɛ. Mɛɛ wɔ̃ lɛ a gee e gbɛ̃a lia wɔ̃ mɔ? Kea mia oo bɛi a ɓele, ɛ̃ɛ̃ a sii o gbĩkpala yi? Ɛɛ̃ zi kpɛɛ lɛ i bɛi yɛlɛtaa kpeĩ kɛɛ a ka e gbɛ̃a wɔ̃ e kea mɔ?

1. Zi kpɛɛ lɛ Zihova e lia wɔ̃ gɛ̃ a ka?

Mia o kɛ mɔ gbinipia Zihova lɛɛ, e wɔ̃ e kea gee o lɛɛ: “Pɛ ɓeee suu seĩ la kɛɓe lɛ a lia ka.” (Livelekɔ 17:​14) Zihova wɛlɛ mɔɔ, lia lɛ kɛɓe wɛĩ. Kɛɓe lɛ gbaapɛ kpanazɛ lɛ e go Wala kɛlɛɛ ka, a mɔɔ wɔ̃ mɔɔ, lia lɛ kpanazɛ kpokpo ɓo nɔ kili.

2. Lia wɔ̃ kɛzi kpɛɛ lɛ Wala lɛɛ́ wee a mɔ?

Mia lɛ o kɛ mɔ gbinipia Zihova lɛɛ, a gee o lɛɛ yekɛ o lia ɓele. (Zɛnɛse 9:4 wa Livelekɔ 17:​10 gee.) E wɔ̃ nɔ dooa lawaa, lɛ a gee mia diedievɔ kpo ɓeĩa o gee Tokɛlɛipiemia lɛɛ kelɛ ‘yekɛ o lia nɔɔfe do ɓelea’ ka.​—Apɔsɔlɔ 15:​28, 29 gee.

Ye waa gee yekɛ o lia nɔɔfe do ɓelea a yi lɛ e mɛɛ ka? Ye ɓa daita aa gee i lɛɛ i kã yɔ lɛɛ, ií lo a mii. Kɛɛ ii lo leɓele lɛ yɔ lɛ a baa ɓele, ɛ̃ɛ̃ a sii i mia yi mɛɛleĩ ka? Yeɓoa, gbaao. Zi nɔ dooa kaa, ye Wala aa gee ko kã lia lɛɛ, a yi lɛ e kelɛ yekɛ ko lia mi, ɛ̃ɛ̃ wii lɛ oó gbaa to ɓeee o kpɛi kã kɛ a lia e diea ɓele. Ɛɛ̃ kɛ bɛ̃ɛ̃ ko leɓele nɔɔfe lɛ lia lɛ a baa ɓele.

Ye mia o yɛɓo kɛ nyiɛkalaa, waa gee i lia sia bɛ̃ɛ̃? Lia nɔ mia lɛɛ kɔ do lɛ yia, oó to Wala la lɔɔɔ pie. Oo lia to kili, ɛ̃ɛ̃ waa a kɛkɔ kpola yiisɛ ni o kea do nɔ mia lɛɛ. O lɛ o kelɛ lia zolo, lia pulu, lia dugbudugbu, ɛ̃ɛ̃ lia zɛĩzɛĩ. Lia nɔ mia lɛɛ kɔ do lɛ yia, Baaboa lɛɛ́ gbaa wɔ̃ gee e gbɛ̃a mɔ e seĩ seĩ ka kelɛ, lɛɛ Wala la lɔɔɔ sie, ɛ̃ɛ̃ lɛɛ́ a sie. A gɔ̃ã gɛ̃, a nɔ mia lɛɛ kɔ do lɛ yia, oo lia kɛkɔ kpola yiisɛɛ do si a mɔ to waa nɔ mia lɛɛ. A do bɛ̃ɛ̃ lɛ yia, oo mi dietĩ lia nɔ a lɛɛ. Ye ɓaa lɛ gɛ̃ a nɔ mia lɛɛ kɔ nia mɔɔ, a too lɛ i ka kɛɛ i i zɔ̃ɔ̃ si a ba. a​—Gɛlesia 6:5.

 A PIE FOO

3. Nyiɛ lɛ i loa kũu i zɔ̃ɔ̃ kaa, e kɛ Zihova zoda wɔ̃ ka

Zi kpɛɛ lɛ i bɛi nyiɛ lɛ a wee lɛ, zi lɛ Wala e lia wɔ̃ gɛ̃ a kaa mɔɔ, kũu a ka i zɔ̃ɔ̃ ka? Ko VILOA gɛ̃, ɛ̃ɛ̃ kɛ ko wɔ̃ gee e gbɛ̃a pɛ e wɔ̃ ni o kea kɛɛ kɛ kpanazɛɛ mɔ.

• Sɛnɛɓo gikã wɛĩ.​—Zĩĩ 1:5.

• I nyiɛ kpɔ liewekpo ni lɛ o Baabo yia, wa zi o gbɛ̃ɛ̃ laa mɔɔ ka.​—Pɔlɔvɛɛ 13:​16.

• I nyiɛ kpɔ a nɔ mia lɛɛ kɔ gbɛɛ gbɛɛ lɛ e lɛ i yia mɔɔ ka.

• A nɔ mia lɛɛ kɔ ye ií wee a mɔɔ dɔ.

• Yekɛ wɔ̃ ɓa kũ i zɔ̃ɔ̃ kaa a kɛ i zo e mɛisa dɔ i mɔ.​—Apɔsɔlɔ 24:​16. b

• A yidɔ kelɛ ye wa i piemi, mia diedievɔɔ doomi, ɛ̃ɛ̃ ɓa Baabo zɔ̃ɔ̃ mi ka kɛɛ e wɔ̃ i loa kũu i zɔ̃ɔ̃ kaa gee i lɛɛ.​—Woloma 14:​12.

• Wɔ̃ i loa kũu i zɔ̃ɔ̃ kaa bɛ̃ɛ̃ tãã.

4. Zihova la Kelavɔ oo naa nyiɛ lɛ lɛ kpeĩa ka

Zi lɛ ɓe kɛ ko to Wala la lɔɔ lɛ a gbɛ̃ɛ̃ lɛ lia mɔɔ pie ɛ̃ɛ̃ o nyiɛ kpeĩ lɛ lia wa a baa nɔ ko lɛɛ. Ko VILOA gɛ̃.

Ko Tatɔ 3:2 gee, ɛ̃ɛ̃ kɛ ko wɛĩlɔɔ e kea yiɓo:

• Kea ye kɔaa kɛ wɔ̃ geepia ko daita lɛɛ, laa mɔ ko kɛ ɓɛlɛya wa kpolokpɔmɔ ka?

 5. Ye lia kɛkɔ kpola yiisɛɛ ɓeĩ aa kɛ a baa

Lia kɛkɔɔ kpola lɛ yiisɛ​—lia zolo, lia pulu, lia dugbudugbu, ɛ̃ɛ̃ lia zɛĩzɛĩ. A kɛkɔ kpola yiisɛ ni o kea yigini lɛ e ɓeĩ ɓeĩ ka. c A yiginipia ɓeĩ ɓeĩ nia do lɛ yi lɛ o da nyiɛ ba kɛ e gele gɔ̃ yaa kaa, ɛ̃ɛ̃ a do bɛ̃ɛ̃ lɛ yi ye ko lia aa kɛ diepiaa kɛ a tea.

Ye aa nu lia kɛkɔ kpola yiisɛ ɓeĩ ɓeĩa mɔɔ, laa mɔ Tokɛlɛipiemia seĩ o o zɔ̃ɔ̃ si e gbɛ̃a zi lɛ o Baaboa yimaa kaa mɔ. Mia do oó lo wee a mɔ kɛɛ o nyiɛ lɛ lia kɛkɔ kpola yiisɛ ɓeĩ ɓeĩa laa baa si. Mia do bɛ̃ɛ̃ oo lo o yɛlɛtaa kelɛ oo bɛi a ɓeĩ ɓeĩa sii.

Ye ɓaa kɛ i zɔ̃ɔ̃ sipiaa, i yɛlɛtaa wɛĩlɔɔ e kea yi:

• Zi kpɛɛ lɛ m bɛi a yiɓooa daita lɛɛ kelɛ mm wee a mɔ, ɛ̃ɛ̃ mḿ wee a mɔ kɛɛ m lia kɛkɔ kpola yiisɛ ɓeĩ ɓeĩa do si?

 WƆ̃Ɔ WŨ

Zihova laa naa ko lia wɔ̃ si kpanazɛ.

Zovuo Wɔ̃

• Mɛ e kɛ lɛ Zihova e lia wɔ̃ si kpanazɛ kpokpo ɓo?

• Zi kpɛɛ lɛ kɔa yidɔa kelɛ, wɔ̃ lɛ Wala a gee yekɛ ko lia nɔɔfe do ɓelea, a gbɛ̃ɛ̃ lɛ lia nɔ mia lɛɛ wɔ̃ mɔ?

• Zi kpɛɛ lɛ ko bɛi ko zɔ̃ɔ̃ siia e kpeĩ ka e gbɛ̃a nyiɛ lɛ lia wɔ̃ laa yia mɔ?