Zihova laa naa ko kɛ gelizɛ ko kɛɓe yi ɛ̃ɛ̃ ko wɔ̃ bunuzɛ kpɛɛyɛ luo gbũu ka. Kea kpɛɛyɛ wɔ̃ seĩ lɛ e a zodaa? Zi kpɛɛ lɛ ko bɛi ko lɔkɛamɔ zɔ̃ɔ̃a Zihova lɛɛ wɔ̃ e kea kɛɛ yi?

1. Mɛ e kɛ lɛ kpɛɛyɛ wɔ̃ bunuzɛ lɛɛ́ Zihova zoda?

Lɛɛ bɛi i lepaa leĩ kɛ ɓa mɛdã kelɛ kpɛɛyɛ wɔ̃ bunuzɛ gã lɛɛ go mia lɛ oó Wala dɔɔ kɛlɛ, ɛ̃ɛ̃ ye wa wɔ̃ lɛ Baabo a zɔ̃ɔ̃ɔ ka. Kpɛɛyɛ wɔ̃ ni lɛ Baaboa lɛɛ́ wee a mɔɔ. Wɔ̃ nia gã gbɛ̃ɛ̃ lɛ leĩ gɛɛyɔɔ kɛwɔ̃ mɔ, ɛ̃ɛ̃ yɛlɛtaa lɛ e kelɛ mia oo kɛɓe kɛ lɛ do mɔ ye waa gaa ka. Kpɛɛyɛ wɔ̃ nia do gã gbɛ̃ɛ̃ lɛ wɔ̃ lɛ ye wa wana kaa la ɛ̃ɛ̃ salama kpɔ mi la wɔ̃ mɔ. (Aazaya 65:​11) Zihova e la mia ni liewe dɔ kelɛ: “Ka ka yiɓo o mɔ . . . yekɛ ka ka kɔ pa pɛ nɔɔfe lɛ a lilikũũ lɛɛ mɔ.”​—2 Kɔleĩtĩã 6:​17. a

2. Zi kpɛɛ lɛ Zihova e kpɛɛyɛ wɔ̃, lɛ e ɓɛlɛya lɛ ye waa mɔ o nɔ mi lɛɛ gɛ̃ a ka?

Zihova e ko liewe dɔ yekɛ ko ko “zodɔ miagbunu ɓɔɔ mɔ.” (Zɛlemaya 17:5 gee.) Luo gbuo bunuzɛ do lɛ yia, oo ɓɛlɛya nɔ sɛlɛ liesimia ɛ̃ɛ̃ gele kula vɔ lɛɛ. Mia do oo luo lɛ wa sɛlɛ e toa e die kɔ mɔɔ, wa a dɔaa mɔɔ kpɛɛyɛ. (1 Zɔ̃ɔ̃ 5:​21) Kɛɛ mia do bɛ̃ɛ̃ oo mia fããwaa sɛlɛ liesiwɔ̃ mɔ. Zi kpɛɛ lɛ Zihova e ɓɛlɛya, lɛ ye waa mɔ o nɔ mia ɛ̃ɛ̃ wa kɔlokiela lɛɛ, e bɛi mia lɛ wa gikã lɛ gbɛɛ wɔ̃ lɛ aa ya e gea piea gɛ̃ a ka?

3. Kpɛɛyɛ wɔ̃ kpɛɛ lɛ ye wa sɛ?

Baaboa laa gee ye mia waa “kɛ yɔ mi mia ka, to waa kpili kɛ to waa yɔ mi gbũa kɛɛ lɛ yɔɔ.” (1 Pilɛ 4:3) Kpɛɛyɛ wɔ̃ lɛ mia o kɛɛ bunuzɛ wũla kũu wá, ɛ̃ɛ̃ nɛi wa manaazɛɛ wɔ̃ laa yi. Kɛ ko to Zihova ɓɛɛ kaa, laa mɔ ko ko yiɓo wɔ̃ lilikũãzɛ ni o kilia mɔ.

 A PIE FOO

 5. Gbũ mia ye o toa mɔ o wɔ̃ lɛ ɓa si wana kaa ɓɛlɛya

6. Zihova laa naa ko kɛ gelizɛ

Zihova laa naa ko ko mia ni, ɛ̃ɛ̃ ko ɓɛɛmia ko geli kɛ ko kie ba. Ko Ikilisiase 8:​15 gee, ɛ̃ɛ̃ kɛ ko wɛĩlɔɔ e kea yiɓo:

• Zi kpɛɛ lɛ a lonipia e kea a zɔ̃ɔ̃a kelɛ Zihova laa naa ko kɛ gelizɛ?

Zihova laa naa la mia ni o luo yie kɛ o kie ba geli ka. Ko VILOA gɛ̃ kɛ i zi lɛ wɔ̃ nia aa kɛa kpokpo ɓo wana ka ko kɔ̃vɛ̃ĩsɔ̃ gbuo gbuo nia mɔɔ gɛ̃.

Ko Gɛlesia 6:​10 gee, ɛ̃ɛ̃ kɛ ko wɛĩlɔɔ ni o kea yiɓo:

• Kea laa mɔ ko luo gbuo lɛ mia o dɔɔ kpɛɛyɛ kɛ ko wɔ̃ yie kɛ mia ye o toa lɛɛ?

• Pɛnɔmialɛɛ kpɛɛ lɛ e i kɛ gelizɛ​—i pɛ nɔ mia lɛɛ ɓii lɛ luo gbuo kaa wɛĩ, maa i pɛ nɔ mia lɛɛ ɓii ɓaa naa ɓa kɛ kilia wɛĩ?

• Luo gbũu kaa Zihova la Kelavɔ oo wɔ̃ ya e kie le wa nɔɔɓe wɛĩ, ɛ̃ɛ̃ oo gbaapɛ nɔ o lɛɛ o tii yi. E kɛa nɔɔɓe o i kɛlɛɛ, wɔ̃ do kpokpo kpɛɛ lɛ i bɛi a kɛɛ o lɛɛ?

 WƆ̃Ɔ WŨ

Zihova laa naa ko ko mia ni ɛ̃ɛ̃ ko ɓɛɛmia ko geli kɛ ko kie ba. Kɛɛ zeniia, laa naa ko ko kɔɓo kpɛɛyɛ wɔ̃ lɛ lɛɛ́ a zodaa ba.

Zovuo Wɔ̃

• Wɛĩlɔɔ ni kpɛɛ lɛ ko bɛi a kɛɛ kɛ ko yidɔ e kɛa kpɛɛyɛ wɔ̃ nia lɛɛ Zihova zodaa?

• Zi kpɛɛ lɛ ko bɛi gbũua ko kɔpiemia ɛ̃ɛ̃ ko ɓɛɛmia mɔ kɛɛ o zi lɛ ko luo gbuo mɔɔ kpɛɛyɛ wɔ̃ gɛ̃ a kaa yima?

• Zi kpɛɛ lɛ ɓa yidɔa kelɛ Zihova laa naa ko kɛ gelizɛ?