PƐ MƐDÃPIA 47

Kea I Die Pɛkɛɛ Lɛ Kɛ O I Batai Kɛ?

À DA YƐƁO PÍÉ

Ɓa Baabo mɛdãa yia, ɓaa wɔ̃ bunuzɛ mɛdã e gbɛ̃a Zihova mɔ. I wɔ̃ bunuzɛ mɛvɔɔ leĩ kɛ i wɔ̃ lɛ ɓa mɛdãa da yɛɓo pie. E kɛ bɛ̃ɛ̃ kilia, wɔ̃ do la i kunu lɛ tãã lɛ a kɛ gaga kɛ i i dienɔ Zihova lɛɛ ɛ̃ɛ̃ o i batai kɛɛ. Pɛ mɛdãpia e kea lɛɛ lo wɔ̃ geee e gbɛ̃a wɔ̃ kele kele ni lɛ a kɛ gaga kɛ o i batai kɛ, ɛ̃ɛ̃ zi i kɔ e bɛi dieea laa mɔ.

1. Kea laa mɔ ko wɔ̃ seĩ dɔ kɛ o tĩã ko batai kɛɛ?

Kɛ o ko batai kɛɛ, laa mɔ ko “kɛ wanawɔ̃ dɔmia ka.” (1 Temɔte 2:4) A yi wa kelɛ ko wɛĩlɔɔ seĩ lɛ mia o lo a kɛɛ ko kɛlɛɛ yiɓoa dɔ kɛ o tĩã ko batai kɛɛ. E kɛ bɛ̃ɛ̃ Tokɛlɛipiemia lɛ waa o batai kɛ mɔɔ kaa, o nɔ tĩã Baaboa mɛdãpia. (Kɔlɔsĩã 1:9, 10) Kɛɛ laa mɔ ko wɔ̃ die kpokpo lɛ Baabo a zɔ̃ɔ̃ɔ dɔ. Mia diedievɔ lɛ o nukielaa yia, oo lo gbũu i mɔ e kɛa ɓaa wɔ̃ bunuzɛ yimaa.

2. Mɛɛ wɔ̃ ni lɛ laa mɔ ɓa kɛ kɛɛ o tĩã i batai kɛɛ?

Kɛ o tĩã i batai kɛɛ, laa mɔ i i “sɔ̃ɔ̃ yɔɔ mɛvɔɔ . . . i niɛ Wala pie.” (Apɔsɔlɔ 3:19 gee.) A yi lɛ e kelɛ i da yeĩ yi wɔ̃ yɔɔ lɛ ɓaa kɛɛ wɛĩ, ɛ̃ɛ̃ i kpe kã Zihova lɛɛ e die i sɔ̃ɔ̃ yɔɔ la. Zeniia, laa mɔ i dɔ gaga i i ko gbɛ̃ɛ̃ wɔ̃ yɔɔ kɛɛ mɔ, ɛ̃ɛ̃ i kɛɓe kɛ Wala zoda zi pie. E kãa mɔɔ, ii bɛi a zi gbɛ̃ɛ̃ lo nukiela mɔɔ pakiemɔ nia yi ka, ɛ̃ɛ̃ ii bɛi kɛɛ wɔ̃laũgeemi lɛ oó batai kɛ nɛɛ ka.

3. Mɛ e kɛ lɛ ye wa mɔ ɓa kɛ tuo e i tea?

Mia do oo tuo kelɛ bɛi lɛɛ́ lo kɛɛ o mɔ kɛɛ o to o we lɛ wa dɔ Zihova lɛɛ la. Wana lɛ, ii lo niɓo kɛɛ, e kɛ bɛ̃ɛ̃ Zihova la mia ni zodɔamɔzɛ lɛ o kɛ mɔɔ, o niɓo kɛ. Kɛɛ Zihova laa yidɔ kelɛ la mia ni wá pulu. (Sãã 103:13, 14 gee.) A ge lɛɛ li ye la mia ni waa dɔ gaga o a zoda wɔ̃ kɛɛ ka! Lɛɛ lo gbũu i mɔ. Ɛɛ̃ Zihova a gee ko lɛɛ kelɛ, “pɛ gbɛɛ wa doo ɓe . . . kɛ e ko ɓo Wala zi lɔkɛamɔ . . . pie.”—Woloma 8:38, 39 gee.

A PIE FOO

Zi i kɔ e bɛi dieea wɔ̃ ni lɛ a kɛ gaga kɛ o i batai kɛ, kɛ i Zihova dɔ kpokpo ɓo, ɛ̃ɛ̃ kɛ i i kɔya la gbumɔ a nɔɔ wia laa gɛ̃.

4. Zihova dɔ kpokpo ɓo sɛ

Mɛɛ wɔ̃ ni lɛ laa mɔ ɓa dɔ e gbɛ̃a Zihova mɔ kɛ o tĩã i batai kɛɛ? Laa mɔ i a dɔ kpokpo ɓo sɛ, i lɔkɛ a ka, ɛ̃ɛ̃ i a zoda wɔ̃ kɛ. Ko VILOA gɛ̃, kɛ i zi lɛ Baabo mɛdamia waa kɛa kpoula lɛ seĩ mɔɔ gɛ̃. Ye aa kɛɛ, kɛ ko wɛĩlɔɔ e toa piea yiɓo.

VILO: Wɔ̃ I Loa Kɛɛ Kɛ O I Batai Kɛɛ (3:56)

Viloa yia, mɛɛ wɔ̃ lɛ miaa wa kɛ kɛɛ o o die pɛkɛ batai kɛɛ wɛĩ?

Ko Woloma 12:2 gee, ɛ̃ɛ̃ kɛ ko wɛĩlɔɔ ni o kea yiɓo:

Kea i zo too lo lɛi wɔ̃ lɛ Baabo a zɔ̃ɔ̃ɔ do nɔɔfe wɛĩ, ɛ̃ɛ̃ e kɛa wɔ̃ lɛ Zihova la Kelavɔ o zɔ̃ɔ̃ɔ lɛ wana kaa ka?
E kɛa lɛ kilia, mɛɛ wɔ̃ lɛ i bɛia kɛɛ e gbɛ̃a mɔ?

5. I kɔ e die wɔ̃ ni lɛ a kɛ gaga kɛ o i batai kɛɛ la

Ye kɔaa ya ko ge ko ko dienɔ Zihova lɛɛ o ko batai kɛɛ, aa kɛɛ yidãwɔ̃ lɛɛ ɓo ko la. Kɛ ko gɔ̃ã gɛ̃ɛ, ko VILOA gɛ̃, ɛ̃ɛ̃ kɛ ko wɛĩlɔɔ ni lɛ o toa piea yiɓo.

VILO: Lɔkɛ Zihova Ka Laa Kɛ Kɔa Kɔ Aa Die Yidãwɔ̃ La (5:22)

Viloa yia, mɛɛ wɔ̃ lɛ e kɛ gaga Milaakɛ e kãa lɛɛ kɛ e gbini Zihova lɛɛ?
Zi kpɛɛ lɛ lɔkɛ Zihova ka e gbũa mɔ kɛ e kã wɔ̃ e kilia lɛɛ?

Ko Pɔlɔvɛɛ 29:25 wa 2 Temɔte 1:7 gee, ɛ̃ɛ̃ kɛ ko wɛĩlɔɔ e kea yiɓo:

Mɛɛ e zogaala nɔ ko lɛɛ kɛ ko kɔ e die yidãwɔ̃ la?

6. I zodɔ Zihova mɔ la gbumɔ wɛĩ

Zihova lɛɛ lo gbũu i mɔ kɛ i a zodawɔ̃ kɛ. Ko VILOA gɛ̃, ɛ̃ɛ̃ kɛ ko wɛĩlɔɔ ni lɛ o toa piea yiɓo.

VILO: Zihova Wala Lɛɛ Lo Gbũu I Mɔ (2:50)

Viloa yia, mɛɛ wɔ̃ lɛ e kɛ mi lɛ e kɛ Baabo mɛdãpiaa kunupia tãã batai kɛɛ mɔ?
Mɛɛ wɔ̃ lɛ a mɛdã lɛ e gbũa mɔ kɛɛ e la zodɔamɔ mɛkɛ gaga Zihova wɛĩ?

Ko Aazaya 41:10, 13 gee, ɛ̃ɛ̃ kɛ ko wɛĩlɔɔ e kea yiɓo:

Mɛ e kɛ lɛ ɓa yidɔ kelɛ wɔ̃ lɛ ɓa gee i dienɔ Wala lɛɛ luo kaa, bɛi lɛ i mɔ ɓa kɛ?

7. A zɔ̃ɔ̃ kelɛ ii Zihova zuo kpokpo ɓo la lɔkɛamɔ wɛĩ

Ye ɓaa kɛ i yɛlɛtaapia teele e gbɛ̃a zi lɛ i lɔkpɔɔ lɛ a ka Zihova mɔɔ yia, ii lo a zuo ɓoo ɛ̃ɛ̃ ii lo a naa i gbini a lɛɛ toakili ka. Ko Sãã 40:5 gee, ɛ̃ɛ̃ kɛ ko wɛĩlɔɔ e kea yiɓo:

Lua ni lɛ o go Zihova kɛlɛɛ ye kpɛɛ lɛ i a zuo kpokpo ɓo a wɛĩ?

Dɔlelami Zɛlemaya a lɔkɛ Zihova ka ɛ̃ɛ̃ a lewe ka. A ge e li kpokpo ɓo kɛ Zihova tɔ e kɛ a mɔ. A gee: “I lewea lɛ m zogeli wɔ̃ kpokpo ka, ɓii waa i tɔ kã m mɔ, m Daami Zihova Wala.” (Zɛlemaya 15:16) Wɛĩlɔɔ ni o kea yiɓo: