PƐ MƐDÃPIA 48

Ɓɛɛla Kɛ Ɓɛɛlamia Kpeĩ Pie

À DA YƐƁO PÍÉ

Mia o i ɓɛĩ mia kpokpo kaa oo kɛ i ge aa li luo yie ka, ɛ̃ɛ̃ waa i mɛkɛ gaga luo gaa yi. Kɛɛ Baaboa e ko liewe dɔ kelɛ ye wa mi seĩ ka kɛɛ e kɛ ɓɛɛlami kpeĩ ka. A mɔɔ wɔ̃ mɔɔ, zi kpɛɛ lɛ ko bɛi ɓɛɛlamia kpeĩ gɛ̃ɛ a ka? Lɛ gɛ̃ wɛĩlɔɔ ni o kea mɔ.

1. Zi kpɛɛ lɛ ɓɛɛla ɓa kɛɛ pie e toa i mɔ?

Aa kɛɛ koo naa ko kɛ lɛ mia lɛ ko ye ni koo kie baa lɛ ɓe. A pie lɛɛ to ko mɔ, e kɛ bɛ̃ɛ̃ lɛ ko ye ni ko ko kie ba ɛ̃ɛ̃ fããlaa ka. Lɛ zi lɛ Baaboa a gee a kaa, “mi lɛ wa gikã mi o taakiepie kɛɛ lɛɛ lo kɛɛ gikãzɛ, kɛɛ mi lɛ wa yigini mia [lɛ o kelɛ mia lɛ oó Zihova dɔɔ] o taakiepie kɛɛ zo lɛɛ lo daa zizaa yɔɔ.” (Pɔlɔvɛɛ 13:20) Ɓɛɛlamia lɛ o lɔkɛ Zihova ka ɛ̃ɛ̃ lɛ o gbini a lɛɛ, oo bɛi gbũu i mɔ i gãã a ka kɔɛ, ɛ̃ɛ̃ kɛ i yɛlɛtaa kpeĩ kɛ. Kɛɛ ɓɛɛlamia kpokpo lɛ oó gbini Zihova lɛɛ, oo kɛ kɔaa ko ko gbɛ̃ Zihova mɔ. Pɛ e kɛ lɛ Baaboa e ko fããwaa ko ɓɛɛla kɛ ɓɛɛlamia kpeĩ piea lɛ! Ye ko ɓɛɛmia waa kɛ mia lɛ o lɔkɛ Wala kaa kaa, koo gbumɔ sɔlɔɓo ɛ̃ɛ̃ o bɛ̃ɛ̃ waa gbumɔ sɔlɔɓo nɔ kili. Bɛi lɛ ko mɔ ko kɛ ko kie ni fããwaa we geepia ɛ̃ɛ̃ kɔaa gbũ ko kie ni mɔ.”—1 Tɛsalonia 5:11.

2. Zi kpɛɛ lɛ Zihova e mia lɛ i ɓɛɛla kɛ o piea gɛ̃ a ka?

Kɛ Zihova e tĩã mi sii e kɛ a ɓɛɛ kaa lɛɛ a mɛnyɛ. “mia o a ɓɛĩ mia kpokpo kaa, o mia lɛ o wɔ̃ kpeĩ kɛɛ” ka. (Pɔlɔvɛɛ 3:32) Zi kpɛɛ lɛ Zihova a gɛ̃a ye kɔaa mia lɛ oó lɔkɛ aa kaa kɛ ko ɓɛɛmia kaa ka? A zo lɛɛ lo daa zizaa kpokpo ɓo! (Zĩĩ 4:4 gee.) Kɛɛ lɛɛ lo Zihova gelii kpokpo ɓo ye kɔaa ko ko gbɛ̃ ɓɛɛla yɔɔ kɛɛ mɔ, lɛ kɔaa gãã a ka ɛ̃ɛ̃ mia o lɔkɛ a kaa ka kɔɛɛ ka.—Sãã 15:1-4.

A PIE FOO

Pɛ a kɛ kpanazɛ ko ɓɛɛla kɛ mia o kpeĩa pie, ɛ̃ɛ̃ zi lɛ i bɛi ɓɛɛla lɛ e lo gbũu i mɔ ɓa kɛɓe yia kɛɛ a kaa gɛ̃.

3. I zokɛ i die pie yekɛ i ɓɛɛla yɔɔ kɛ

Mia lɛ oó lɔkɛ Wala ka ɛ̃ɛ̃ a zi yiikɔ kaa o ɓɛɛla yɔɔ ka. Ko VILOA gɛ̃, ɛ̃ɛ̃ kɛ ko wɛĩlɔɔ e toa piea yiɓo.

VILO: Zi I Bɛi I Yiɓooa Ɓɛɛla Yɔɔ Mɔɔ Mɛdã (6:17)

Zi kpɛɛ lɛ ko bɛi ɓɛɛla yɔɔ kɛɛa ko tii yi?

Ko 1 Kɔleĩtĩã 15:33 gee, ɛ̃ɛ̃ kɛ ko wɛĩlɔɔ ni o kea yiɓo:

Deĩ lɛ e bɛi kɛɛ ɓɛɛla yɔɔ ka? Ɛɛ̃ mɛɛ wɔ̃ wɛĩ?

Ko Sãã 119:63 gee, ɛ̃ɛ̃ kɛ ko wɛĩlɔɔ e kea yiɓo:

Mɛ a zɔ̃ɔ̃ i lɛɛ kelɛ lɛ ɓɛɛlami kpeĩ ka?

Yili ɓɛɛ vuuazɛ doo lɛɛ yili ɓɛɛ vɔ ye o toa sie. Ye ɓɛɛlami doo kɛwɔ̃ aa kɛ yɔɔ zi kpɛɛ lɛ a pie e toa i mɔ?

4. Mia lɛ ko ye ni ko bɛii wá a kaa oo bɛi kɛɛ ɓɛɛlamia kpeĩ ka

Baaboa e wɔ̃ gee e gbɛ̃a Deɓe wa Zinetɔ̃ o mɔ, gɔ̃ã peelɛɛ o kɛ mɔ Eezɛlɛ. Zinetɔ̃ e kɛ zii e diea Deɓe la ɛ̃ɛ̃ e kɛ sɛlɛ liesimi gbe ka; kɛɛ o kɛ ɓɛɛlamia kpokpo ka. Ko 1 Samio 18:1 gee, ɛ̃ɛ̃ kɛ ko wɛĩlɔɔ e kea yiɓo:

Mɛ e kɛ lɛ ye waa mɔ ko ɓɛɛla kɛ nɔ mia lɛ ko ye ni ko bɛii lɛɛ pie?

Ko Woloma 1:11, 12 gee, ɛ̃ɛ̃ kɛ ko wɛĩlɔɔ e kea yiɓo:

Ɓɛɛlamia lɛ o lɔkɛ Zihova kaa, zi kpɛɛ lɛ o bɛi o kie ni fããwaa ka?

Vilo e kea yia, zi ko leege gɔ̃zɛ doo e ɓɛɛlamia kpeĩ gɛ̃ a ka, lɛ lɛ a zo lɛɛ́ gbaa kɛ a mɔɔ gɛ̃. Ko VILOA gɛ̃, ɛ̃ɛ̃ kɛ ko wɛĩlɔɔ ni lɛ o toa piea yiɓo.

VILO: Ɓɛɛla Naa Lɛ I Zo Waa Mɔɔ Mɔ (5:06)

Viloa yia, mɛ e kɛ lɛ ledũ e kɛ Tɔali mia ni mɔ ɓɛɛla lɛ e kɛ a kɛpia kiikalaa wɛĩ?
Mɛ a mɔɔ naa ɓo ɓɛɛla lɛ e kɛ a kɛpia beĩzɛɛ ka?
Zi kpɛɛ lɛ bɛi e kɛa mɔ yekɛ a zo e da zizaa ye aa kɛ e doo kaa ka?