PƐ MƐDÃPIA 50

Zi Kpɛɛ Lɛ I Kɔpiemia O Bɛi Kɛɛa Gelizɛ?—Kpo 2

À DA YƐƁO PÍÉ

Nɔɔɓe o gbaapɛ lɛ e go Zihova kɛlɛɛ ka. A zo lɛ nɛmia ni mɔ o o zokɛ gbaapɛ e kilia pie e yie ka. Zihova lɛɛ liewe kpanazɛ dɔ nɛmia ni lɛɛ, lɛ e gbũ o mɔ o kɛ kilia. Zeniia, la liewea lɛɛ gbũ nɔɔɓe mɔ kɛɛ wa o mia ni o kɛ gelizɛ.

1. Liewe kpɛɛ lɛ Zihova a dɔ nɛmia ni lɛɛ?

Zihova laa naa nɛmia ni o lɔkɛ wa nɔɔɓe ka, ɛ̃ɛ̃ o luo si waa kɛ o kie ba. Zihova laa naa zeĩ nɛmia ni o o zokɛ wa nɔɔɓe pie yekɛ wɔ̃ yɔɔ e kɛ o ka, ɛ̃ɛ̃ o o kpɔ liewekpo ni lɛ o Baabo yia ka. (Pɔlɔvɛɛ 1:8) A gee nɛyegɔ̃ã lɛɛ: “Ka [ka nɔɔɓe] tolo . . . wɔ̃ kɛzi zɔ̃ɔ̃ o lɛɛ ka ko Daami yi zaa.” (Ifisɔ̃ 6:4 gee.) Zihova ge lɛɛ li ye nɛmia ni waa to zi lɛ a zɔ̃ɔ̃ o lɛɛ pie wa nɛ tolo yi ɛ̃ɛ̃ lɛ oó yɛɓo e kilia kpɔ mi gbɛɛ kɔlaa ka.

2. Liewe kpɛɛ lɛ Zihova a dɔ nɔɔɓe lɛɛ?

Zihova a gee nɔɔɓe lɛɛ: “Ka bɛ̃ɛ̃ ka wɔ̃ ma ka mia ni we la.” (Kɔlɔsĩã 3:20 gee.) Ye nɔɔɓe waa o mia ni ɓɛlɛya ɛ̃ɛ̃ lɛ waa o we kɛɛ, lɛɛ Zihova geli ɛ̃ɛ̃ lɛɛ o mia ni bɛ̃ɛ̃ geli. (Pɔlɔvɛɛ 23:22-25) Zizɛ e wɔ̃ gɔ̃ã kpeĩ to lɛ e kɛ nɛfu kaa ka. Ye bɛ̃ɛ̃ lɛ niɓo lɛɛ́ gbaa kɛ a yia, e e mia ni we kɛ ɛ̃ɛ̃ e o ɓɛlɛya.—Luu 2:51, 52.

3. Zi kpɛɛ lɛ ka i kɔpiemia ka bɛi nyɔɔa Wala ka kɔɛ?

E kɛa i nɛ mii kaa, koo yidɔ ɓaa naa Zihova lɔ e kpɔ ɓa nɔɔɓe mɔ lɛ zi ɓaa kaa lɛ ɓe. Zi kpɛɛ lɛ i bɛi wɔ̃ e kea kɛɛa? Ye ɓaa kɛ wɔ̃ lɛ Baabo a geea kɛpiaa ka: “Laa mɔ i Zihova lewe zɔ̃ɔ̃ ɓa nɔɔɓe lɛɛ teele ɛ̃ɛ̃ ɓaa gee o lɛɛ ye ɓaa kɛ yaa i piekɛi ɛ̃ɛ̃ ye ɓaa kɛ taapia zi piea ka.” (Ditɔlɔnɔme 6:7) Kɛ i “pɛzɔ̃ɔ̃ɔ” a yi lɛ e kelɛ, i pɛzɔ̃ɔ̃ ɓaa gbɛ̃ i mɛi ɓaa zɔ̃ɔ̃. Ɓaa yidɔ laa mɔ i wɔ̃ gee ɓa nɔɔɓe lɛɛ ɛ̃ɛ̃ i gbɛ̃ i mɛi ɓaa gee kɛ e to o yɛlɛpie. Baaboa lonipia e kea laa zɔ̃ɔ̃ kelɛ laa mɔ i kɛ luo naapia teele ɓaa wɔ̃ gee ɓa nɔɔɓe lɛɛ e gbɛ̃a Zihova mɔ. Lɛ sɛ ka i piekɛimia seĩ ka luo do si lɔɔ yi kaa Wala lewe mɛdã ka kie ba. E kɛa nɔɔɓe wa i kɛlɛɛ, lɛɛ lo gbũu i mɔ ye ɓaa kɛ luo sipia lɔɔ yi ɓaa Wala lewe mɛdãa ka.

A PIE FOO

Wɔ̃ ni lɛ o bɛi gbũu ka i kɔpiemia mɔ ka ya ka yɔlɔyɔlɔ kii yi ɛ̃ɛ̃ ka kɛ gelizɛɛ gɛ̃.

4. Ɓa nɔɔɓe kpɔ lɔkɛamɔ ka

Nɛ kpɔɔ lɛɛ bɛi kɛɛ wɔ̃ gaga ka. Zi kpɛɛ lɛ Baaboa e bɛi gbumɔ nɔɔa? Ko Zĩĩ 1:19, 20 gee, ɛ̃ɛ̃ kɛ ko wɛĩlɔɔ ni o kea yiɓo:

Zi kpɛɛ lɛ nɛmia ni o bɛi lɔkɛamɔ zɔ̃ɔ̃a wa nɔɔɓe lɛɛ ye waa kɛ wɔ̃ geepia o lɛɛ ka?
Mɛ e kɛ lɛ ye waa mɔ nɛmia ni o wa nɔɔɓe kpɔ ye wɔ̃ aa kɛ o waapiaa ka?

5. I zokɛ ɓa nɔɔɓe pie

Kɛ i i zokɛ ɓa nɔɔɓe piea, lɛ kpanazɛ kɛ i wɔ̃ gee o lɛɛ e gbɛ̃a lee wa gɔ̃ wɔ̃ kɛɛ mɔ. Wɔ̃ e kea lɛɛ bɛi kɛɛ fɔ̃ãfɔ̃ãzɛ. Ko VILOA gɛ̃, ɛ̃ɛ̃ kɛ ko wɛĩlɔɔ ni lɛ o toa piea yiɓo.

VILO: I Zokɛ Ɓa Nɔɔɓe Pie Wɔ̃ Yɔɔ Wɛĩ (2:58)

Mɛ e kɛ lɛ lɛ gaga kɛ nɛmia ni do o wɔ̃ gee wa nɔɔɓe lɛɛ e gbɛ̃a lee wa gɔ̃ wɔ̃ kɛɛ mɔ?
Zi kpɛɛ lɛ nɛmia ni do waa lee wa gɔ̃ wɔ̃ kɛɛ yiɓoa wa nɔɔɓe lɛɛ?

Lɛ zi Baabo a gee mɔ a kaa, Setɔ̃ aa kɛ wɔ̃ yɔɔ kɛɛ la lɛ kpɔpia kpoula zee teele. Ko 2 Temɔte 3:1, 13 gee, ɛ̃ɛ̃ kɛ ko wɛĩlɔɔ e kea yiɓo:

Kɛpɛ yɔɔ kɛmia lɛ a lonipia 13 e wɔ̃ gee e gbɛ̃a o mɔɔ, o do oo sɔɔ yɔɔ ɓo nɔɔɓe ka. A mɔɔ wɔ̃ mɔɔ, mɛ e kɛ lɛ lɛ kpanazɛ kɛ nɛmia ni o pɛzɔ̃ɔ̃ wa nɔɔɓe lɛɛ e gbɛ̃a lee wa gɔ̃ wɔ̃ kɛɛ mɔ, ɛ̃ɛ̃ zi kpɛɛ lɛ o bɛi o zokɛɛa o die pie wɔ̃ yɔɔ kɛmia wɛĩ?

Ɓaa yidɔ?

Zihova la Kelavɔ oo pɛzɔ̃ɔ̃pɔɔ bunuzɛ kɛ, lɛ e gbũ nɛmia ni mɔ kɛɛ o pɛzɔ̃ɔ̃ wa nɔɔɓe lɛɛ e gbɛ̃a lee wa gɔ̃ wɔ̃ kɛɛ mɔɔ. Ɛɛ̃ lɛɛ gbũ o mɔ yekɛ mia o wɔ̃ yɔɔ kɛ o ka. A gɔ̃ã ni o kea gɛ̃:

I Zokɛ Ɓa Nɔɔɓe Pie (vilo)
Pɛ Mɛdã Pɛzɔ̃ɔ̃mi Kpanazɛ Kɛlɛɛ, wekpo 10 wa 32
“Pɛzɔ̃ɔ̃ Ɓa Nɔɔɓe Lɛɛ E Gbɛ̃a Lee Wa Gɔ̃ Wɔ̃ Kɛɛ Mɔ” (Ya Nyiɛ! Nɔ. 5 2016)

6. I mia ni ɓɛlɛya

Nɔɔɓe ɛ̃ɛ̃ mia dɛɛ oo ɓɛlɛya zɔ̃ɔ̃ o mia ni lɛɛ zi lɛ o wɔ̃ gee a ka o mia ni lɛɛ ka. Ko VILOA gɛ̃, ɛ̃ɛ̃ kɛ ko wɛĩlɔɔ ni lɛ o toa piea yiɓo.

VILO: Zi Kpɛɛ Lɛ M Bɛi Wɔ̃ Geee A Ka M Mia Ni Lɛɛ? (2:19)

Mɛ e kɛ lɛ lɛ kpanazɛ kɛ mi dɛɛ e wɔ̃ gee ɓɛlɛya ka e mia ni lɛɛ?
Zi kpɛɛ lɛ mi dɛɛ e bɛi wɔ̃ geee a ka e mia ni lɛɛ, lɛ a zɔ̃ɔ̃ kelɛ lɛɛ o ɓɛlɛya?

Ko Pɔlɔvɛɛ 1:8 gee, ɛ̃ɛ̃ kɛ ko wɛĩlɔɔ e kea yiɓo:

Zi kpɛɛ lɛ laa mɔ mi dɛɛ e wɔ̃ kɛ a ka ye a mia ni waa zi zɔ̃ɔ̃ a lɛɛ ka?

7. Ka i kɔpiemia ka Zihova lewe mɛdã ka kie ba

Kɔpiemia lɛ o Zihova la Kelavɔ kaa, oo luo doo si lɔɔ seĩ yi waa gbini Zihova lɛɛ o kie ba. Zi kpɛɛ lɛ kɛimia o bɛi wa gbiniwalalɛɛ e kilia kɛɛ a ka? Ko VILOA gɛ̃, ɛ̃ɛ̃ kɛ ko wɛĩlɔɔ ni lɛ o toa piea yiɓo.

VILO: Kɛimia Wa Gbiniwalalɛɛ—Wɔ̃ A Kɛɛ Kɛ Gagaa wa Wɔ̃ Yie E Goa Kololaa (8:04)

Zi kpɛɛ lɛ kɔpiemia o bɛi kɛɛ wa kɛimia wa gbiniwalalɛɛ wɔ̃yakielezɛɛ kɛpia ka teele?
Mɛɛ wɔ̃ lɛ nɛmia ni o bɛi a kɛɛ kɛ wa kɛimia wa gbiniwalalɛɛ e gbũ o mɔ ɛ̃ɛ̃ e kɛ gelizɛ?—Pɛbĩĩ lɛ e pɛ mɛdãpia e kea gã gbɛ̃piaa gɛ̃.
Mɛ e bɛia kɛɛ gaga kɛ ka pɛ mɛdã ka kie ba?

Mɔ Eezɛlɛɛ, Zihova a naa kɛimia o kɛ wɔ̃ geepia teele e gbɛ̃a a Lewea mɔ. Ko Ditɔlɔnɔme 6:6, 7 gee, ɛ̃ɛ̃ kɛ ko wɛĩlɔɔ e kea yiɓo:

Zi kpɛɛ lɛ i bɛi tooa liewe e kea pie?

Wɔ̃ ni lɛ ka bɛi a kɛɛ ka kɛimia wa gbiniwalalɛɛ kɛpiaa:

Kaa bɛi ka die pɛkɛɛ nukiela mɔɔ pakiemɔ nia wɛĩ.
Kaa bɛi Baaboa lɛ do geee ɛ̃ɛ̃ kaa wɔ̃ gee e gbɛ̃a mɔ, lɛ ka i piekɛimia ka bɛi a nyɔɔ siia.
E kɛa nɔɔɓe o ka kɛlɛɛ, kaa bɛi wɔ̃ gbɛɛ gbɛɛ lɛ a yaa lɛ e kie mɔ jw.org laa kɛɛ.
E kɛa mia dɛɛ o ka kɛlɛɛ, ka wɔ̃ gee e gbɛ̃a wɛĩlɔɔ lɛ mia dɛɛ o kɛɛ mɔ, jw.org la.
Ka ɓa nɔɔɓe kaa bɛi wɔ̃ lɛ Baabo e wɔ̃ gee e gbɛ̃a mɔɔ piegɔ̃ɔ.
Ka vilo ni lɛ o jw.org laa gɛ̃ ɛ̃ɛ̃ ka wɔ̃ gee e gbɛ̃a mɔ.