Lɛ Zihova e ko kɛɛ, e gbaapɛ kpanazɛ nɔ ko lɛɛ​—lɛ e yikɛgaa e ko kɛlɛ ko weea kaa. Kea zi ko gbaapɛ e kilia daa yɛɓo piea kpaa lɛ a mɔ? Mm̀, a kpaa lɛ a mɔ kpokpo ɓo! (Zĩĩ 1:​26 gee.) A mɔɔ wɔ̃ mɔɔ, zi kpɛɛ lɛ ko bɛi yikɛgaa lɛ e ko kɛlɛ ko weea daa yɛɓo pie Zihova zoda zi pie?

1. Zi kpɛɛ lɛ ko bɛi gbaapɛ lɛ Zihova a nɔ ko lɛɛ daa yɛɓo pie e kpeĩ ka?

Baaboa laa gee ko lɛɛ, “ka ka kie ni fããwaa we gee, ɛ̃ɛ̃ ka gbũ ka kie ni mɔ.” (1 Tɛsalonia 5:​11) Kea ii mia do dɔ, lɛ laa mɔ o o fããwaa we geea? Mɛɛ wɔ̃ lɛ i bɛia kɛɛ kɛ i gbũ o mɔ? A kɛ o yidɔ kelɛ ii kpaa o wɛĩ. Ii bɛi wɔ̃ yie yie ni lɛ o kɛɛ do geee o lɛɛ. Kea ii bɛi i yɛlɛtaa Baabo lɛdo ka lɛ e bɛi mido lɛ ɓa dɔɔ fããwaa? Baaboa lɛ bunuzɛ lɛ ɓe lɛ i bɛi a siia. A yidɔ kelɛ, zi i wɔ̃ gee a kaa lɛɛ mia ye o toa fããwaa kpokpo ɓo, we ni lɛ ɓa geea ka. A mɔɔ wɔ̃ mɔɔ, laa mɔ i wɔ̃ gee kpolokpɔmɔ wa zoyage ka.​—Pɔlɔvɛɛ 15:1.

2. Wee kpɛɛ lɛ ye waa mɔ e go ko le?

Baaboa laa gee: “Yekɛ ka wee yɔɔ gee.” (Ifisɔ̃ 4:​29 gee.) A yi lɛ e kelɛ koó wee lilikũãzɛ gee, ɛ̃ɛ̃ koó maawe yɔɔ lɛ e lo laa mido mɔɔ gee. Laa mɔ zeĩ ko ko yiɓo geeɓo wa waakili kɛɛ mɔ.​—Pɔlɔvɛɛ 16:​28 gee.

3. Mɛ e lo gbũu ko mɔ ko mia fããwaa we gee?

Teelea, wɔ̃ ko geea lɛɛ wɔ̃ e ko zo pie, lɛ ko ko yɛlɛtaapia yia zɔ̃ɔ̃ mia ye o toa lɛɛ. (Luu 6:​45) A mɔɔ wɔ̃ mɔɔ, laa mɔ ko yɛlɛtaa yiwɔ̃ e kɛ wɔ̃ lɛ lɛ kpeĩa ka, wɔ̃ lɛ kɛɛ wáa mɔɔ ka, wɔ̃ lɛ a lii lɛ mia lɛɛ ka, ɛ̃ɛ̃ wɔ̃ lɛ lɛ wɔ̃ ɓɛlɛ ɓɛlɛzɛɛ kaa ka. (Felepĩã 4:8) Kɛ ko ko yɛlɛ kɛ wɔ̃ nia piea, laa mɔ ko kɛ gikããzɛ geli wa kpɛɛyɛ wɔ̃, ɛ̃ɛ̃ ɓɛɛla kɛɛ yi. (Pɔlɔvɛɛ 13:​20) Lɛɛ gbũ ko mɔ kpokpo ɓo ye kɔaa ko yɛlɛtaa wɔ̃ ko lo a geea yi kɛɛ ko tĩã weea ka. I yɛlɛtaa wɔ̃ i loa geea, wa zi mia ye o toa o loa gɛ̃ɛ a kaa yi. Baaboa laa gee: “Wee yɔɔ gee mi lɛɛ, lɛ kelɛ gelegɔ̃ laa lɛ e mia gĩĩa lɛ ɓe, kɛɛ mi lɛ e wɔ̃ gee gikã kaa, a lewe lɛ kelɛ nyiɛ lɛ ɓe lɛ e ɓa wũ zɛɛ.”​—Pɔlɔvɛɛ 12:​18.

 A PIE FOO

4. I i nana kũtãã zi dɔ

Luo gbũu kaa, koo wɔ̃ gee lɛ e ko zoda zizaaa. (Zĩĩ 3:2) Ko Gɛlesia 5:​22, 23 gee, ɛ̃ɛ̃ kɛ ko wɛĩlɔɔ ni o kea yiɓo:

• Yiikɔ ni lɛ o kea a ye kpɛɛ lɛ i bɛi sɛnɛɓoo a wɛĩ kɛ i i nana kũtãã zi dɔ? Zi kpɛɛ lɛ yiikɔ nia e bɛi gbũa i mɔ?

Ko 1 Kɔleĩtĩã 15:​33 gee, ɛ̃ɛ̃ kɛ ko wɛĩlɔɔ e kea yiɓo:

• Zi kpɛɛ lɛ i ɓɛɛmia ɛ̃ɛ̃ geli wa kpɛɛyɛ wɔ̃ ɓa kɛɛ pie e bɛi tooa i wee kɔ mɔ?

Ko Ikilisiase 3:​1, 7 gee, ɛ̃ɛ̃ kɛ ko wɛĩlɔɔ e kea yiɓo:

• Luo kpɛɛ lɛ e lo kɛɛa gikãzɛ kɛɛ i i lɛa ga, ɛ̃ɛ̃ luo kpɛɛ lɛ e lo kɛɛa sɛ kɛɛ i wɔ̃ do gee?

 5. Wɔ̃ kpeĩ gee e gbɛ̃a mia ye o toa mɔ

6. Kɛ kpolokpɔmɔzɛ ye ɓaa kɛ weepia i piekɛimia piea ka

 WƆ̃Ɔ WŨ

Wɔ̃ ko geea lɛɛ bɛi gbũu mia mɔ ɛ̃ɛ̃ lɛɛ bɛi o waaa. A mɔɔ wɔ̃ mɔɔ, laa mɔ ko ko yɛlɛtaa kpokpo ɓo wɔ̃ ko lo a geee, luo ko lo a geee a ka, ɛ̃ɛ̃ zi ko lo a geee a kaa yi.

Zovuo Wɔ̃

• Zi kpɛɛ lɛ i bɛi wɔ̃ geee a ka kɛ e gbũ mia ye o toa mɔ?

• Wɔ̃ gee kɔ kpɛɛ lɛ ɓa naa i i yiɓo a mɔ?

• Mɛɛ wɔ̃ lɛ e bɛi gbũu ko mɔ teele ko kɛ kpolokpɔmɔzɛ ɛ̃ɛ̃ ko gbũ mia ye o toa mɔ ko zi wɔ̃ geee yi?