Ko seĩ koo ko zɔ̃ɔ̃ si zi lɛ ko naa ko ko mɛsi a kaa wɛĩ. Ye kɔaa to liewekpo ni lɛ o Baabo yia piea, koo lo sɔ lɛ ko naa ka ɛ̃ɛ̃ lɛ e Zihova zodaa daa ko mɔ. Kɔa lɛ gɛ̃ liewekpo nia do mɔ.

1. Liewekpo kpɛɛ lɛ laa mɔ ko toa pie ye aa nu ko sɔ wa ko mɛsikɔ mɔɔ ka?

Laa mɔ ko ko “mɛyele e yie ka, kɛɛ [ko] mɛyelekɔ e kilia e kɛ gikãzɛ, kɛ [ko ko] mɛsi ko mɛsi zi pie,” ɛ̃ɛ̃ ko mɛsikɔɔ e kɛ kpeĩ kɛ a zɔ̃ɔ̃ kelɛ koo “gbini Wala lɛɛ.” (1 Temɔte 2:​9, 10) Lɛ gɛ̃ liewekpo yiisɛ ni o kea mɔ: (1) Laa mɔ ko ko “mɛyele e yie ka.” Lɛ zi lɛ ɓaa gɛ̃a nukiela mɔɔ pakiemɔ nia yia, sɔ lɛ Zihova la mia ni o naa kaa lɛ gbɛɛ gbɛɛ, kɛɛ sɔ ko da ko mɔɔ wa ko wĩĩ-wũ bɛi kɔɔ, laa zɔ̃ɔ̃ kelɛ koo ɓɛlɛya nɔ Wala lɛ ko gbini a lɛɛ lɛɛ. (2) Ye kɔaa sɔ da ko “mɛsi zi piea,” koó lo sɔ lɛ e loa kɛɛ kɛ mia o o yɛlɛtaa yɔɔ e gbɛ̃a ko mɔɔ daa ko mɔ, ɛ̃ɛ̃ kɛ mia nyiɛ e lo ko la. (3) Koo zɔ̃ɔ̃ kelɛ ko “gikãzɛ,” ye koó to sɔkãkɔ wa mia mɛsikɔ dɛɛ nɔɔfe lɛ e ɓɔɔ piea ka. (4) Laa mɔ ko mɛsikɔɔ a zɔ̃ɔ̃ teele kelɛ ko mia “lɛ o gee oo gbini Wala lɛɛ” ka, kɛ mia ye o toa o yidɔ kelɛ koo gbini Wala wanazɛ ɓɛ lɛɛ.​—1 Kɔleĩtĩã 10:​31.

2. Zi kpɛɛ lɛ ko mɛsikɔ pie e bɛi tooa ko leege vɔ mɔ?

Lɛ wana ka kelɛ koo bɛi sɔ nɔɔfe ko naa kaa daa ko mɔ, kɛɛ laa mɔ ko ko yɛlɛtaa zi lɛ a pie e lo tooa mia ye o toa mɔɔ ka. Koo dɔ gaga yekɛ ko mi nɔɔfe wàa wɔ̃ kɛ. “Kɛɛ lɛ sɛ kɔa seĩ kɔa wɔ̃ lɛ e lo kɔa leege zodaa, ɛ̃ɛ̃ lɛ e a dietĩ la wɔ̃ yie kaa kɛ, kɛɛ e a mɛkɛ gaga.”​—Woloma 15:​1, 2 gee.

3. Zi kpɛɛ lɛ ko mɛsikɔ e bɛi mia ye o toa zo siia kɛ o nu wanawɔ̃ɔ yi?

Ye bɛ̃ɛ̃ lɛ ko dɔ gaa ko ko mɛsi e yie ka teelea, ko yɛlɛ lɛ kpokpo ɓo sɔ lɛ ko da ko mɔɔ pie ye kɔaa kɛ lopia nukiela mɔɔ pakiemɔɔ yi, ɛ̃ɛ̃ wɔ̃laũ yie geepiaa ka. Koó naa ka kɛɛ ko mɛsikɔ a kɛ mia yɛlɛ e go wɔ̃laũ kpanazɛ lɛ ko geea pie. Kɛɛ, ko mɛsikɔ laa kɛ to wanawɔ̃ɔ aa mia ye o toa zo si ɛ̃ɛ̃ lɛɛ “wɔ̃ yie gee pɛzɔ̃ɔ̃kɔ lɛ a gbɛ̃ɛ̃ lɛ ko Lami Wala mɔɔ gbĩ mɔ.”​—Tatɔ 2:​10.

 A PIE FOO

4. Ye ko mɛsikɔ aa kɛ kpeĩa lɛɛ Zihova ɓɛlɛya

Mɛ a kɛ kpanazɛ koo yɛlɛ kɛ ko mɛsikɔ pie? Ko Sãã 47:2 gee, ɛ̃ɛ̃ kɛ ko wɛĩlɔɔ ni o kea yiɓo:

• Ko kɛ Zihova laa mia ni kaa, zi kpɛɛ lɛ a pie e toa ko mɛsikɔ mɔ?

• Kea lɛ sɛ ko yɛlɛ e kɛ ko mɛsikɔ pie ye kɔaa kɛ lopia pakiemɔ yi ɛ̃ɛ̃ wɔ̃laũ yie geepiaa ka? Mɛɛ wɔ̃ wɛĩ?

 5. Zi lɛ ko bɛi sɔ wa zi lɛ ko naa ko kɛ a kaa dɔɔa e kpeĩ kaa

Ko VILOA gɛ̃.

Ko sɔ sɔ̃ɔ̃ e kɛ gbuoo ɛ̃ɛ̃ peetĩo laa mɔ ko pɛlɛ e ɓɔ ɛ̃ɛ̃ ko ko mɛsi e yie ka lɛ nɔɔfe lɛ ko yia mɔ. Ko 1 Kɔleĩtĩã 10:​24 wa 1 Temɔte 2:​9, 10 gee. Ye aa kɛɛ, koo lo wɔ̃ geee e gbɛ̃a pɛ e kɛ lɛ ye waa mɔ ko sɔ ni o kea da ko mɔɔ mɔ . . .

• sɔ lɛ a pɛkɛɛ wa, ɛ̃ɛ̃ lɛ ye wa a da luo kaa

• sɔ lɛ e mia kũ kpɛ̃ĩ lɛ mia nyiɛ e die a yia, wa a kpuu kpuu ni lɛ e mia kpãã zɔ̃ɔ̃

Ye bɛ̃ɛ̃ lɛ Tokɛlɛipiemia wá Mooze la lɔɔɔ wia, koo bɛi wɔ̃ mɛdãa a kolola e gbɛ̃a zi Zihova e e yɛlɛtaa kaa mɔ. Ko Ditɔlɔnɔme 22:5 gee, ɛ̃ɛ̃ kɛ ko wɛĩlɔɔ e kea yiɓo:

• Mɛ e kɛ lɛ ye waa mɔ ko ko mɛsi sɔ lɛ e gɔ̃ kɛ lɛ lee lɛ ɓe, ɛ̃ɛ̃ lee kɛ lɛ gɔ̃ lɛ ɓea da ko mɔ?

Ko 1 Kɔleĩtĩã 10:​32, 33 wa 1 Zɔ̃ɔ̃ 2:​15, 16 gee, ɛ̃ɛ̃ kɛ ko wɛĩlɔɔ ni o kea yiɓo:

• Mɛ e kɛ lɛ laa mɔ ko kpaa, e kɛa ko mɛsikɔɔ lɛɛ mido wàa lɛ kɔa mɔɔ mɔ ɛ̃ɛ̃ nukielaa yia?

• Zi kpɛɛ lɛ mia o o mɛsia lɛ ɓaa mɔɔ mɔ?

• Baa i yɛlɛtaaa, sɔ nia do lɛ yi lɛ ye wa sɛ Tokɛlɛipiemia wɛĩa? Mɛɛ wɔ̃ wɛĩ?

 WƆ̃Ɔ WŨ

Ye ko mɛsikɔ aa kɛ kpeĩa lɛɛ ɓɛlɛya nɔ Zihova lɛɛ, ɛ̃ɛ̃ mia ye o toa lɛɛ.

Zovuo Wɔ̃

• Mɛ e kɛ lɛ ko sɔ wa ko mɛsikɔ lɛ kpanazɛ Zihova lɛɛ?

• Liewekpo kpɛɛ lɛ laa mɔ ko toa pie ye aa nu ko sɔ wa ko mɛsikɔ mɔɔ ka?

• Zi kpɛɛ lɛ ko mɛsikɔ pie e bɛi tooa zi lɛ mia ye o toa, o gbini Wala lɛɛ kɔ wanazɛ gɛ̃ a kaa mɔ?