PƐ MƐDÃPIA 60

Kɛ Ɓɛɛla Lɛ E Ka Zihova Ka Fĩãa Mɛkɛpia Gaga Teele

À DA YƐƁO PÍÉ

Ɓaa wɔ̃ bunuzɛ mɛdã e gbɛ̃a Zihova mɔ kii e kea yi. Wɔ̃ ɓaa mɛdãa, aa kɛ Zihova lɔ aa kpɔ i mɔ kpokpo ɓo, lɛ ɓa mɔɔ i dienɔ ɓo a lɛɛ, lɛ o i batai kɛɛ. E kɛa ye wa kilia, i leĩ i yɛlɛtaapia ɓa kɛ kili. I batai kɛɛ wá ɓa pɛ mɛdãa teala ka. Ii bɛi kɛɛ ɓɛɛla lɛ e ka Zihova ka fĩãa mɛkɛpia gaga teele. Zi kpɛɛ ka?

1. Mɛ e kɛ lɛ laa mɔ i kɛ ɓɛɛla lɛ e ka Zihova ka fĩãa mɛkɛpia gaga teele?

Laa mɔ ko yɛɓo kɛ gaga, ko ɓɛɛla lɛ e ko Zihova ni ko fĩãa mɛkɛ gaga teele. Mɛɛ wɔ̃ wɛĩ? “Yekɛ pɛ nɔɔfe e ko ɓo zi mɔ” ko go a pie. (Hiibulu 2:1) Mɛɛ wɔ̃ lɛ e bɛi gbũu ko mɔ ko ko zodɔ Zihova mɔ ɛ̃ɛ̃ ko gbini a lɛɛ teele? Koo bɛi kɛɛ wɔ̃laũ yie gee yɛɓoa kɛpia teele, ɛ̃ɛ̃ kɔaa zi gbɛɛ gbɛɛ naa kɛ ko gbini ko Wala lɛɛ kpokpo ɓo. (Felepĩã 3:16 gee.) Gbini Zihova lɛɛ lɛ kɛɓe kɛ zi kpeĩ ka!—Sãã 84:10.

2. Mɛɛ wɔ̃ gbɛɛ lɛ laa mɔ i kɛ a kɛpia?

Ye bɛ̃ɛ̃ lɛ i nyɛpia Baabo mɛdã kii e kea mɔɔ, ii lo kɛɛ Tokɛlɛipiemi ka teele. Baaboa laa gee “lɛ a mɔ ka mi dɛɛ lɛ kaa kɛ gbaa a kaa, da ka mɔ.” (Ifisɔ̃ 4:23, 24) Ye ɓaa kɛ Wala Lewe mɛdãpia teele ɛ̃ɛ̃ ɓaa lo nukiela mɔɔ pakiemɔ nia yia, ii lo wɔ̃ dɛɛ mɛdãa e gbɛ̃a Zihova mɔ ɛ̃ɛ̃ a zi yiikɔ nia mɔ. Zi gbɛɛ gbɛɛ naa i to a zi yiikɔ nia pie kpokpo ɓo ɓa kɛɓe yi. I kɛ wɔ̃ nɔɔfe lɛ laa mɔ ɓa mɛvɔɔ ɓa kɛɓe yia kɛpia teele kɛ i Zihova geli.

3. Zi kpɛɛ lɛ Zihova e lo gbũua i mɔ kɛ i faa ɓa Wala wɔ̃ kɛɛ yi?

Baaboa laa gee: “Wala . . . die lɛɛ lo a kɛɛ to ka mɛ e kpala fɛfɛ le. Ɛɛ̃ lɛɛ lo ka wɛlɛ daa ka yi aa yikɛgaa nɔ ka lɛɛ, to aa kɛ ka gã aa tãã kũ.” (1 Pilɛ 5:10) Yidãwɔ̃ lɛɛ ɓɔ ko seĩ ko la. Kɛɛ Zihova lɛɛ pɛ laa mɔ ko sɔlɔɓoa nɔ ko lɛɛ kɛ ko mɛ e kɛ gaga. (Sãã 139:23, 24) A gee kelɛ lɛɛ lo a kɛlɔ wa yikɛgaa nɔɔ i lɛɛ kɛ i gbini a lɛɛ zodɔamɔ ka.—Felepĩã 2:13 gee.

A PIE FOO

Zi i bɛi faa a ka ɓa Wala wɔ̃ kɛɛ yi teele, ɛ̃ɛ̃ zi lɛ Zihova e lo lua kpɔɔa i mɔɔ gɛ̃.

4. I kɛ wɔ̃ geepia ɓaa i too dɔ mi lɛ lɛ i ɓɛɛ die kpokpo kaa mɔ

Sɛnɛɓoo wa Baabo mɛdãa aa gbũ i mɔ i kɛ Zihova ɓɛɛ ka. Zi kpɛɛ lɛ wɔ̃ nia kɛɛ e bɛi gbũua i mɔ kɛ i nyɔɔ kpokpo ɓo a ka kɔɛ?

Ko Sãã 62:8 gee, ɛ̃ɛ̃ kɛ ko wɛĩlɔɔ e kea yiɓo:

Kɛ i ɓɛɛla lɛ e ka Zihova ka fĩãa mɛkɛ gagaa, zi kpɛɛ lɛ i bɛi ɓa sɛnɛɓo kɔ mɛvɔɔ a ka ɛ̃ɛ̃ mɛɛ wɔ̃ lɛ i bɛia geee a lɛɛ?

Ko Sãã 1:2 wa a gãwikiia gee, ɛ̃ɛ̃ kɛ ko wɛĩlɔɔ e kea yiɓo:

Kɛ i ɓɛɛla lɛ e ka Zihova ka fĩãa mɛkɛ gagaa, zi kpɛɛ lɛ i bɛi gbumɔ sɔlɔɓooa ɓa Baabo geee yi?

Mɛɛ wɔ̃ lɛ i bɛia kɛɛ kɛ i gbumɔ kpokpo sɔlɔɓo ɓa Baabo mɛdã i doo lɛpia? Kɛ ko a kɛzi do gɛ̃ɛ, ko VILOA gɛ̃, ɛ̃ɛ̃ kɛ ko wɛĩlɔɔ ni lɛ o toa piea yiɓo.

VILO: I Mɛ E Kpala Ɓa Baabo Mɛdã I Doo Lɛpia (5:22)

Wɔ̃ ni lɛ wa zɔ̃ɔ̃ viloa yia ye kpɛɛ lɛ i loa naa i toa pie?
Mɛɛ wɔ̃ lɛ i loa naa kɛ i pɛ mɛdã e gbɛ̃a mɔ?

5. Wala wɔ̃ nia do ya i ge ɓa kɛ

Wɔ̃ ni lɛ ɓaa ya i ge ɓa kɛ gbini Zihova lɛɛ yia, lɛɛ lo gbũu i mɔ kɛ i faa ɓa Wala wɔ̃ kɛɛ yi teele. Ko VILOA gɛ̃, ɛ̃ɛ̃ kɛ ko wɛĩlɔɔ e toa piea yiɓo.

VILO: Kɛɓe Kɛzi Kpeĩ Nɔ E Ɓea (3:31)

Viloa yia, zi kpɛɛ lɛ Diepɛ e gbumɔ sɔlɔɓoa lɛ e Wala wɔ̃ nia do ya e ge a kɛɛ ka?

Ye wa mia seĩ ka kɛɛ o lo sɛlɛ gbɛɛ yi o wɔ̃laũ yiea gee. E kɛ bɛ̃ɛ̃ kilia, koo bɛi wɔ̃ kpeĩ yaa ko ge ko kɛ. Ko Pɔlɔvɛɛ 21:5 gee, ɛ̃ɛ̃ kɛ ko lɛ gɛ̃ wɔ̃ ni lɛ i bɛia yaa i ge ɓa kɛɛ mɔ . . .

nukielaa yi
wɔ̃laũ yiea geepia

Zi kpɛɛ lɛ liewe e a lonipiaa yia e gbũa i mɔ i wɔ̃ ni lɛ ɓaa ya i ge ɓa kɛɛ kɛ?

Wɔ̃ ni lɛ i bɛia yaa i ge ɓa kɛɛ gɛ̃

I mɛ e kpala ɓa sɛnɛɓoo yi.
I Baaboa gee i nyɛ a mɔ.
I dɔ gaa i mia seĩ lɛ o ɓa nukiela yia dɔ.
I Baabo zɔ̃ɔ̃ mia lɛɛ zigbɛ̃ ɛ̃ɛ̃ i kɛ a kɛpia.
I kɛ gbũpaaniɛmɔmi ɛ̃ɛ̃ paaniɛ ka.
E kɛa i gɔ̃ kaa, i dɔ gaa i kɛ gbũwalamiamɔmi ka.

6. Ii bɛi kɛɛ gelizɛ toakili ka

Ko Sãã 22:26 gee, ɛ̃ɛ̃ kɛ ko wɛĩlɔɔ e kea yiɓo:

Mɛɛ wɔ̃ lɛ i bɛia kɛɛ kɛ i kɛ gelizɛ dɛɛ ka ɛ̃ɛ̃ toakili ka?

WƆ̃Ɔ WŨ

I kɛ ɓɛɛla lɛ e ka Zihova ka fĩãa mɛkɛpia gaga teele ɛ̃ɛ̃ i Wala wɔ̃ ya i ge ɓa kɛ. Ye aa kɛɛ ii lo kɛɛ gelizɛ toakili ka!

Zovuo Wɔ̃

Mɛ e kɛ lɛ ɓa gɛ̃ wana ka kelɛ Zihova lɛɛ lo gbũu i mɔ i kɛ zodɔamɔzɛ gbini a lɛɛ yi?
Zi kpɛɛ lɛ i bɛi ɓɛɛla lɛ e ka Zihova ka fĩãa mɛkɛɛa gaga?
Zi kpɛɛ lɛ Wala wɔ̃ ya i ge ɓa kɛɛ e lo gbũua i mɔ i faa?

M nyɛ Baabo mɛdãa e kea mɔ:

Wɔ̃ I Bɛia Kɛɛ Lie Zaaa

I kii ni o kea gee, “Nyɔɔ Zihova Ka Kɔɛ” wa “Nu I Kɛ M Toapiemi Ka.” Kii ni o kea oo lo gbũu i mɔ i kɛ faapia ɓa Wala wɔ̃ kɛɛ yi ɛ̃ɛ̃ i nyɔɔ i lɛi Daa wa e Gbe o ka kɔɛ.