Zihova la Kela vɔɔ wɛɛɛ lɛ i o dɔ? Ko do koo bɛi kɛɛ i yasɔnɔmia ka, i ɓɛĩ yɛɓo kɛ mia ka, ɛ̃ɛ̃ i ɓɛĩ kii kɛi mia ka. Ɛɛ̃ kɔa ɓi ni kɔaa wɔ̃ gee do leĩ e gbɛ̃a Baabo mɔ. Deĩ kpokpo lɛ e ko ka, ɛ̃ɛ̃ mɛ ko mɔɔ wɔ̃ ni lɛ ko si wana kaa gee mia lɛɛ waala?

Ko mia ɓɔɔ ka. Koo go mia tolokɔ gbɛɛgbɛɛ wa mia kɛkɔ gbɛɛgbɛɛ yi. Ko do ko kɛ Wala kɛi gbɛɛgbɛɛ mɔ lie, ɛ̃ɛ̃ ko do bɛ̃ɛ̃ koó gbaa kɛ Wala wɔ̃ sipia wana ka. Kɛɛ kó to kɛpia Kela vɔ kaa, ko seĩ ko luo si kó wɔ̃ lɛ Baabo a zɔ̃ɔ̃ɔ yi naa fɛfɛ le. (Apɔsɔlɔ 17:11) Ko ko kɔ ya pɛ kɔa mɛdãa wi, ɛ̃ɛ̃ lɛ ko die ko gbini Zihova Wala lɛɛ kũ ko zɔ̃ɔ̃ kaa.

Koo wɔ̃ yie sɔlɔɓo Baabo mɛdãã kolola. Lɛ zi nɔ e kɛa mia seĩ kaa, wɔ̃ nyɔɔɔ gɛ̃ɛ̃ wa kɛ̀ yɔũyɔũ gbĩkpala yi lɛ ko pie teele. Kɛɛ dɔ̀ gaga ko zi kɛɓe yi kɔaa to Baabo liewe pie luo seĩ kaa, aa ko zi kɛɓe kɛkɔ la fɔnɔ gbaa. (Zĩĩ 1:25) Pɛ a kɛ lɛ ko mɔɔ wɔ̃ yieyie lɛ ko mɛdã Baabo yia gee mia lɛɛ lɛ.

Koo to wala-yiikɔ pie. Wala zi yiikɔ ni lɛ Baabo a zɔ̃ɔ̃ɔ, lɛɛ nu kɛ keleŋkeleŋ wa zogeli ɛ̃ɛ̃ ɓɛlɛya, e bɛi mi kɛ pulu, wa sɔ̃̀ɔ kɛsɛ ka mia fĩa. Laa kɛ mia waa kɛ mia kpeĩ ka o kɛpia, ɛ̃ɛ̃ aa mia fãawaa o nu o kie ba kɛi ɛ̃ɛ̃ waa yii yie ɓo o kie ka. Ɓii koo yi dɔ wana ka kelɛ “Wala lɛɛ́ mia ba ɓoa,” ko Wala mia lɛ o ko leege vɔ lɛ o go sɛlɛ seĩ yi lɛ o fĩa ɓoo wá mia kpolo kɛkɔ ɛ̃ɛ̃ sɛlɛ lie si wɔ̃ kaa ba. Ko mia ɓɔɔ ka ye ɓo, kɛɛ ko gbɛɛ ko zi Wala wɔ̃ kɛɛɛ yi.​—Apɔsɔlɔ 4:13; 10:34, 35.

• Mɛ e Zihova la Kela vɔ wa mia ye o toa kɛ nɔ doo?

• Wala zi yiikɔ kpɛɛ lɛ Kela vɔɔ waa mɛdã Baabo mɛdãã kolola?