Koo i zuo ɓo luo lɛ ɓa si kɛ i kii lɛɛ ɓe googoo e kea gee a kaa wɛ̃ĩ. A kɛ kili yia, ɓaa kɛ i Zihova la Kela vɔ dɔ, zi ko wɔ̃ kɛaa wa ko nukiebaa dɔ. Koo yi dɔ kelɛ aa gbũ i mɔ kɛ i ko dɔ mia o Zihova naa ka wɔ̃ kɛ pɛnɛɛ ka. Koo naa i fãa e waa kɛ i wɔ̃ mɛdã teele e gbẽa Wala mɔ. Ɛɛ̃ kɛ wɔ̃ ɓa mɛdãa ɓa zɔ̃ɔ̃ i pie kɛimia wa i ɓɛ́ɛ ni lɛɛ. Zeniia, i kɛ lopia ko pakiemɔɔ yi teele.​—Hiibulu 10:23-25.

Luo lɛ i loa sii kɛ i wɔ̃ mɛdã e gbẽa Zihova mɔɔ, ii loa yi dɔɔ kelɛ laa lɔkɛ i ka die ɓo. A mɔɔ wɔ̃ mɔɔ, lɛɛ lo i zo sii kɛɛ i wɔ̃ seĩ i bɛia kɛɛɛ kɛ, kɛ ɓa zɔ̃ɔ̃ Zihova lɛɛ kelɛ ii lɔkɛa ka nɔ kili. (1 Zɔ̃ɔ̃ 4:8-10, 19) Zi kpɛɛ lɛ i bɛi lɔkɛa e kilia zɔ̃ɔ̃ a ka ɓa kɛɓe la luo seĩ ka? Tò Zihova la lɔɔ piea, mɛ a kɛ sɛ i wɛ̃ĩ? Ɛɛ̃ mɛ e bɛi gbũu i mɔ kɛ kɔa seĩ kɔa Zihova naa ka wɔ̃ kɛ? Ɓa Baabo zɔ̃ɔ̃-mi ge lɛɛ lo lii kɛɛ ka a ye ká wɛĩlɔɔ nia yiɓoa fɛ̃ɛfɛ̃ɛ kɛ ka i kɔpiemia ka to “Wala zi lɔkɛamɔ yi teele, lɛ̀ lɛ ka tĩa yaá kɛɓe wɔlɔwɔlɔ” gɛnɛɛ ka.—Zude 21.

Kɛ i fàa wana wɔ̃ɔ kɛzi yi teelea, ko ge lɛɛ li i kii e kea mɛdã “Keep Yourselves in God’s Love.”