Walamia lie si mia ye o o fɔnɔ nɔɔ o wá ko nukiebaa yi. Kɛɛ zi nɔ e kɛ mɔ a ka Kɛlɛi la mia ni wa nukielaa gã gbɛ̃piaa, lɛ o Walamia lie si mia ye bɛi lɛ mɔɔ sia o o “nyiɛ kɛ a ka Wala la mia ni seĩ” mɔɔ. (Apɔsɔlɔ 20:28) Mia die-die vɔ o kea, o mia lɛ́ wa Zihova ni o fĩa lɛ kpokpo ɓo sɛɛ ka. Oo lie si nukielaa ka ɛ̃ɛ̃ waa o nyiɛ kɛ Wala la mia nia mɔ. O wa mia lɛ ‘pɛlee wɔ̃ diee lɛ o zo kaa ka.” (1 Temɔte 3:1-3) Yɛɓo kpɛɛ lɛ́ o kɛ kɔa wɛ̃ĩ?

Oo kpaa ko ka ɛ̃ɛ̃ waa o zokɛ ko pie. Mia diedie-vɔɔ oo zi zɔ̃ɔ̃ ko lɛɛ Baaboa yi ɛ̃ɛ̃ waa o nyiɛ kɛ nukielaa mɔ kɛ e to Zihova sɔnɔ teele. Ye mia diedie-vɔɔ o yi dɔ kelɛ Wala aa yɛɓo kpanazɛ sua nɔ o lɛɛ, oó o die si gbuo Wala la mia nia la. Kɛɛ oo gbũ ko mɔ kó Wala wɔ̃ kɛ zogeli ka. (2 Kɔleĩtĩa 1:24) Nyiɛ-kɛ-ɓaa-mɔ-mi lɛɛ dɔ gaga aa e zokɛ la ɓaa vɔɔ pie deĩ le. Zi nɔ dooa kaa, lɛ́ mia die die vɔɔ o dɔa gaga kɛɛ ó mia seĩ lɛ́ o nukielaa yia dɔa deĩ lea.​—Zɔ̃ɔ̃ 10:14, 27.

Oo zi ko bɛi Wala we kɛaa zɔ̃ɔ̃ ko lɛɛ. Lɔ́ɔ seĩ yia, mia diedie-vɔɔ oo lie si pakiemɔ ni lɛ o nukielaa yia ka kɛ o ko zodɔamɔɔ mɛ kɛ gaga. (Apɔsɔlɔ 15:32) Gɔ̃a lɛ́ o die nɔɔ lɛ yɛɓoa kɛɛɛ lɛɛ oo lie si wɔ̃ laũ yie gee yɛɓoa kɛɛ ka. A kɛɛ yia oo wɔ̃ laũ yie gee yɛɓoa kɛzi gbɛɛgbɛɛ zɔ̃ɔ̃ ko lɛɛ.

Oo ko fãawaa we gee deĩ le. Kɛ kò Zihova ni ko fĩa e kɛ gagaa, mia diedie-vɔɔ oo ɓɔ ko pie ko kale mɔ ɛ̃ɛ̃ Tomiala Kaa wi waa wɔ̃ gee ko lɛɛ Baaboa yi kɛ e gbũ ko mɔ ɛ̃ɛ̃ aa ko nɛɛnɛɛ.​—Zĩĩ 5:14, 15.

E kã yɛɓo lɛ́ o kɛ nukiela yia mɔɔ, mia die-die vɔɔ bunuzɛ o pɛ naa yɛɓo pie ɛ̃ɛ̃ o kɔpiemia mɔɔ wɔ̃ lɛ o kɔla, lɛ́ laa mɔ o yɛlɛ e kɛa piea. Laa mɔ kó ɓɛlɛya kpokpo nɔ ko leege vɔ lɛ́ ò yɛɓo gaa sua kɛɛ lɛɛ.​—1 Tɛsalonia 5:12, 13.

• Yɛɓo kpɛɛ kpokpo lɛ́ mia die-die vɔ lɛ́ o nukielaa yia o kɛ?

• Zi kpɛɛ lɛ́ mia die-die vɔɔ o zɔ̃ɔ̃ a ka kelɛ ko kpaa lɛ o mɔ deĩ le?