Kɛɛ koo dɔ gaga ‘wɔ̃ laũ yiea’ e ɓɔ mia lɛ o “sii gbɛɛ gbɛɛ la mia, e bɛi we gbɛɛ gbɛɛ gee mia, ɛ̃ɛ̃ zeĩ sɛlɛ gbɛɛ gbɛɛ yimia kaa” mɔ. A mɔɔ wɔ̃ mɔɔ, koo pɛzɔ̃ɔpɔɔ vɔ pɛkɛ we ni lɛ o diee lɛ 750 (wũ salapeelɛ la vũ sɔɔli) yia yi. (Wɛlɛvelesɔ̃ 14:6) Zi kpɛɛ lɛ ko gbumɔ sɔlɔɓoa kɛɛ ko kɔ e bɛi yɛɓo gbuo sua mɔ? Ko leege vɔ lɛ o kii bɛ̃ɛ̃ mia ka kpoula lɛ seĩ mɔɔ, e daá kii-la-niɛ-mia kpo ɓeĩ lɛ o die nɔɔ lɛ yɛɓoa wɛ̃ĩa baa oo gbumɔ nɔ—o seĩ o Zihova la Kela vɔ ka.

Oo kiia pɛkɛ beĩzɛ kuii we yi. Mia Diedie-vɔ Kpo Ɓeĩa oo yɛɓo lɛ o kɛ Kii Bɛ̃ɛpia lɛ e Zihova la Kela vɔ wa yɛɓo kɛa wi ka gbuoa lɛ mɔɔ lagɛ̃ɛ̃. Kii-bɛ̃ɛ̃-pia e kea lɛɛ lie si kii bɛ̃ɛ̃ yɛɓo lɛ o kɛ Zihova la Kela vɔ wa yɛɓo kɛa wi ka gbuo ɛ̃ɛ̃ Bɛtɛ ka gbɛɛgbɛɛ do wia ka. Ɓii kiia bɛ̃ɛ̃ mia oo go sɛlɛ gbɛɛgbɛɛ yia, lɛɛ a kɛ to kɔaa wɔ̃ dɔ e gbɛ̃a mia yiikɔ gbɛɛgbɛɛ mɔ. A zi kɛ kili yia, lɛɛ a kɛ kò kiia aa mia zo si kpoula lɛ seĩ mɔ.

Oo kii bɛ̃ɛ̃zɛɛ vɔ kii-la-niɛ-mia pie. Ye kii bɛ̃ɛ̃zɛɛ waa mɛnyɛ lɛ aa kɛ sɛɛ, oo a vɔ gbaa kii-la-niɛ-mia lɛ o kpoula lɛ seĩ mɔɔ pie fãala. Mia o kilia oo a la niɛ, to wa mɛnyɛ, ɛ̃ɛ̃ waa gee zeĩ niɓo ni wɛ̃ĩ. Oo dɔ gaga kɛɛ o “we ni lɛ o kpeĩ ɛ̃ɛ̃ wanazɛɛ” si kɛɛ o wɔ̃ kpokpo lɛ a bɛ̃ɛ̃ lɛ kuii we yia zɔ̃ɔ̃ we lɛ o la niɛɛ yi kɛɛ e mia zo si.—Ikilisiase 12:10, NW.

Kɔ̃pitɔ lɛɛ kii bɛ̃ɛ̃ yɛɓoa kɛ tietie. Ye kii-bɛ̃ɛ̃-mia ɛ̃ɛ̃ kii-la-niɛ-mia wa ɓea kɔ̃pitɔ doo laá kɛ. E kɛ bɛ̃ɛ̃ kilia, wa yɛɓoa lɛɛ lo e lie tietie ye waa weyiɓo kii vɔ lɛ o kɔpitɔ yia, wa wɔ̃ mɛi naa pɔɔ ni da yɛɓo piea ka. Zihova la Kela vɔ o kii bɛ̃ɛ pɛ lɛ e we gbɛɛgbɛɛ wɛĩa pɛkɛ. Oo kiia bɛ̃ɛ̃zɛ wa pɛ bĩĩ nia da e kie ba we bunuzɛ yi waa pɛkɛ kɔ̃pitɔ la.

Mɛɛ ko mɔɔ dɔ ɓo gaga kɔaa we bunuzɛ bɛ̃ɛ̃, e kɛ bɛ̃ɛ̃ we lɛ mia ku gbuozɛ oó geea ka? Ɓii Zihova “laa naa mia seĩ o laɓo sɔlɔɓo, ɛ̃ɛ̃ kɛ o kɛ wana-wɔ̃ dɔ-mia ka.”—1 Temɔte 2:3, 4.

• Zi kpɛɛ lɛ ko kiia bɛ̃ɛ-kɔ lɛ a ka?

• Mɛɛ e kɛ lɛ ò ko pɛzɔ̃ɔpɔɔ nia la niɛ we bunuzɛ yi?