Kɛ Zizɛ e to ga piaa, wa la toapiemia yiisɛ lɛ o kɛ Pilɛ, Zĩĩ, Zɔ̃ɔ̃, wa Ãdulu kaa, o wɔ̃ gee o doo la pia. Lɛ Zizɛ e kɛ wɔ̃ geepia o lɛɛ e gbɛ̃a wɔ̃ e lo kɛɛ luo leĩto luo kaa mɔɔ, e wɛĩlɔɔ kpanazɛ do kɛ: “Ye lɛ kilia, de e mɔu yɛɓo-kɛ-mi gikãazɛ, lɛ o bɛi a mɔ o o zo dɔ a mɔɔ ka? A ye lɛ a daami aa yɛɓo-kɛ-mia seĩ lɛ o a pie kɛia, kpɔ a kɔ la kɛ e wa leɓele nɔ o lɛɛ a nɔ-o-lɛɛ-luo kaa.” (Mafiu 24:3, 45; Maa 13:3, 4) Zizɛ e kɛ e kɛ e we dɔpia la toapiemiaa lɛɛ kelɛ, a kɛ o “daami” kaa, lɛɛ lo mia sii kɛɛ ó kɛ la toapiemia ó Wala wɔ̃ dɔ luo leĩto luoa ka. Deĩ lɛ e yɛɓo kɛmi e kilia ka?

Lɛ Zizɛ la toapiemia kpo ɓeĩ lɛ o sii lɛɛ ka. “Yɛɓo-kɛmì” e kilia, lɛ e Zihova la Kela vɔ wa Mia Diedie-vɔ Kpo Ɓeĩa kaa. Oo Wala wɔ̃ mɛdã pɔɔ vɔɔ nɔ o leege vɔ lɛ ò gbini Zihova lɛɛ lɛɛ e nɔ luo ka. Ko zo dɔɔ lɛ yɛɓo kɛmi zodɔamɔzɛ e kilia mɔ kɛ ‘e leɓele nɔ ko lɛɛ a nɔ-ko-lɛɛ-luo kaa.’—Luu 12:42.

Lɛɛ e zokɛ Wala la mia ni pie. (1 Temɔte 3:15) Zizɛ e yɛɓo kpanazɛ kpokpo nɔ yɛɓo kɛmi e kilia lɛɛ e gbɛ̃a zokɛ Zihova la nukieba lɛ ye e kpoula zeea mɔ. Oo o nyiɛ kɛ wa Wala wɔ̃ kɛ pɔɔ seĩ mɔ, waa wɔ̃ laũ yie gee yɛɓoa kɛzi zɔ̃ɔ̃, ɛ̃ɛ̃ waa pɛ zɔ̃ɔ̃ ko lɛɛ kó nukiela nia yi. A mɔɔ wɔ mɔɔ, kɛɛ o pɛ ko naa kaa nɔ ko lɛɛ eluo kaa, “yɛɓo-kɛmi gikãazɛ, lɛ o bɛi a mɔ o o zo dɔ a mɔɔ” lɛɛ Wala wɔ̃ mɛdã pɔɔ nɔ ko lɛɛ kò Wala yɛɓoa kɛɛ wɛ̃ĩ. A do lɛ zeĩ pɛ ko mɛdã ko pakiemɔ nia yia kaa.

Yɛɓo kɛmi e kilia lɛ zodɔamɔzɛ tò wana wɔ̃ lɛ e Baabo yia pie wa wɔ̃ laũ yie geee ka. Lɛ zeĩ gikãazɛ e gbɛ̃a zi e e zokɛa Kɛlɛi la pɔɔ lɛ e kpoula zeea piea ka. (Apɔsɔlɔ 10:42) A kɛɛ yia, Zihova lɛ nupia mia gbaala gbuozɛ ka ó kɛ la kela vɔ ka, ɛ̃ɛ̃ aa gbũ yɛɓo kɛmi e kilia mɔ e Wala Lewe mɛdã pɔɔ nɔ mia lɛɛ.​—Aazaya 60:22; 65:13.

• De Zizɛ a si e Wala wɔ̃ mɛdã pɔɔ nɔ la toapiemia lɛɛ?

• Zi kpɛɛ lɛ yɛɓo kɛmi e kilia lɛ a ka zodɔamɔzɛ ɛ̃ɛ̃ gikãazɛ?