Baabo Kii Yizɔ̃ɔ̃pia Mɔɔ Vilo Vɔ
Zɛnɛse Yizɔ̃ɔpia
Zɛnɛse e wɔ̃ kpanazɛ gee kɔa lɛɛ e gbɛ̃a mia ɓee ɓo-gɔɔ-yi pia wa zi wàa wa ga e nua kpoulaa mɔ.
Ɛselɔ Yizɔ̃ɔpia
Wala e Eezɛlɛmia ɓo a ka luo-la yi Ize ɛ̃ɛ̃ e o kɛ sɛlɛ lɛ a die nɔɔ lɛ a lɛɛ ka.
Livelekɔ Yizɔ̃ɔpia
I zi lɛ Livelekɔ e Wala kɛ-pulu-kɔ wa pɛ e kɛ lɛ laa mɔ ko kɛ pulua, kɛ a ka kpokpo ɓo kpanazɛɛ kelekele a kaa gɛ̃.
Nɔma Yizɔ̃ɔpia
Pɛ a kɛ kpanazɛ kɛ ko Zihova we kɛ wɔ̃ nɔɔfe e kɛ bɛ̃ɛ̃ wa ɓɛlɛya nɔ mia lɛ o liesimia ka Wala mia fĩaa gɛ̃.
Ditɔlɔnɔme Yizɔ̃ɔ̃pia
Lɔɔ lɛ Zihova a nɔ Eezɛlɛmia lɛɛ zi lɛ a zɔ̃ɔ̃a kelɛ la mia ni lɔkpɔɔ lɛ a mɔ kpokpo ɓoa gɛ̃.
Zasua Yizɔ̃ɔ̃pia
Zi lɛ Eezɛlɛmia kɔ e diea ɛ̃ɛ̃ lɛ o lɛ Wala a nɔ o lɛɛ yigini a kaa gɛ̃.
Zɔɔze Yizɔ̃ɔ̃pia
Kii e ke lɛ o wɔ̃ gaagaa kɛ a yia, o a tɔ kpɔ gɔ̃ã zogaalazɛ lɛ zodɔamɔ lɛ o yi, lɛ o Wala la mia ni ɓo gã yi o sãdɔmia kɛlɛa mɔ.
Wulufe Yizɔ̃ɔ̃pia
Wulufe kiia lɛɛ die-kpaa-nyɛa-mɔ lɔkɛa, lɛ lee-nɛfu lɛ e to dɛɛ lɛ e kɛ gããlee kaa, a zɔ̃ɔ̃ e dɛ̃-lee lɛɛ wa zi lɛ Zihova e lua kpɔa o mɔɔ wɔ̃ gee.
1 Samio Yizɔ̃ɔ̃pia
I luo lɛ mɛisaɓomia oó gbaa kɛ gbaa liesipia Eezɛlɛmia ka e kã mia lɛ o kɛ kĩĩ kaa mɔɔ gɛ̃.
2 Samio Yizɔ̃ɔ̃pia
I zi lɛ Deɓe la diesipeĩ wa zodɔamɔ e a kɛ a lɔ kpɔa mia mɔ kpokpo ɓo ɛ̃ɛ̃ mia lɛ mia o o dɔ Baaboa yia doomi kaa gɛ̃.
Ɛɛzala Yizɔ̃ɔpia
Wɔ̃ Zihova a gee e gbɛ̃a la mia ni suo kɛ o go siluu mɔ Babɛlɔu, ɛ̃ɛ̃ kɛ e nu gbiniwalalɛɛ wanazɛ ka e mɛi zeniia, a pie-wɔ̃ kɛ.
Neimaya Yizɔ̃ɔpia
Neimaya kiia lɛɛ pɛ kpanazɛ zɔ̃ɔ gbiniwalalɛɛ mia wanazɛ lɛɛ pɛnɛɛ.
Ɛsɔ Yizɔ̃ɔpia
Wɔ̃ lɛ e kɛ Ɛsɔ yii yia lɛɛ lo ɓa zodɔamɔ mɛ kɛɛ gaga kelɛ bɛi lɛ Zihova Wala mɔ e la mia ni la ye yidã wɔ̃ aa ɓɔ o laa ka.
Zoo Yizɔ̃ɔpia
Mia lɛ o lɔkɛ Zihova kaa yidã wɔ̃ lɛɛ ɓɔ o seĩ o la. Zi lɛ Zoo e kɛa ka pulu wɔ̃ kɛɛ yia lɛɛ zodɔamɔ nɔ ko lɛɛ kelɛ koo bɛi kɛɛ pulu ɛ̃ɛ̃ ko ko kɔya Wala la Tomialaa wi.
Sãã Yizɔ̃ɔpia
Sãã kiia lɛɛ e kɔya Zihova la Tomialaa wi, lɛɛ mia lɛ o lɔkɛ a kaa nɛɛnɛɛ to aa gbũ o mɔ, ɛ̃ɛ̃ zi lɛ kpoulaa mɛ e lo vɔɔ a ka ye la Tomiala aa nua ka.
Pɔlɔvɛɛ Yizɔ̃ɔpia
Liewe lɛ a gbɛ̃ɛ lɛ ɓa kɛɓe mɔ kɔ nɔɔfe laa gɛ̃—ye aa gbɛ̃ lɔ́ɔ ni dɔɔ wa mia wa o kɔpiemia wɔ̃ mɔɔ ka.
Ikilisiase Yizɔ̃ɔpia
Sɔlomɔ lɛ e kɛ Kĩĩ kaa e wɔ̃ lɛ lɛ kpokpo ɓo kpanazɛ kɛɓe yia zɔ̃ɔ ɛ̃ɛ̃ e zi laa ka gbɛɛ wɔ̃ lɛ lɛɛ́ wee gikã lɛ e go Wala kɛlɛɛ mɔɔ piea zɔ̃ɔ.
Sɔlomɔ la Tãa Yizɔ̃ɔpia
Zi o lɔkɛa kpokpo lɛ e kɛ Sulemaa lee nɛfua kɛlɛ nyɛi-kɛ-ɓaa-mɔ gɔ̃ nɛfua wɛĩa lɛ kelɛ “Zihova la Yikɛgaa” lɛ ɓe. Mɛɛ wɔ̃ wɛĩ?
Aazaya Yizɔ̃ɔpia
Wɔ̃ lɛ dɔwalalelami Aazaya a gee mɔ lɛ niɓo wá a yia laa kɛ mia waa si wana ka kelɛ Zihova lɛɛ wɔ̃ nɔɔfe a geea pie wɔ̃ kɛ ɛ̃ɛ̃ lɛ Wala lɛ ko laɓo e go a kɛlɛɛ ka.
Zɛlèmáyà Kìì Yí-zɔ̃̀ɔ̃̀-pìà
Zɛlèmáyà e kùnù là dɔ̀-Wálà-lé-là yɛ̀ɓoa kɛɛ̀ɛ mɔ̀ zò-dɔ̀à-mɔ̀ ká yé bɛ̃̀ɛ̃ e wàa bèlèa ka. Ì i yɛ́lɛ́ táá é gbɛ̃̀á pɛ́ là wɔ̃́ gɔ̃̀áa è bɛ̀i à kɛɛ Kɛ́lɛ̀ì là tòà-píé-mìà lɛ̀ɛ pɛ́nɛɛ mɔ̀.
Gbóó-wè kìì Yí-zɔ̃̀ɔ̃̀-pìà
Gbóó-wè kìì lɛ́ dɔ̀-Wálà-lé-là-mì Zɛlèmáyà a bɛ̃̀ɛ̃, e wɔ̃́ gèe é gbɛ̃̀á zò-dà-yéĩ̀-yí lɛ́ e kɛ Zùlúsálɛ̀ yí sìè wɔ̃̀ wɛ̃́ĩ̀a mɔ̀ ɛ̃́ɛ̃́ e zí sɔ̃̀ɔ̃ yɔɔ mɛ́ vɔ̀ɔɔ̀ è nuá Wálà là mia yéĩ́ kṹũ̀ káa zɔ̃̀ɔ̃̀.
Ìzíkìɛ̀ Kìì Yí-zɔ̃̀ɔ̃̀-pìà
Ìzíkìɛ̀ e yɛɓo nɔ́ɔ fé lɛ́ Wálà a nɔa lɛ̀ɛ kɛ dìè-sì-péĩ́ wà zò gáàa là ká zi nɔ́ɔ fé lɛ́ à kɛɛ̀ɛ e kɛá gágàa ka. Là wɔ̃́ gɔ̃̀áa lɛ kɛ-wɔ̃̀ kpànazɛ̀ ká ko wɛ̃́ĩ̀ pɛ́nɛɛ.
Danya Yizɔ̃ɔpia
Danya wa e ɓɛĩ ni o Zihova we kɛ wɔ̃ gaa nɔɔfe lɛ e ɓɔ o laa yi. O zi wɔ̃ gɔ̃aa wa wɔ̃ lɛ Baabo a gee lɛ lɛ kɛpia dɛɛ kaa, lɛɛ gbũ ko mɔ luo leĩto luoa ka.
Hozia Yizɔ̃ɔpia
Wɔ̃ lɛ e Hozia kii yia lɛ kpanazɛ ko wɛĩ pɛnɛɛ e gbɛ̃a Zihova la mia yeĩ kũu wa gbiniwalalɛɛ kɔ lɛ e naa kaa.
Zoa Yizɔ̃ɔpia
Zoa e wɔ̃ gee e gbɛ̃a “Zihova zi luoa” nu-luo mɔ ɛ̃ɛ̃ pɛ kpokpo lɛ e loa kɛɛ mia o laa wɔ̃ gee. Wɔ̃ a gee mɔɔ, ye wa luo kaa tãã wɔ̃ ka pɛnɛɛ.
Emɔ Yizɔ̃ɔpia
Gɔ̃ lɛ e e diesipeĩ kea Zihova a si kɛ e yɛɓo kpanazɛ kɛ. Wɔ̃ kpanazɛ kpɛɛ lɛ kɔa mɛdã Emɔ la wɔ̃ gɔ̃aa mɔ?
Obidaya Yizɔ̃ɔpia
Lɛ Hiibulu kii vɔɔ a kpuumi kpokpo ka. Tooliiezaa wɔ̃ɔ lɛɛ zokɛpɛ mɔ nɔ ɛ̃ɛ̃ lɛɛ Zihova zi liesikɔɔ la pɛlɛ wɔ̃ gee.
Zona Yizɔ̃ɔpia
Dɔwalalelami-a e e kɔya liewe wi, e lo la yɛɓo ka e lie, ɛ̃ɛ̃ e wɔ̃ mɛdã e gbɛ̃a Wala la mia yeĩ kũu wa la kunua mɔ lɔkɛa mɔ. Wɔ̃ e die a yia lɛɛ lo i zo sii.
Maaka Yizɔ̃ɔpia
Tooliezaa wɔ̃ e kea lɛɛ ko fãawaa kɛ ko yidɔ kelɛ Zihova lɛɛ wɔ̃ lɛ ko kɔ e bɛia mɔ ko kɛ, ɛ̃ɛ̃ lɛ e lo gbũu ko mɔɔ, lɛ nɔ a gee ko kɛɛ.
Nehu Yizɔ̃ɔpia
Tooliezaa wɔ̃ɔ lɛɛ zodɔamɔ nɔ ko lɛɛ kelɛ Zihova lewe lɛɛ lo kɛɛ wana ka teele ɛ̃ɛ̃ lɛɛ zoyage nɔ mia lɛ o zoyage wa laɓo naa la Tomiala wia lɛɛ.
Habaku Yizɔ̃ɔpia
Koo a gɛ̃ wana ka kelɛ luo seĩ kaa Zihova lɛɛ luo wa zi kpeĩ lɛ e bɛi la mia ni laa a kaa dɔ.
Zɛfenaya yizɔ̃ɔpia
Mɛ e kɛ lɛ ye waá mɔ ko ko yɛlɛtaa kelɛ Zihova la mɛisa dɔ luoa lɛɛ́ lo nuu??
Heega Yizɔ̃ɔpia
Toolie zaá wɔ̃ɔ lɛɛ zi laa mɔ gbini Wala lɛɛ wɔ̃ e kɛa wɔ̃ kpanazɛ ka ko kɛɓe yi e dia ko zi laa zɔ̃ɔ..
Zɛkelaya Yizɔ̃ɔpia
Pɛ e kelɛ mɛizɛɛ lɛ ɓea wa toolie zaá wɔ̃ ni e Wala la mia ni fãawaa mɔ́. Toolie zaá wɔ̃ nia lɛɛ ko zo vuo la gbumɔ wɔ̃ ka pɛnɛɛ..
Malaka yizɔ̃ɔpia
Lɛ toolie zaá wɔ̃ lɛ a gbɛ̃ lɛ Zihova zi liewe kpo ni lɛ a mɛ lɛɛ́ vɔɔ, wa mia yeĩ kũu ɛ̃ɛ̃ lɔkɛa zɔ̃ɔ. Toolie zaá wɔ̃ɔ lɛɛ wɔ̃ kpanazɛ zɔ̃ɔ ko lɛɛ pɛnɛɛ nɔ kili.
Mafiu Kii Yizɔ̃ɔpia
I wanawɔ̃ lɛ a gbɛ̃ɛ lɛ Baabo kii e kea mɔ gee nyɔnɔ si, lɛ Wɔ̃laũ yie kii yiisɛɛ beĩzɛ ka.
Maa Kii Yizɔ̃ɔpia
Wɔ̃laũ Yie kiia kpuu, kii lɛ Maa a bɛ̃ɛ, e zi lɛ Zizɛ e lo lie sii Wala la Tomialaa kaa yizɔ̃ɔ.
Luu Kii Yizɔ̃ɔpia
Wɔ̃laũ kpɛɛ lɛ nɔ ɓa gɛ̃ Wɔ̃laũ Yie Kii lɛ e Luu kaa yi?
Zɔ̃ɔ̃ Yizɔ̃ɔpia
Zɔ̃ɔ̃ la kiia e tie gbɛ̃ lɔkɛa lɛ e kɛ Zizɛ kɛlɛ mia ɓee wɛĩ, wɔ̃ gɔ̃a lɛ a zɔ̃ɔ e gbɛ̃a diesipeĩ mɔɔ, ɛ̃ɛ̃ pɛ a zɔ̃ɔ kelɛ lɛ Mɛsaya kaa—Lɛɛ lo kɛɛ Kĩĩ ka Wala la Tomiala wɛĩ.
Apɔsɔlɔ-vɔ Kɛwɔ̃ Yizɔ̃ɔpia
Tokɛlɛipiemia lɛ o kɛ mɔ zeea, o yɛɓo kɛ gaga kɛ o sɛlɛ seĩ yimia kɛ Tokɛlɛipiemia ka. Apɔsɔlɔ kiia lɛɛ i fãa kpokpo ɓo Wala yɛɓo kɛɛ mɔ.
Woloma Yizɔ̃ɔpia
A gee kpokpo ɓo kelɛ Wala lɛɛ́ mia ba-ɓo, ɛ̃ɛ̃ zi laá kpanazɛ mia o o zo Zizɛ mɔɔ wɔ̃ gee.
1 Kɔleĩtĩa Yizɔ̃ɔpia
Liewe lɛ Pɔɔ a dɔ e gbɛ̃a kɛkieba, yiikɔ kpeĩ, lɔkɛa, wa wɔ̃ si wana ka lɛ a gbɛ̃ɛ lɛ mia wɛlɛgakɛlɛ wɔ̃ mɔɔ lɛ a ba.
2 Kɔleĩtĩa Yizɔ̃ɔpia
Zihova, “lɛ Wala lɛ mia zoyage wɔ̃ seĩ e go a kɛlɛɛ ka,” lɛɛ la mia ni mɛ kɛ gaga ɛ̃ɛ̃ aa gbumɔ nɔ o lɛɛ.
Gɛlesia Yizɔ̃ɔpia
Kii lɛ Pɔɔ a bɛ̃ɛ Gɛlesia mia pia lɛ sɛ pɛnɛɛ lɛ zi e kɛa lɛ a bɛ̃ɛ ka. Lɛɛ bɛi gbumɔ nɔɔ tokɛlɛipiemia lɛɛ kɛ o to zodɔamɔzɛ.
Ifisɔ̃ Yizɔ̃ɔ̃pia
Kii e kea lɛɛ a zɔ̃ɔ kelɛ Wala aa e wedɔ kɛ e nu zoyage wa kɛkieba ka Zizɛ Kɛlɛi kolola zaa.
Felepĩa Yizɔ̃ɔpia
Ye kɔaa to dɔa ko dɔlɔmɔ yidã wɔ̃ yia, koo bɛi mia ye o toa fãawaa kɛ o zo e kɛ gaga.
Kɔlɔsia Yizɔ̃ɔpia
Koo bɛi Zihova zo daa ye kɔaa a we kɛ, lɛ kɔaa die kɔa kie ni sɔ̃ɔ yɔɔ la, ɛ̃ɛ̃ kɔaa yɛɓo lɛ e Zizɛ kɔla a kɛɛ wa yikɛgaa lɛ e a kɛlɛɛ gɛ̃.
1 Tɛsalonia Yizɔ̃ɔpia
Laa mɔ ko ya ko nyiɛ ko Wala wɔ̃ kɛɛ yi, ‘ko kunu pɛ lɛ sɛɛ mɔ,’ ‘ko sɛnɛɓo teele,’ ɛ̃ɛ̃ kɔaa ko kie ni fãawaa.
2 Tɛsalonia Yizɔ̃ɔpia
Pɔɔ e nɛ-wɔ̃ lɛ mia o kɛ a geepia e gbɛ̃a Zihova nu luo mɔɔ kɛ wa yima, ɛ̃ɛ̃ e ko leege-vɔ fãawaa o to dɔa o dɔlɔ mɔ wa zodɔamɔ yi.
1 Temɔte Yizɔ̃ɔpia
Apɔsɔlɔ Pɔɔ 1 Temɔte bɛ̃ɛ, e zi laa mɔ wɔ̃ e loa e lie nukiela yia ya e kie le ɛ̃ɛ̃ e mia liewe dɔ e gbɛ̃a pɛzɔ̃ɔ-kɔ nɛ zɛ wa pɛlee lɔkpɔ mia mɔ mɔ.
2 Temɔte Yizɔ̃ɔpia
Pɔɔ e Temɔte fãawaa kɛ e la Wala yɛɓo kɛ kpokpo ɓo.
Tatɔ Yizɔ̃ɔpia
Pɔɔ la kii a bɛ̃ɛ Tatɔ piea e wɔ̃ gee e gbɛ̃a wɔ̃ ni lɛ o kɛ kɛpia nukiela ni lɛ o Kilii, ɛ̃ɛ̃ mia o bɛi kɛɛ mia diedie-vɔ kaa mɔ.
Falima Yizɔ̃ɔpia
Kii e kea lɛ kpuu kɛɛ liewe kpanazɛ laa yi e gbɛ̃a diesipeĩ, wɔ̃ yie kɛɛ, wa die mia kɛwɔ̃ yɔɔ la mɔ.
Hiibulu Yizɔ̃ɔpia
Tokɛlɛipiemia wa gbini Wala lɛɛ gã gbɛ̃ɛ lɛ wɔ̃ kpanazɛ kpokpo mɔ e diea gbiniwalalɛɛ ka ɓɔɔ wa sala ɓo wii ka la.
Zĩĩ Yizɔ̃ɔpia
Zĩĩ e wɔ̃gɔ̃a wea si kɛ e liewekpo kpanazɛ zɔ̃ɔ a ka mia lɛɛ.
1 Pilɛ Yizɔ̃ɔpia
Pilɛ la kii beĩzɛɛ e ko fãawaa ko ko die nɔ yɛɓo kɛɛ lɛɛ ɛ̃ɛ̃ ko ko zogɔ̃ seĩ ya Wala wĩĩ.
2 Pilɛ Yizɔ̃ɔpia
Pilɛ la kii tokomɔzɛɛ lɛɛ ko fãawaa ko kɛ zodɔamɔzɛ ye ko yaá lɛi dɛɛ wa tãã zee dɛɛ gɛnɛɛ ka.
1 Zɔ̃ɔ̃ Yizɔ̃ɔpia
Zɔ̃ɔ̃ e ko liewe dɔ e gbɛ̃a Kɛlɛi daagbe mɔ, ɛ̃ɛ̃ pɛ laa mɔ ko lɔkɛ a ka wa pɛ ye wáa mɔ ko lɔkɛ a kaa mɔ.
2 Zɔ̃ɔ̃ Yizɔ̃ɔpia
Zɔ̃ɔ̃ la kii tokomɔzɛɛ laa gee ko kɛ taapia wana wɔ̃ɔ yi teele ɛ̃ɛ̃ koo yɛlɛ kɛ ko die pie mia bekɛ-ɓo-mia wɛĩ.
3 Zɔ̃ɔ̃ Yizɔ̃ɔpia
Zɔ̃ɔ̃ la kii kpola yaakazɛɛ lɛɛ pɛzɔ̃ɔ ko lɛɛ e ɓɛlɛ ɓɛlɛzɛ ka e gbɛ̃a Tokɛlɛipiemia wa wɔ̃ɔ yie kɛ o kie ni lɛɛ mɔ.
Zude Yizɔ̃ɔpia
Zude e lɛɛ ɓo kɛpɛ yɔɔ kɛmia lɛ o dɔ gaga kɛ o Tokɛlɛipiemia bekɛ ɓo ɛ̃ɛ̃ o o la siea la.
Wɛlɛvelesɔ̃ Yizɔ̃ɔpia
Pɛ e kelɛ mɛi lɛ ɓe Wɛlɛvelesɔ̃ kii yia, e zi lɛ Wala la Tomiala e lo wɔ̃ lɛ aa ya e gea kɛɛ a ka miagbunu ɛ̃ɛ̃ kpoula wɛĩa zɔ̃ɔ.
