Bann Temwin Zeova kapav ed ou pou aprann seki Labib ansegne. Nou letid Labib pou kapav ed ou pou:

•   Ena enn lavi ere

•   Vinn kamarad Bondie

•   Aprann bann promes ki ena dan Labib pou lavenir

Seki ou pou aprann

•  Kouma enn letid Labib deroule?

•  Eski mo bizin peye pou sa letid-la?

•  Komie letan sa letid-la pou dire?

•  Ki mo bizin fer pou demann enn letid?

•  Eski mo kapav eseye pou gete kouma li pase?

•  Si mo aksepte etidie Labib, eski mo bizin vinn enn Temwin Zeova?

•  Eski mo kapav servi mo prop Labib?

•  Eski mo kapav invit enn lot dimounn pou asiste mo letid?

•  Si mo’nn deza etidie Labib avek bann Temwin Zeova, eski mo kapav rekoumans etidie?

•  Eski ena bann lezot fason pou etidie Labib par momem?

 Temwin Zeova ki pou etidie avek ou, pou ed ou pou konpran pli bien bann size lor ki Labib koze. Pandan ou letid, ou pou servi liv Viv Ere pou Touletan! Gras-a sa liv-la, tigit-tigit ou pou konpran seki Labib ansegne ek kouma sa kapav ed ou. Pou aprann plis, nou invit ou pou get sa video-la.

 Non. Bann Temwin Zeova swiv linstriksion ki Zezi ti donn so bann disip: “Zot finn resevwar tou kado, donn tou kado.” (Matie 10:8) Anplis, ou pa pou bizin pey nanye pou gagn enn Labib ouswa liv Viv Ere pou Touletan!

 Ena 60 leson dan sa liv-la. Se ou ki deside ki kantite letan ou pou pran pou terminn liv-la. An zeneral, bann dimounn kontan fer omwin enn leson par semenn.

1.  1. Ranpli form ki ena lor nou sit. Nou pou servi ou bann linformasion personel zis pou ki enn Temwin Zeova kapav vinn vizit ou.

2.  2. Enn Temwin Zeova pou kontakte ou. Li pou montre ou kouma nou bann letid Labib deroule. Ek si ou ena bann kestion, li pou reponn sa bann kestion-la

3.  3. Ou pou fer bann laranzman avek dimounn ki pou kontakte ou. Ou kapav fer letid-la kot ou ouswa dan enn lot plas, ou kapav osi fer li par telefonn, par video call, par let, ouswa e-mail. Enn sesion pran anviron enn er-d-tan. Me li kapav pli kourt ouswa pli long, tou pou depann ki kantite letan ou ena.

 Wi. Pou fer sa, ou kapav ranpli form ki ena lor nou sit. Kan enn Temwin Zeova pou kontakte ou, dir li ki ou ti pou anvi esey etidie, zis pou kone si ou pou kontan sa letid-la. Li pou servi brosir Viv Ere pou Touletan! Ladan ena trwa premie leson ki ena dan liv-la, sa pou ed ou pou gagn enn lide kouma enn letid deroule ek si ou pou kontan sa letid-la.

 Non. Bann Temwin Zeova kontan etidie Labib avek bann dimounn. Me zame zot pou fors enn dimounn pou vinn enn Temwin Zeova. Okontrer, avek respe zot ansegn seki Labib dir. Ek zot rekonet ki sak dimounn ena drwa pou swazir seki li anvi krwar.​—1 Pier 3:15, NTKM.

 Wi, ou kapav servi ninport ki version Labib ki ou anvi. Nou kontan servi Labib Tradiksion Nouvo Lemond, parski li sinp ek li exakt. Me nou kone ki boukou dimounn prefer servi zot Labib.

 Wi. Ou kapav invit ou fami ouswa bann kamarad ki ou anvi.

 Wi. Kitfwa ou pou plis kontan fason ki fer letid asterla. Kifer? Parski li plis adapte ar seki bann dimounn bizin dan nou lepok. Ena pli boukou video ek zimaz, ek li plis kouma enn konversasion.

 Wi. Mem si laplipar dimounn finn trouv sa pli fasil pou etidie Labib avek led enn lot dimounn, ena dimounn ki prefer koumans etidie par zotmem. Lor nou paz Bann Zouti pou Etidie Labib, ena bann diferan kitsoz ki kapav ed ou pou etidie Labib, ek zot gratis. Anou get de-trwa parmi sa bann zouti-la:

•   Bann Video Labib. Sa bann ti video-la explik bann lansegnman inportan ki ena dan Labib.

•   Repons pou Bann Kestion Biblik. Dan sa bann lartik-la, ou pou gagn repons pou bann diferan kestion ki ena lor Labib.

•   Labib ek Ou. Dan sa parti-la, ou pou trouv bann diferan konsey ki ena dan Labib. Ek ou pou trouve ki sa bann konsey-la itil pou nou lavi toulezour.