Nou ena kat video lor letid Labib ki nou kapav servi dan predikasion. Ki lobzektif sak video ena?

• Kifer Li Bon Etidie Labib?​—Long Version: Sa video-la ed bann dimounn pou interes zot plis ar Labib, ninport ki relizion zot ete. Li ankouraz bann dimounn pou rod bann repons lozik ki Labib done lor bann kestion bien inportan dan lavi. Li osi explike ki dimounn-la kapav fer pou gagn enn letid Labib.

• Kifer Li Bon Etidie Labib?: Se mem video me dan enn version pli kourt. Li kapav pli efikas dan bann teritwar kot bann dimounn touletan prese.

• Kouma enn Letid Labib Deroule?: Sa video-la ankouraz bann dimounn pou gagn enn letid Labib gratis ek li reponn boukou kestion ki bann dimounn poz zotmem konsernan enn letid Labib. Li osi explike ki dimounn-la kapav fer pou gagn enn letid Labib.

• Kouma Ou Letid Labib Pou Deroule?: Se enn video ki nou kapav montre bann etidian Labib. Mem si koz lor sa video-la lor paz de dan liv Viv Ere pou Touletan!, nou kapav servi li kan nou pe etidie brosir Viv Ere pou Touletan! avek bann dimounn. Video-la explike ki ena dan sa liv-la ek kouma letid-la pou deroule.

Mem si sak video ena enn lobzektif, nou kapav montre ouswa avoy bann dimounn sa bann video-la kan bizin. Bann proklamater bizin fer zefor pou konn bien sa bann video-la ek pou servi zot dan predikasion.