NOU LAVI KRETIEN
Servi Bien Bann Zouti ki dan Nou Kes Zouti pou Ansegne
Fer enn disip, li parey kouma konstrir enn lakaz. Pou fer enn bon konstriksion, nou bizin aprann servi bien nou bann zouti. Nou bizin sirtou devlop nou kapasite pou servi bien nou zouti prinsipal, Parol Bondie. (2Tim 2:15) Nou bizin osi servi bien bann lezot piblikasion ek video ki dan nou Kes Zouti pou Ansegne, avek lobzektif pou fer bann disip. *
Kouma to kapav amelior fason ki to servi bann zouti ki trouv dan nou Kes Zouti pou Ansegne? (1) Demann to sirveyan group predikasion pou ed twa, (2) travay avek enn proklamater ki ena lexperyans ouswa enn pionie, ek (3) pratike, pratike, pratike. Amezir ki to pou servi bien sa bann piblikasion ek video la, to pou gout lazwa ki ena dan travay konstriksion spiritiel ki pe fer azordi.
MAGAZINN
BROSIR
LIV
TRAK
VIDEO
LINVITASION
KART VIZIT
^ par. 3 Ena de-trwa piblikasion ki pa dan nou Kes Zouti pou Ansegne. Sa bann piblikasion-la inn fer pou ed bann fami, bann zanfan, bann zenn zanfan, ouswa bann dimounn ki ena lezot krwayans ouswa ki pa krwar dan Bondie. Servi zot kan li apropriye.
