Apartir sa lane-la, nou pou ena plis letan pou prepar nou pou Memoryal lamor Zezi Kris. Si Memoryal tom enn zour lasemenn, pa pou ena Renion Nou Lavi Kretien ek Nou Minister. Si Memoryal tom enn wikenn, pa pou ena diskour piblik ek Letid Latour Degard. Eski to pou servi bien sa letan anplis la? Parey kouma dan premie siek, pou bizin fer bann laranzman pou sa levennman spesial la. (Lk 22:7-13; km 3/15 1) Me nou tou bizin prepar nou leker. Kouma nou kapav fer sa?

• Reflesi kifer li inportan pou asiste Memoryal.​—1Ko 11:23-26

• Priye ek reflesi lor to relasion avek Zeova.​—1Ko 11:27-29; 2Ko 13:5

• Lir ek medit lor bann verse ek bann piblikasion ki koz lor sinifikasion Memoryal.​—Zn 3:16; 15:13

Sertin proklamater lir ek medit lor lektir Labib pou Memoryal ki ena dan brosir Anou Examinn Labib Toulezour. Lezot lir bann verse ki ena dan tablo ki ena dan sa lartik-la. Sertin reget bann lartik Latour Degard ki koz lor Memoryal, ek lor lamour ki Zeova ek Zezi inn montre anver nou. Ninport ki kitsoz to swazir pou etidie, nou espere ki sa fer twa vinn ankor pli pros ar Zeova ek so Garson.